Read Sidama_Qullaawa _Maxaafa GALATIYU SOKKA 1 Bible Online

GALATIYU SOKKA 1 - Sidama_Qullaawa _Maxaafa bible

GALATIYU SOKKA 1

¹Mannunni woy mannu widoonni ikkikkinni, Yesuusi Kiristoosinninna iso reyotenni kayisinohu Maganu Annunni soqqamaasincho ikkammora dooramoommohu ani Phaawuloosinna,

²ledo'ya noo roduuwi baalu, Galatiyu beetekiristaannara:

³Anninke Maganunna Mootichu Yesuusi Kiristoosi eltonna keeru ki'ne ledo hee'ro.

⁴Maganu Anninke hedino garinni, tenne busha yannara gatisankera ninke cubbira yee umosi reyote sayise uyino.

⁵Maganoho hegere hegerera ayirrinyu ikkosi! Hamii'ni.

⁶Kiristoosi eltonni woshshino'ne Maganiwiinni muddantine wolu duduwi widira ha'ra'ne lowo geeshsha dhagge ikkitannoe.

⁷Togo yoommo'nehuno, gara hawissannorinna Kiristoosiha Dancha Duduwo shokkisha hasidhannori mitu mitu noo daafiraati ikkinnina, Danchu Duduwi mitto callaholla.

⁸Ikkollana, ninke woy gordu sokkaasinchono ikkiro, ninke kulloommo'nehunni baxxinoha wolu gariha dancha duduwo kulanno'nehu, rumaminoha ikko.

⁹Albaanni kulummo'nente gede xaano lede kuleemmo'nena, ayino adhitinoonnihuwiinni baxxinoha wolu gariha dancha duduwo kulanno'nehu rumaminoha ikko.

¹⁰Xa ani mannunso Maganu galataera hasi'roommo? Woy manna hagiirsiisa hasi'roommoha lawino'ne ikka? Manna hagiirsiisa hasi'reemmoha ikkoommoro Kiristoosi borojjicho ikka didandeemmo.

¹¹Roduuwa'ya, ani kuleemmo'nehu Danchu Duduwi mannunniha ikkinokkita affinara hasi'reemmo.

¹²Konne Dancha Duduwo Yesuusi Kiristoosi xawisinoe ikkinnina, mannu uyinoeha woy rosiisinoeha di"ikkino.

¹³Kunni albaanni Ayihudete amma'nonni hee'reemmo yannara ani hiittoohoro egentinoonni. Maganu Beetekiristaane mararro nookkiha xiiwanni hunammora mixi'reemmoho.

¹⁴Ani yanna'yara noo Ayihude lowotenni roortino amma'no nooeho; akaakka'ya woga agadhate lowo geeshsha laalaatoommoho.

¹⁵Ikkollana, Maganu ilamammora albaanni doorinoe; eltosinnino woshshinoe.

¹⁶Dagate Dancha Duduwo kulammora Maganu Beettosi leellishaera hasi'ri yannara mannunni diamaalamoommo.

¹⁷Anera albaanni soqqamaano ikkite noori ledo xaadammora Yerusaalame diha'roommo. Ikkollana, Arabete gobba ha're, galagale Demaasiqo higoommo.

¹⁸Sasu diri gedensaannino Pheexiroosi la"ammora Yerusaalame ha're, hakkiicho isi ledo tonaa onte barra keeshshoommo.

¹⁹Hakkiicho Mootichu rodoo Yaiqoobi agurranna wole soqqamaasine diafoommo.

²⁰Kuni borreesseemmo'ne coyi kapho ikkinokkita Maganu albaanni hee're coyi'reemmo.

²¹Hakkunni gedensaanni Sooriyunna Kiliqiyu gobba ha'roommo.

²²Yihudu gobbara noo ammanaasine kunni albaanni ane affe diegentinoe.

²³Insa, «Kunni albaanni tenne amma'na hunara ninke qarrisanni hee'rinohu, xa isinni hattenne amma'na kulannoha ikkino» yee mannu coyi'ranna macciishshitino.

²⁴Anenni kainohunni Maganono galattu.