Read Sidama_Qullaawa _Maxaafa ROOMU SOKKA 12 Bible Online

ROOMU SOKKA 12 - Sidama_Qullaawa _Maxaafa bible

ROOMU SOKKA 12

¹Xa roduuwa'ya, mannimma'ne lubbotenni noo kakkalo gede, Magano hagiirsiissannotanna qullaawa assitine shiqishshinara huucci'reemmo'ne. Hatto assa hasiissanno'nehu, Maganu maaro uyino'ne daafiraati. Magano magansi'nanniti halaalaancho doogo hattenneeti.

²Maganu hedo dancha, hagiirsiissannotanna guuta ikkitinota affinanni gede, wodani'ne haaroo'mo ikkinnina tenne gobba mannita busha doogo hadhinoonte.

³Qoltineno, mitti mitti'ne Maganu uyino'ne amma'na bikkinni umo'ne heeshshi assitine la'e ikkinnina, hasiisannohura aleenni heddinanni boo'nitinannikki gede uyinoonnie eltonni seejjeemmo'ne.

⁴Mitte mannimmara duuchu bisi no. Mittu mittunku bisi addi addi looso afi'rino.

⁵Ninkeno haammante hee'nenni, Kiristoosinni mitto bisooti. Mitte mannimma aana hee'noommo daafira, mitti mittinke ku'u ko'onni bisooti.

⁶Uyinoonninke elto garinni, addi addi aamami noonke. Mittu manchira uyinoonnisi aamami Maganu sokka kula ikkituro, amma'nasi deerrinni kulona.

⁷Aamamisi woleho soqqama ikkituro, jaate soqqamona; rosiisa ikkituro, jaate rosiisona.

⁸Aamamisi manna jawaachisha ikkiro, jawaachishona; aa ikkituro, shooshanqetenni oona. Manna gashsha ikkituro, diinaggaawe gashshona. Aamamisi manna marara ikkituro, mararrosi hagiirrunni leellisho.

⁹Baxilli'ne goowi aliha ikkoonke. Busha coye gibbe; dancha coye cu'midhe.

¹⁰Mimmiti'ne ledo rodiimmate baxillinni baxamme; mimmito'ne ayirrisate qolchamme.

¹¹Jawaattine loosse ikkinnina, cee'maleeyye ikkitinoonte. Ayyaanunni laalaattine Mootichahono soqqamme.

¹²Hexxotenni hagiidhe; qarru yannara cince; jaattine huuccidhe.

¹³Gadadantino ammanaasine kaa'lensa; wosinchimma daggannore haadhensa.

¹⁴Okkitanno'nere maassidhe; maassidhe ikkinnina runtinoonte.

¹⁵Hagiidhitannori ledo hagiidhe; wi'litannori ledo wi'le.

¹⁶Mimmiti'ne ledo sumuu yitine heedhe; ki'nenee bokkeessa agurtine gadadaammu ledo aanne.[4] «Ane ka'a egennaamu dino» yitooti.

¹⁷Busha assinohehura busha assite qoltooti. Mannu baalu albaanni dancha coye assate jawaati.

¹⁸Dandiitiniha ikkiro, ki'ne widiidita mannu baalu ledo keere heedhe.

¹⁹Jaalla'ya, Maganoho uyitine agurre ikkinnina ki'ne rabbisidhinoonte. Mootichu, «Rabba anete; rabba ani qoleemmo» yaanno.

²⁰Rabbisi'ra agurte baarigaarikki hudi'riro itisisi; goo'riro hayikkisisi. Hatto assakkinni umisi aana giirate kashilo duunatto.

²¹Busha danchu coyinni qeeli ikkinnina, bushu coyinni qeelantooti.