Read Sidama_Qullaawa _Maxaafa UMI QORONTOOSI 8 Bible Online

UMI QORONTOOSI 8 - Sidama_Qullaawa _Maxaafa bible

UMI QORONTOOSI 8

¹Kaphu magannara kakkalate gorrinoonni maalire coyi'nanni woyite, baalunkura egenno noonketa anfoommo. Egenno naaxxisiissanno; baxillu kayinni dhaawanno.

²Egenno nooe yee hedanno manchi, hasiissannosi geeshshi egenno xaara diafi'rino.

³Magano baxannoha kayinni, Maganu egenninosi.

⁴Kaphu magannara kakkalate gorrinoonni maala itate daafira coyi'nanni woyite, kaphu maganna tenne gobba aana haafare ikkitinotanna mitto Magano agurranna wolu nookkita anfoommo.

⁵Ikkirono lowoti kaphu magannanna mootoolla noota egenninoommo. Gordohonna baattote «Magannate» yinanni maganna heedhurono,

⁶ninkera duuchunkuri isinni ikkinohu, ninkeno isire ikkinoommohu mittu Magani Annu noonke. Qoleno duuchunkuri isi widoonni ikkinohu ninkeno isinni hee'neemmohu mittu Mootichi Yesuusi Kiristoosi noonke.

⁷Konne coye kayinni wo'mu diegennino. Mitu mitu kaphu maganna magansi'ra rossino daafira, togoo maala ittanno woyite, kaphu magannara kakkalloonniha lawannonsa. Wodana lopha hoogansanni kainohunni batte ikkannonsa.

⁸Sagale Maganunniwa diaanchitannonke; ita hoogankenni xeannori dino. Itankennino lexxannori dino.

⁹Ikkollana, ki'ne faffo wodana lophitinokkirira guficho ikkitannokki gede qorophe.

¹⁰Egenno afidhinoonniri kaphu maganna galmira ittinanna wodana lophinokkihu afiro, kaphu magannara kakkalloonniha itate diyoranno?

¹¹Kiristoosi reyinosihu, kuni lophinokki rodii, ate egennonni reyaraati yaate.

¹²Kunni garinni roduuwu aana sao assanna wodanansa madiissa, Kiristoosi aana sao assate yaate.

¹³Iteemmo sagale rodoo'ya sarraaqqe tuggannoha ikkiro, rodoo'ya cubboho tugammontenni maalu horo gatoe.