Read Sidama_Qullaawa _Maxaafa QOLASIYAASI SOKKA 2 Bible Online

QOLASIYAASI SOKKA 2 - Sidama_Qullaawa _Maxaafa bible

QOLASIYAASI SOKKA 2

¹Ki'neranna Lodooqiyaho hee'ranno mannira, hattono ane afe egenninokki manni baalaho mageeshshi geeshsha sharrameemmoro affinara baxeemmo.

²Sharrameemmohuno wodaninsa diggi yaaranna baxillunni usurante, wo'ma wodancha afi'ratenni Maganu daho ikkinoha Kiristoosa affanno gedeeti.

³Hayyotenna egennote jiro dahaabbe noohu Kiristoosiwaati.

⁴Togo yeemmohu ayino awaawurshunni doganno'nekki gede hasi'reeti.

⁵Ki'newiinni fafe hee'rummoro nafa, Qullaawu Ayyaaninni ledo'ne noommo. Dancha amanyoote'nenna Kiristoosira noo'neta jawaata ammana'ne lae hagiidhoommo.

⁶Xa kayinni Mooticha Yesuusa Kiristoosa amma'nitinoonni garinni isinni heedhe.

⁷Isi aana rumuxxitine uurritine, rossinoonni garinni ammanatenni kaajje. Galati'neno hala'lo.

⁸Kiristoosi aana ikkikkinni, mannu kalaqino budinna haafu woga gobbannite aana rumuxxitinotenni mannu hayyonninna awaawurshunni ayino woshshaadanno'nekki gede agadhe.

⁹Maganimmate wo'milli baalu Kiristoosi manninati giddo leelle hee'ranno.

¹⁰Ki'neno gashshatenna roorrete umo ikkinohu Kiristoosi widoonni wo'mille afidhinoonni.

¹¹Iso amma'na'nenni barcimtinoonni, tini barcima'ne cubbaataame mannimma'ne suude hunatenni Kiristoosinni assinoreeti ikkinnina mannu assinore di"ikkino.

¹²Cuuantini yannara Kiristoosi ledo waamantinoonni; isi ledo reyotennino ka'inoonni; reyotenni ka'inoonnihu Kiristoosa reyotenni kayisi Magani wolqa ammana'nenniiti.

¹³Cubbi'nenninna cubbaataame mannimma'ne barcima hoogatenni kainohunni reyitinoonnireeti. Xa kayinni Maganu Kiristoosi ledo heeshshonnire assino'ne. Sao'ne baalano agurino'ne.

¹⁴Qoxxissannonketanna gibbannonketa, seeru giddo noota asalu borro hunino. Masiqalu aana ladde ninke aaninni hoolino.

¹⁵Wolqaataammanna roorroota masiqalu wolqanni qeele qodhonsa tirihu gedensaanni, qafadante reqecci yite leeltanno gede assino.

¹⁶Kunni ka'a itunni woy agunni, ayyaanna woy aganu fulanno ayyaana woy Fooliishshote Barra ayirrisate daafira ayino bushiishoonke'ne.

¹⁷Kuri baalu albillittete daara noo coyira caalu gedeeti. Halaalu leellannohu kayinni Kiristoosinniiti.

¹⁸Dogate joongillinninna sokkaasine magansi'ratenni adawadhannohu ayino mullawa gatisanno'nekki gede qorophe. Hattoo manchi, la"anno ajuujanni isonoo seekki'ranni kaphu hedo umisitenni naaxxanno.

¹⁹Tenne assanno manchira umo ikkinohu Kiristoosi ledo mittu xaadooshshino dinosi. Mannimma baala xaadise diimmichunni gamba asse amadisiise, maddarannohu umoho. Maganu mannimma baalate wo'ma lopho aannohu kunni garinniiti.

²⁰Kiristoosi ledo reyitine tenne gobbara gallanni gari seera wonshatewiinni baxxitinoonnire ikkitinina, xa gobbate seerinni baxxitinokkiri gede ikkitine tenne labbanno hajajora mayira gashshantinanniyya?

²¹Hajajo, «Amaddooti, qammassooti, kissooti» yitannote.

²²Kuri baalu mannu kalaqino hajajonna rosi aana xintaminore ikkino daafira, loosu aana hosihu gedensaanni ba"annoreeti.

²³Mannu hedonni kalaqantino magansi'ranninna dogate joongillinni, mannimma qarrisa egenno labbanno. Mannimma qawaaxxidhannokki gede maalu halcho hoola kayinni mittoreno dikaa'litanno.