Read Sidama_Qullaawa _Maxaafa ROOMU SOKKA 3 Bible Online

ROOMU SOKKA 3 - Sidama_Qullaawa _Maxaafa bible

ROOMU SOKKA 3

¹Ayihude ikkatenni daga mayinni roorranni? Barcima maricho kaa'litanno?

²Addanko, Ayihude ikka batinye doogonni roortanno. Qaru coyi kayinni, Maganu addaxxe qaalesi Ayihudete aasiiti.

³Ayihudete giddonni mitu mitu ammanama hoogguro, ammanama hoogansa Maganu ammanama gatissannoni?

⁴Horontanni digatissanno! «Coyi'ratto coyinni kainohunni halaalaancho ikkatto; baarigaarakki yoote darga garatto» yine borreessinoonninte gede, mannu baalunku kaphaancho ikkirono, Maganu kayinni halaalaanchoho.

⁵Ninke cubbi Maganu keeraanchimma leellishannoha ikkiro, ma yineemmoyya? Maganu cubbinke daafira qorichishinkero, yoosi dabbino yaateni? Konne coye coyi'reemmohu mannu hedanno garinniiti.

⁶Maganu horonta yoo didawisanno. Hatto assannoha ikkiro, alamete aana yoo hiitto asse yaannoyya?

⁷Ane kaphaanchimma Maganu halaale xawisse, lowoha ayirrinyesi leellishshannoha ikkiro, cubbaataamu gede assine anera yoo yinanniehu mayiraati?

⁸Mitu mitu, «Danchare afi'neemmo gede busha coye assino» yaanni rosiiseemmohu gede assite su'ma huntannoe. Insa aana yinanni yoo garaho.

⁹Hatto ikkiro ninke Ayihude dagatewiinni woyyineemmo coyi noonke yaateni? Horonta hatto di"ikkino! Ayihudeno ikkito daga, mannu baalu cubbaataamo ikkinota balaxe coyi'roommo.

¹⁰Maganu Qaali, «Keeraanchu mittu nafa dino;

¹¹wodanchannohuno dino; Magano hasi'rannohuno dino.

¹²Baalunku Maganu doogowiinni wirri yiino; mitteenni tidhitinokkire ikkitino. Dancha coye assannohu dino; mittu manchi nafa dino.

¹³Busha coye coyi'rate afiinsa waammate gede fa'naminoho; arrawinsanni dogganno; suumensanni fulanno coyi, hamashshu harfi gedeeho.

¹⁴Afiinsara rumonna, qaraaro wo'mitino.

¹⁵Lekkansa manna shaate rakkannote;

¹⁶doogonsara baonna gadadu no.

¹⁷Keeru doogo diegentino.

¹⁸Magano horontanni diwaajjitanno» yaanno.

¹⁹Seeru hajajo Seeru anga galtannorira ikkitinota egenninoommo. Kunni daafira mannu ku'le gatannore hooge sammi yaanno; alame baala Maganu yoo angara higganno.

²⁰Seeru mannu baalu cubbaataamo ikkinota leellishanno daafira, Maganu albaanni Muse Seera agadhatenni keeraawannohu dino.

²¹Xa kayinni Maganu mannaho Seera agadhikkinnino keeraa'manno doogo kulino. Konne coyeno, Seerunniteranna himanaanote maxaaffa giddo farci'noonni.

²²Maganu Yesuusa Kiristoosa amma'nanno manna baala keereensanno. Mannu mereerono badooshshe diworanno.

²³Mayira yiniro, mannu baalu cubbo loosino; Maganu uyino ayirrinyeno hoogino.

²⁴Kunnira, mannu Kiristoosi Yesuusi loosino gatonni mulla Maganu elto callatenni keeraa'manno.

²⁵Maganu Yesuusa Kiristoosa, cubbo agursiisate kakkalo asse uyinohu, Isi kakkalama ammaninohu gatanno gedeeti. Maganu hatto assinohu, cincasinni albi cubbo hune halaalaancho yoosi leellishara yeeti.

²⁶Xa tenne yannara kayinni, Maganu keeraanchimmasi leellishannohu, Yesuusa amma'nitinore keereensatenniiti.

²⁷Xa adawadhineemmo coyi noonkeni? Mitturino dinonke. Adawadhineemmokkihu mayiraati? Adawadhineemmokkihu, Seera agadhatenni ikkikkinni amma'natenni keeraamboommo daafiraati.

²⁸Kunnira, Maganu manna keereensannohu, Seera wonshineenna ikkikkinni amma'natenni ikkinota seekkine buunxoommo.

²⁹Woy Maganu Ayihudenniha calla ikkinoni? Dagannihano di"ikkino? Ee, Maganu wo'munkuho.

³⁰Maganu mittoho. Isi Ayihudeno dagano amma'nansanni keereensanno.

³¹Hatto ikkiro amma'nate daafira yine Seera mullare assine agurreemmo yaateni? Dee'ni! Roorenka kaajjinsheemmo.