Read Sidama_Qullaawa _Maxaafa LAYINKI QORONTOOSI 6 Bible Online

LAYINKI QORONTOOSI 6 - Sidama_Qullaawa _Maxaafa bible

LAYINKI QORONTOOSI 6

¹Maganu ledo mitteenni loonsanni hee'neenna, adhitinoonni elto mullawa huntinannikki gede huucci'neemmo'ne.

²Maganu, «Injiitino yannara macciishshoommohe; gatote barrano kaa'loommohe» yaanno daafira, kuneeti injiitino yanna xaati; gatote barrino techooti.

³Soqqanshonke mishantannokki gede ayerano guficho di"ikkineemmo.

⁴Qarra, mitiimmanna shetto cincinanni baalunku raginni Maganu soqqamaano ikkanke leellinsheemmo.

⁵Ganamatenni, usurunni, wodahamatenni, loosu daafurinni, goxano hoogatenni, hudetenni;

⁶fayyaaleessimmatenni, buuxatenni, cincatenni, shooshanqetenni, Qullaawu Ayyaani hoode ha'ratenninna doga nookki baxillinni;

⁷halaalaanchu qaalinni, Maganu wolqanni, gura qiniitira ikkannoha keeraanchimmate bagado amaxxatenni;

⁸ayirrinyunnino shollinyunnino, danchu su'minnino bushu su'minnino ninkenee qixxeessineemmo. So'risiisaanote yininkerono, ninke halaalanyootaho.

⁹Afinonsahu dino yininkerono, egennammoommoreeti; reyinoommoha lambanni hee'nenni, kuneeti lubbote hee'noommo. Gawajjammummorono direyineemmo.

¹⁰Dadillu amadinkerono, wo'manka woyite hagiirraammaho. Buxane ikkine hee'nenni, lowo manna duroonsineemmo. Noonkerino hoogiro, baalunkuri ninkeho.

¹¹Ki'ne Qorontoosi manna, ninke ki'nera afoonke fanne coyi'neemmo; wodaninkeno hala'le no.

¹²Ninke ki'nera alba diho'linoommo'ne; ki'ne kayinni giddo ruukkitinoonni.

¹³Ooso'ya ikkitinoonni daafira yeemmo'nena, ki'neno wodana hala'le.

¹⁴Ammantinokkiri ledo maxxagantinoonte. Keeraanchimmanna bunshe mittimma afidhinoni? Xawaabbahonna tunsichoho mayi xaadi no?

¹⁵Kiristoosiranna Belihoorira mayi namoomi no? Woy ammaninohuranna ammaninokkihura mayi guti no?

¹⁶Maganunnihu Qullaawu Mini kaphu magani ledo mayi lase afi'rino? Ninke heeshshote Magani hee'ranno Mine Qullaawaho. Maganuno, «Insa giddo hee'reemmo; mereeronsa ha'rameemmo. Ani Maganonsa ikkeemmo; insano gosa'ya ikkitanno» yiino.

¹⁷Kunnira Mootichu, «Giddonsanni fultine, baxxitinoonnire ikke. Batte ikkinoricho kissinoonte; anino haa'reemmo'ne.

¹⁸Ani anna ikkeemmo'ne; ki'neno anera meyaanna labbaa ooso ikkitinannie» yiino. Wo'manka Dandaanno Mootichi hatto yiino.