Read Sidama_Qullaawa _Maxaafa QOLASIYAASI SOKKA 4 Bible Online

QOLASIYAASI SOKKA 4 - Sidama_Qullaawa _Maxaafa bible

QOLASIYAASI SOKKA 4

¹Ki'ne biilla! Ki'nerano gordoho Biilu noo'neta egentine, borojje'ne halaalunninna taalotenni gashshe.

²Magano wo'manka woyite galaxxitinanni, jaattine huuccidhe!

³Dahaawe nooha Kiristoosi coye kulate qaalisira doogo fanannonke gede Magano ninkerano huuccenke. Ani usurame noommohuno kunni daafiraati.

⁴Anino hasiisanno garinni seekke kula dandeemmo gede huuccatto asse"e.

⁵Afidhini yanna baalatenni amma'ninokki manni mereero hayyotenni heedhe.

⁶Mittu mittunkura labbanno dawaro qola dandiitinanni gede, coyi'ne wo'manka woyite coomminohanna gumu nooha ikko.

⁷Ane ikkittore Tikiqoosi baalanka coye kulanno'nena; isi baxamino rodoo'yaati; Mootichu loosirano ammanamino soqqamaancho ikkino jaala'yaati.

⁸Iso ki'newa soyemmohu, ninke ikkito gara kula'neranna wodana'ne diggi assara yeeti.

⁹Isi ledo ki'ne fiixa ikkinoha ammanaminohanna baxamino rodoo Anaasimoosino soommo. Insa konniicho noo coye baala kultanno'ne.

¹⁰Ane ledo usurame noohu Arisxirokoosi keere dhaamino'ne; mitto waro ki'newa daanno woyite danchu garanni haadhinannisi gede kulummo'nehu, Barinabaasira roduu beetti Maarqoosino keere dhaamino'ne.

¹¹Iyosixoosi yinannihu Iyaasuno keere dhaamino'ne. Ayihudete ilama giddonni Maganu gashshooti daafira ane ledo loossanni noori insa calluwaho. Aneno Jawaachishshinoe.

¹²Ki'ne widiha ikkinohu Kiristoosi soqqamaanchi Ephafirano keere dhaamino'ne. Ayyaanaame heeshshonni lophitine kaajjitine uurritinanninna Maganu hedo baala wonshitinanni gede, isi wo'manka woyite ki'ne daafira huuccatto assanno.

¹³Ki'nera, Lodooqiyunna Hirapoolisi katamma mannira lowo geeshsha daafurannota aninni farci'reemmo.

¹⁴Baxaminohu xagisaanchu Luqaasinna Deemaasi keere dhaantino'ne.

¹⁵Lodooqiyaho heedhanno roduuwira, Niimifaranna minese noo beetekiristaanerano keere iillishshe"e.

¹⁶Tenne sokka ki'ne nabbabbinihu gedensaanni Lodooqiyaho noo beetekiristaane mannino nabbawanno gede asse. Ki'neno Lodooqiyunni sonkanni'ne sokka nabbabbe.

¹⁷Akiriphaasirano, «Mootichu soqqanshora uyinoonnihe looso jawaatte wonshi» yitine kullesi.

¹⁸Konne keere anga'yanni borreessoommohu ani Phaawuloosiiti. Cagaagetenni usurame noommota habbinoonte. Maganu elto ki'ne ledo heedho!