Read Sidama_Qullaawa _Maxaafa IYYAASU 12 Bible Online

IYYAASU 12 - Sidama_Qullaawa _Maxaafa bible

IYYAASU 12

¹Kunni albaanni Israeelete manni Yordaanoosi Wayira soojjaatoonni noo baatto olunni qeele amade no. Baattote hala'linyi Arnooni lagichinni kae, Yordaanoosi lagichira soojjaati ragaanni noo gobba baala mitteenni amade, aliyyeenni Hermooni Ilaala iillanno; tenne baatto ragi'rate 2 mootoolla qeeltino.

²Lame mootoolla giddonni mittu, Hasebooni hee're gashshinohu Amooraawootu moote Sewooniiti. Gashshootisi Geleaadiha darate amade, Arnooni lagichi qaccera nootenni Aroeeri kataminni kayise hakko lagichi mereero noo katama giddo amade, Amoonootu danni Yaabooqi Wayi geeshsha iillanno.

³Kunino, Galiilu Baarinni kae, Yordaanoosi lagicha aanaho lexxe, wodiidoonni Reyote Baarira soojjaatoonni Beetiyeshimooti katamanna Fisiga lekkaallo iillitanno baatto baala mitteenni xaadisannoho.

⁴Hattono haxiriggu manni Refootu giddonni gatinoha Baasaani moote Aagi qeeltu; isi Astaarootinna Edirayi hee'ranno.

⁵Gashshootisino Hermooni Ilaala, Salekanni kae, Geshuurinna Maaka danni geeshsha iillitannota Baasaani baatto baala mitteenni amade, Geleaadi daratinni kayise, Hasebooni moote Sewooni danni geeshsha iillanno.

⁶Tenne lamenta mootoolla Musenna Israeelete manni olunni qeeltino. Kaaliiqi soqqamaanchi Muse tenne baatto Roobeeliranna Gaadi sirchira, qoleno Minaase sirchira darateho beehe iqqa asse uyino.

⁷Iyyaasunna Israeelete manni Yordaanoosira galchimaanni noo gashshootira noo mootoolla baala qeeli. Kuni gashshooti Libaanoosi lagichira noohunni Ba"aligaadinni kayise, wodiidi ragaanni Edoomi mule noohu Halaaqi Ilaali geeshsha iillanno. Iyyaasu tenne baatto beehe mitte mittente ga'rera iqqa asse uyino.

⁸Kuni iqqi gaaraame gobbara galchimi ragaanni noo gaari hunda, Yordaanoosi lagichanna gaaru hunda noore, soojjaati ragaanni noo eelallittenna wodiidoonni noota moola baatto baala mitteenni amadinoho. Tini baatto alba Hitootu, Amooraawootu, Kana"aanootu, Ferizootu, Hiwootunna Iyaabuusootu heedhannote.

⁹Israeelete manni mootoollansa qeele amadino katamma aante noote: Iyyaarko, Beeteli mule noohu Gayi,

¹⁰Yerusaalame, Kebirooni,

¹¹Yarmuuti, Lakiishi,

¹²Egilooni, Gezeeri,

¹³Debiiri, Gedeeri,

¹⁴Herma, Araadi,

¹⁵Libina, Adulaami,

¹⁶Maqeda, Beeteli,

¹⁷Tafuha, Hefeeri,

¹⁸Afeeqi, Lasharooni,

¹⁹Madooni, Hatsoori,

²⁰Shimiroonimerooni, Akishaafi,

²¹Tainaaki, Megido,

²²Qedeeshi, Qermeloosi noohu Yoqineaami,

²³Baaru qacce mule noohu Doori, Galgalaho noohu Goyiminna,

²⁴Tiritsaati. Mootoolla baala mitteenni sajjiina mittoho.