Read Sidama_Qullaawa _Maxaafa ROOMU SOKKA 6 Bible Online

ROOMU SOKKA 6 - Sidama_Qullaawa _Maxaafa bible

ROOMU SOKKA 6

¹Xa ma yineemmo? Maganu elto batidhanno gede cubbo loonsoommo gedeenni hee'no?

²Dee'ni! Ninke cubbuwiinni reyinohu gede baxxine hee'noommori, galagalle cubbu ledo hiitto ikkine hee'neemmo?

³Kiristoosi Yesuusi ledo mitto ikkate cuuammoommori baalu, reyosino beeqqate cuuammoommota diegentinoonni?

⁴Cuuamatenni isi ledo waamammummo yannara, isi reyo beeqqinoommo. Kunnira, Kiristoosi Annu ayirrinyinni reyotenni kainte gede, ninkeno haaro heeshsho hee'neemmo.

⁵Reyosinni isi ledo mitto ikkinummoro, kaosinnino isi ledo mitto ikkanke digattannote.

⁶Cubbaataame mannimmanke ba'aranna cubbu borojje ikkankeno gattara, akkala mannimmanke Kiristoosi ledo sutantinota egenninoommo.

⁷Hatto ikkannohuno, reyino manchi cubbu anganni fulinoha ikkinohuraati.

⁸Kiristoosi ledo reyinummoro, isi ledo hee'neemmotano ammannoommo.

⁹Kiristoosi reyotenni kaino daafira, layinkimeeshsho reyannokkitanna reyono isi aana wolqa afidhinokkita egenninoommo.

¹⁰Lexxitannokki reyo mitte hige cubbu daafira reyino. Xa hee'ranno heeshsho kayinni Maganoho hee'rannote.

¹¹Ki'neno cubbuwiinni reyinohu gede baxxitine, Kiristoosi Yesuusinni Maganoho heedhinannita hedde.

¹²Kunnira, cubbu reyitanno mannimma'ne aana wolqa afi'raranna maalu yorto angara qola'nera wortine la'inoonte.

¹³Mannimma'ne biso bunshete uduunnicho assitine cubbu angara qoltinoonte; hatteentenni reyotenni ka'ine lubbotenni heedhinoonnihu gede ikkitine umo'ne Maganoho shiqishshe. Mannimma'ne baala keeraanchimmate uduunne assitine Maganoho uuyye.

¹⁴Ki'ne eltote anga heedhinoonnita ikkinnina, Seeru anga heedhinoonnikki daafira, cubbu digashshanno'ne.

¹⁵Xa ma yineemmo? Seeru anganni fulle eltote anga hee'noommo daafira, cubbo loonsoni? Horonta dee'ni!

¹⁶Mittu manchira borojje ikkitine hajajantiniro, hakkunni hajajantinannisi manchi borojje ikkitinannita diaffinoonni? Cubboho hajajantiniro reyo abbanno cubbira borojje ikkitinanni; Maganoho hajajama kayinni keeraanchimma abbitanno'ne.

¹⁷Ki'ne alba cubbu borojjeeti; xa kayinni adhitinoonni rosira wo'mu wodaninni hajajantinoonni daafira Maganoho galatu iillosi.

¹⁸Cubbu borojjimmanni wolaphitine keeraanchimmate borojje ikkitinoonni.

¹⁹Ani ayerano leellanno garinni xawise coyi'reemmohu, ki'ne buuxxinannikkire ikkitinoonnihuraati. Alba mannimma'ne baala saaliweelletenna bunshete borojje assitininte gede, xa kayinni mannimma'ne qullaawa assate keeraanchimmate borojjimmara sayissine uuyye.

²⁰Cubbu borojjimma giddo heedhinoonni waro, keeraanchimma loosate diqarrantinoonni.

²¹Hatte yannara ma afidhini? Xa saalfachishanno'neri ka'a afidhinoonniri dino. Kunni coyi gawalono reyote.

²²Xa kayinni cubbuwiinni wolaphitine Maganu borojje ikkitinoonnihura qullaawootaho; qullaawa heeshsho gawalono hegere heeshshooti.

²³Cubbu laalchi reyote; Maganuwiinni afi'nanni ba'raa'ri kayinni, Mootichinke Kiristoosi Yesuusi widoonni hegere heeshshooti.