Read Sidama_Qullaawa _Maxaafa UMI TESELONQE 1 Bible Online

UMI TESELONQE 1 - Sidama_Qullaawa _Maxaafa bible

UMI TESELONQE 1

¹Maganu Annunna Mootichu Yesuusi Kiristoosire ikkitinoonnirira Teselonqe beetekiristaanera Phaawuloosi, Silaasinna Ximootewoosiwiinni eltonna keeru ledo'ne hee'ro.

²Ki'ne wo'manka woyite huuccattonkenni qaanganni, Maganoho galata shiqinsheemmo.

³Maganinkenna Anninke albaanni ammana'nenni leellishshinanni looso, baxilli'ne jaantenna Mootichinke Yesuusi Kiristoosinni afidhinoonnita jawaata hoxxo wo'manka woyite qaangeemmo.

⁴Maganu baxino'ne roduuwa, Isi ki'ne doodhino'neta anfoommo.

⁵Danchu Duduwi ki'newa wolqatenninna Qullaawu Ayyaaninni, wo'ma buuxanni ikkinnina qaalu callunni didayino. Ledo'ne hee'noommo yannara, ki'ne daafira yine hiitto ikkinoommoro affinoonni.

⁶Lowo qarri iilli'nerono, Qullaawu Ayyaaninni afidhinoonni hagiirrinni sokka macciishshitine, ninkenna Mootichu Yesuusi faale hadhinoonni.

⁷Kunnira Meqedooniyahonna Akayaho heedhanno ammanaano baalate dancha lawishsha ikkitinoonni.

⁸Mootichu qaali ki'newiinni kae Meqedooniyanna Akaya iilla calla ikkikkinni, Magano ammana'ne base baalate egennantino. Kunnira ninke wole coye lede coyi'ra dihasiissannonke.

⁹Ki'newa dangummo yannara hiittoo garinni haadhinoonninkero, heeshshonnihuranna halaalaanchu Maganira soqqamate, kaphu magannawiinni baxxitine Maganunniwa ikkitine higginoonni gara hakku manninni farci'ranno.

¹⁰Hattono Maganu reyotenni kayisinohunnita, daanno hanqinni gatisannonkehunnita, Beettisi Yesuusita gordunni daasi agadhitine heedhinoonnita farcidhanno.