Read Sidama_Qullaawa _Maxaafa ROOMU SOKKA 13 Bible Online

ROOMU SOKKA 13 - Sidama_Qullaawa _Maxaafa bible

ROOMU SOKKA 13

¹Maganiweello gashshootu nookkihuranna gashshootu aana nooreno isi worino daafira, mannu baalu aleenni noo gashshaanora hajajama hasiissanno.

²Kunnira, gashshaanote haxawarrannohu baalu, Maganu yiinore qoxxisannoho yaate. Hatto ikkannohu, umisi aana hanqo abbi'ranno.

³Gashshaasine busha assitannore ikkinnina dancha assitannore diwaajjishshanno. Gashshaano waajjishshannohekki gede hasi'rattoni? Hattenne hasi'rittoro, dancha looso loosi! Insano galattannohe.

⁴Gashshaanchu atera dancha coye assate Maganu soqqamaanchooti; gashshaanchu bagado mulla diqodhinona busha assattoha ikkiro iso waajji. Isi, bunshe assitannore qorichishatenni Maganu soqqamaanchooti.

⁵Kunnira gashshaanote hajajama hasiissanno'ne. Hajajantinannihuno hanqo waajjatenni calla ikkikkinni, wodani'neno kulanno'ne daafiraati.

⁶Giwire uyitinannihuno, gashshaano kunni garinni jaatanaabbe Maganoho soqqantannore ikkitinohuraati.

⁷Baalunkura aate hasiisannore uuyye. Giwiru hasiisannohura giwire, qaraxo hasiisannohura qaraxo uuyye. Waajja hasiissanno'neha waajje; ayirrisa hasiissanno'neha ayirrisse.

⁸Mimmiti'ne ledo baxama agurranna, ayirano asalu hee'roonke'ne. Manna baxannohu Seera wonshinoho yaate.

⁹Hajajo, «Foortooti, shitooti, moortooti, yortooti!» yitannotinna wole hajajo baala, «Manna umikki gede assite baxi!» yitanno hajajo giddo amadante no.

¹⁰Baxillu noosihu mannaho busha coye diassanno. Kunnira, baxillu Seeraho gawalote yaate.

¹¹Xa goxanotenni ka'inanni yanna iillitinota affine konne coye asse. Alba amma'ninummo yannanni roore, xa gatonke barri mulira gamba yiino.

¹²Hashshu sa"araati; barru gamba yiino. Kunnira, tunsichu looso tunge hunne, xawaabbu bagado qodhino.

¹³Barri xawaabbi giddo hee'ranno manni gede labbino heeshsho hee'no. Sirbanna dimba, foorrenna baashaawa, moronshonna dhiibbe hoollo.

¹⁴Mooticha Yesuusi Kiristoosa uddidhe ikkinnina, maalu yorto wonshate heddinoonte.