Read Sidama_Qullaawa _Maxaafa GALATIYU SOKKA 6 Bible Online

GALATIYU SOKKA 6 - Sidama_Qullaawa _Maxaafa bible

GALATIYU SOKKA 6

¹Roduuwa'ya! Mannu aye so'rono loosiro, ki'ne ayyaanaamma ikkitinoonniri, so'ro assino mancho shaqqillunni dhaabbe. Ki'ne mittu mittunku kayinni, so'rote giddora e'inannikki gede agadhe.

²Ki'ne ki'neneewa kaa'lantine, mimmiti'ne qarra beeqqe! Hakkunni garinni Kiristoosi Seera wonshitinanni.

³Woluwiinni woyyannori nookkiha, «Wole manna ani rooreemmo» yee hedannohu, umosi doganno.

⁴Mittu mittunku umisi looso fonqole lao! Assino coyi dancha ikkiro, isonoo wolu manni ledo taashsha agure, umisi ku'lannore afi'ranno.

⁵Mittu mittunku umisi duha duqqa hasiissannosi.

⁶Maganu qaale rosanno manchi rosiisaanchisi ledo dancha coye beeqqanno.

⁷Umo'ne dogginoonte. Mannu wixi'rinoha mixxanno daafira, Magano arrassa didandinanni.

⁸Maalasi hagiirsiisate wixi'rannohu, maalisinni reyo mixxanno. Ayyaana hagiirsiisara wixi'rannohu kayinni, Ayyaanunni hegere heeshsho mixxanno.

⁹Dancha looso loosa cee'minoonke. Hexxo mudha hoongummoro, yanna iillitanno woyite mixxineemmo.

¹⁰Coyi injiinkero, manna baalaho, roorsine amma'nino mannira dancha coye assino.

¹¹Anga'yanni kee'madda fidallanni borreessoommota tenne borro la'e!

¹²Gobbayidi manninatinni danchuulle labbara hasidhannori barcintinanni gede giddeessitanno'ne. Hatto assitannohuno, Kiristoosi sutamanni kainohunni qarru iillannonsakki gede heddeeti.

¹³Barcintinara hasidhannohu, insa ki'ne barcimanni su'ma adhitara yiteeti ikkinnina, barcintino insa nafa Seera diguuttino.

¹⁴Alame ane reyinohu gede assite agurtinohu, anino alame reyitinohu gede asse aguroommohu, Mootichinke Yesuusi Kiristoosi masiqali ka'a wole adawarsha dihasi'reemmo.

¹⁵Kiristoosi Yesuusinni haaro kalaqama ikkate ikkinnina, barcima woy barcima hooga kaa'litannori dino.

¹⁶Tenne hedo garinni heedhannoriranna Maganu manna ikkitinorira baalaho keerunna maaro iillitonsa.

¹⁷Yesuusi yeenna gawajjinoonnieta leellishshanno bassuwa aana'ya noo daafira, kunni ka'a ayino qarrisoonke"e.

¹⁸Roduuwa'ya! Mootichinke Yesuusi Kiristoosi elto ki'ne ledo heedho! Hamii'ni.