Read Sidama_Qullaawa _Maxaafa LAYINKI QORONTOOSI 10 Bible Online

LAYINKI QORONTOOSI 10 - Sidama_Qullaawa _Maxaafa bible

LAYINKI QORONTOOSI 10

¹Ani Phaawuloosi ki'ne ledo noommo geeshsha jooge, ki'newiinni xeerti'reemmo woyite kayinni uggoommo'nehu, Kiristoosi shaqqillinninna danchummanni huucci'reemmo'ne.

²Dayemmo woyite, ninke tenne gobba hedo garinni coyi'neemmore assite heddannorira kaajjishe coyi'ra hasi'reemmo; ki'nera kayinni hatto asse coyi'reemmo gede assitinoonte"e.

³Tenne gobbara hee'neemmore ikkinummorono, olinke tenne gobbahu gedeeha di"ikkino.

⁴Olunnihu bagadinke tenne gobbahu gedeeha di"ikkino. Qiisho diigate kayinni Maganu wolqa ledo nooho.

⁵Maganu egenno aana ka'anno boo'na baala diingeemmo. Kiristoosira hajajantanno gede mannu hedo baala qafandeemmo.

⁶Hajajama'ne guuttanno woyite, hajajama giwa qorichishate qixxaamboommo.

⁷Ki'ne aaniido calla la'inanni. Ayino Kiristoosiha ikkasi buuxe afinoha ikkiro, isinte gede ninkeno Kiristoosire ikkinoommota huwato.

⁸Mootichu uyinoe roorre ki'ne dhaawateeti ikkinnina diigate di"ikkino. Kunnira tenne roorre ku'la'yara disaaleemmo.

⁹Sokka'yanni waajjishiisheemmo'neha lawoonke'ne.

¹⁰Mitu mitu manni, «Phaawuloosi sokka ayirritannotenna kaajjadote; manninatesi la'nanni woyite kayinni wolqiweeloho. Hasaawisino ditidhinoho» yitanno.

¹¹Hatto yaanno manni, ninke xeerti'ne hee'ne borreessine sonkeemmo sokkankenna ledo hee'ne loonseemmori mereero badooshshu nookkita egenno.

¹²Ikkollana insanaa naaddannori mitu mitu ledo ninkenee ditaashshineemmo; taashshateno dihasi'neemmo. Insa kayinni insanaa mimmitinsa ledo taashshitanno; hattenneno diwodanchitanno.

¹³Ninke kayinni danna sa'ne diadawadhineemmo; adawadhineemmohu Maganu uyinonke loosinninna ki'newa iillitanno soqqanshonke deerrinniiti.

¹⁴Ki'ne heedhinoonnihuno loosinke danni giddo ikkinohura, Kiristoosiha Dancha Duduwo kulate ki'newa dangummo yannara hakko danna disa'noommo.

¹⁵Kunnira ninke Maganu uyinonke danna sa'ne, wolu manni loosi giddora e'ne diadawadhineemmo. Roorenka amma'na'ne lophitanno gedenna loosinke Maganu uyinonke danni giddo mereero'ne hala'lanno gede hexxineemmo.

¹⁶Kunni ka'a wolu manni loosino loosi giddora e'ne, balanxe loonsoonni loosinni adawadhinummokkinni, ki'nera ka'aanni noo gobba marre Dancha Duduwo kula dandiineemmo.

¹⁷«Adawadhannohu Mooticha adawadho»

¹⁸Mancho naada dandiinannihu Maganu naadisirooti ikkinnina, isi isonoo naaxxeenna di"ikkanno.