Read Sidama_Qullaawa _Maxaafa UMI QORONTOOSI 13 Bible Online

UMI QORONTOOSI 13 - Sidama_Qullaawa _Maxaafa bible

UMI QORONTOOSI 13

¹Mannu afiinni woy sokkaasinennihunni coyi'ra danduummoro, baxillu hoogiero kayinni, luulanno siwiilinna qili yaanno bilbili gedeeti.

²Himana coyi'rummoro, go'lino coye afeemmoha ikkummorono, egenno baala heedhuerono, ilaalla darginni kayissanno geeshshi ammana heedhuerono, baxillu hoogiero kayinni haafaho.

³Afi'roommore gudise buxanete beehummoronna biso'ya giirate ee agurummorono, baxillu hoogiero kayinni mittoreno diledannoe.

⁴Baxillu cincanno; baxillu elanno; baxillu dihinaasanno; baxillu dinaaxxanno; baxillu diboo'nanno.

⁵Baxillu seerimale gede di"ikkanno; baxillu umisire diroorsi'ranno; baxillu dicaaccaawanno; baxillu koma dikiiranno.

⁶Baxillu halaalu coyira hagiidhanno; bunshete coyira dihagiidhanno.

⁷Baxillu baalankare cincanno; baalanka addaxxanno; baalanka hexxanno; dargasi diaguranno.

⁸Baxillu geedonniho. Himanuno yannate geeshshaati; haaru afiinni coyi'rano gattanno; egennono sa'anno.

⁹Egennonke xeate; himaninkeno wo'ma di"ikkino.

¹⁰Wo'mu daanno waro kayinni, xeu ho'lanno.

¹¹Anje noommo yannara oosichi gede coyi'roommo; oosichi hedanno gede hedoommo; oosichi xiinxallanno geeshsha xiinxalleemmo. Jawoo'mummoti, oosichimma'ya facci asse aguroommo.

¹²Xa co'o yee leellinkekkinni hincilaallote giddoonni qolle la'nanni hee'noommo. Hakka waro kayinni xunsine la'neemmo. Xa gama daratella la"anni noommo; hakka waro kayinni Maganu ane egenninoe deerrinni anino egenneemmo.

¹³Kunnira ammana, hexxonna baxillu sasunku darginni milli yitukkinni heedhanno. Ikkollana, kuri sasunku giddo rooru baxilleho.