Read Sidama_Qullaawa _Maxaafa SOQQAMAASINETE LOOSO 25 Bible Online

SOQQAMAASINETE LOOSO 25 - Sidama_Qullaawa _Maxaafa bible

SOQQAMAASINETE LOOSO 25

¹Fisxoosi gashshino gobba Qiisaariya e"e sase barra keeshshihu gedensaanni Yerusaalame ha'ri.

²Hakkiichono qeesootu roorrootinna Ayihudete jajjabbi Phaawuloosi giwansa leellishshanni,

³«Phaawuloosi Yerusaalame daanno gede assinke» yite huuccidhu. Hatto yitinohu, daanno woyite doogote gaa'lite agarte shaa hasidheeti.

⁴Fisxoosi kayinni, «Phaawuloosi Qiisaariyaho usurame no. Anino xa hakka ha'rammoraati;

⁵Phaawuloosi assinori nooro hakkiicho ku'litannona, roorrooti'ne ane ledo hadhona» yiinsa.

⁶Fisxoosi settunna tonnu barri geeshsha insa ledo keeshshe, galagale Qiisaariya ha'ri. Hakkiira iille, layinki soodo yoote ofolle Phaawuloosi shiqishshanno gede hajaji.

⁷Phaawuloosi shiqita, Yerusaalametenni daggino Ayihudooti iso doyissite uurrite taje afi'rinokkiha lowo coye ku'litu.

⁸Phaawuloosino, «Ani Ayihudootu seeri aana ikko Qullaawa Mine woy jawu Roomu moote aana assoommo sao dino» yaanni umosi gargadhanno coye coyi'ri.

⁹Fisxoosi kayinni Ayihudoota hagiirsiisara hasi're Phaawuloosi, «Yerusaalame hadheenna coyekki hakkiicho afoheni?» yiisi.

¹⁰Phaawuloosi daware, «Ani yoo yinaera jawu moote barcimi albira shiqoommo. Atino seekkite afoottonte gede Ayihudete hunoommori mitturino dino.

¹¹Hunoommori hee'riro woy reyote iillishannore assoommoha ikkiro, ‹Gatisie› diyeemmo. Insa ku'lora taje hoogguro insa angara sayise aaera dandaannohu dino. Kunnira coyi'ya jawu mootewa saoe» yii.

¹²Hakka woyite Fisxoosi amaalaasinesi ledo amaalame, «‹Coyi'ya jawu mootewa saoe› yiittoro hakka ha'ratto» yiisi.

¹³Shiimu barri gedensaanni moote Agiriphanna Beriniqe Fisxoosi, «Hawalle keere dayitto» yitara Qiisaariya hadhu.

¹⁴Insa Qiisaariyaho lowo barra keeshshituta Fisxoosi Phaawuloosi coye kayise moote Agiriphara kulanni, «Filikisi usure keeshshiishinohu mittu manchi no.

¹⁵Ani Yerusaalamete hee'reenna qeesootu roorrootinna Ayihudete geerri kuni manchi assino coye afe yoo yaammonsara hasidhino.

¹⁶Ani kayinni, ‹Roomu seerira, bushiinshoonni manchi mule hee're dawarannore anfikkinni yoo diyinanni› yoommo.

¹⁷Kunnira ku'litannori layinki barra gamba yite daggeenna coyensa keeshshiishummokkinni, yoote darga ofolle, Phaawuloosino abbitanno gede hajajoommo.

¹⁸Isi shiqeenna ku'litanno woyite, sao assino yine hendanni coye diafoommo.

¹⁹Isi ledo moromantinohu kayinni, seerinsareetinna reyinoha Phaawuloosi qole, ‹Lubbotenni no› yaanno Yesuusireeti.

²⁰Aneno kuni coyi tirate qarriseennae Phaawuloosi, ‹Yerusaalame hadheenna coyekki hakkiicho afoheni?› yoommo.

²¹Isi kayinni, ‹Coyi'ya jawu Roomu mootewa saoe› yiita, hakkiira iilla geeshsha usuru mine keeshshanno gede hajajoommo» yii.

²²Agiripha, «Kuni manchi coyi'ranna macciishsha hasi'reemmo» yii. Fisxoosino, «Maahoyye, ga'a macciishshattona» yiisi.

²³Layinki barra Agiriphanna Beriniqe maareekote uddano uddidhe olantote hajajaanonna katamu jajjabbi dukkisseenna yoote hara e'e ofoltu. Fisxoosino Phaawuloosi woshshe abbisiisi.

²⁴Fisxoosi qole, «Moote Agiriphanna ledonke heedhinoonni manni baalu! Ayihudootu, ‹Kuni manchi kunni ka'a lubbote hee'ra dihasiissanno› yite Yerusaalameteno konneno yoo yinanni gede woxarattannoe manchi konneeti.

²⁵Anera kayinni iso reyote iillishanno coyi dileellinoe. «Isino, ‹Coyi'ya jawu Roomu mootewa saoe› yeenna sayisoommo.

²⁶Ikkollana Mootichi'yara borreesseemmohu buunxoonni coyi dino. Kunnira xa'mine anfihu gedensaanni, qorre iillinanni coyi hee'ranno daafira, roorse moote Agiripha albira shiqishoommo.

²⁷Tenne hedoommohu, ku'linoonni coye buunxikkinni usuranya aliidihuwa soya gara labbinoekki daafiraati» yii.