Read Sidama_Qullaawa _Maxaafa IYYAASU 19 Bible Online

IYYAASU 19 - Sidama_Qullaawa _Maxaafa bible

IYYAASU 19

¹Layinki qeechi Simiooni ga'rera uyinoonni iqqaati; iqqinsano Yihudu ga'rera uyinoonni baatto giddora hulfaminoho.

⁵Tsiqilaagi, Beeti-Markabooti, Hatsaari-Suusa,

⁶Beeti-Lebaootinna Sharuheeni yinanniri 13 katamma gaangaawinsara noore shiimmaadda katamma mitteenni amaddanno.

⁷Kunniri baalu ledo Ayini, Remooni, Eterinna Ashaani yinannire 4 katammanna gaangaawinsara noore shiimmaadda katamma mitteenni amaddanno.

⁸Wodiidi ragaanni noohuwa Bailaati-Be"eeri (woy Raama) geeshsha hatte katamma gaangaawira noore shiimmaadda katamma baala mitteenni amaddanno. Simiooni ga're iqqa assidhe adhitino baatto tenneeti.

⁹Yihudaho iillinosi qeechi hasiisannohura aleenni ikkinohura, isiwiinni beenke Simiooni ga'rera uyinoonni.

¹⁰Sayikki qeechi Zaabilooni ga'rera aamamino iqqaati; insa adhitino baatto Sariidi katami geeshsha iillitanno.

¹¹Dannu hakkiinni kae, Mari"ila fule, Dabasheeti iille, Yoqineaami katamira albaanni noo xashsho iillanno.

¹²Sariidira widoonni soojjaati ragaanni Kisilooti-Taaboori sae, Dabiraatinna Yaafia geeshsha iillanno;

¹³Dabiraati fule, Yaafia iillanno; hakkiinni soojjaati ragaanni hige, Gaati-Hefeerinna Itaqaatsiini sae, Remooninna Niia iillanno.

¹⁴Aliyye danni gawa'lannohu, Hanaatooni widira hige erame, Yifitahieeli lagichira mare uurranno.

¹⁵Tini baatto Qaxaati, Nahalali, Shimirooni, Yidaalanna Beeteliheemi yinannire 12 katammanna gaangaawinsara noore shiimmaadda katamma mitteenni amaddanno.

¹⁶Kunnira, tini jajjabbanna shiimmaadda katamma Zaabilooni ga'rera iqqa assine uyinoonni baatto qoqqowi giddo nooreeti.

¹⁷Shoolki qeechi Yisaakoori ga'rera uyinoonni iqqaati.

¹⁸Baattote qoqqowino Iyiziraeeli, Kesulooti, Suneemi,

¹⁹Hafarayiimi, Shiooni, Anaharaati,

²⁰Raabiiti, Qishiyooni, Abetsi,

²¹Remeeti, Ayini-Ganiimi, Ayini-Hadaaninna Beeti-Phaatseetsi giddo amadanno.

²²Dannu gawa'lannohu, Yordaanoosi Waa ikkanna, Taaboorira, Shahatsuumiranna Beeti-Shemeshira aananno. Kuni 16 katammanna gaangaawinsara noore shiimmaadda katamma baala mitteenni amadanno.

²³Kunnira, kuri katammansanna olluuwansa Yisaakoori ga're ilamara iqqa assine uyinoonni baatto qoqqowi giddo nooreeti.

²⁴Ontikki qeechi Aseeri ga'rera uyinoonni iqqaati.

²⁵Baattote qoqqowi Helqaati, Haali, Bexeeni, Akishaafi,

²⁶Alameleeki, Amiadinna Mishiaaliiti. Galchimaanni Qermeloosiranna Shihoori-Libinaatira aananno.

²⁷Dannu soojjaatira hige erame, Beeti-Emeeqinna Ni"ieeli massitanno doogo Zaabilooninna Yifitahieeli lagichira aane Beeti-Daagooni sa"anno. Aliyyeennino Kabuuli,

²⁸Ebirooni, Rehoobi, Hamooninna Qaana sae, Sidoona geeshsha iillanno.

²⁹Dannu, Raama qiinshoonni katama Xiroosiha hige erame, Akiziibi widoonni hige Mahalaabi giddo amade Mediteraaniyu Baarira gawa'le Hoosara hige eramanno.

³⁰Uuma, Afeeqinna Rehoobi yinanniri 22 katammanna gaangaawinsara noore shiimmaadda katamma mitteenni amadanno.

³¹Kunnira, tini jajjabbanna shiimmaadda katamma Aseeri ga'rera iqqa assine uyinoonni baatto qoqqowi giddo nooreeti.

³²Leelki qeechi Nifitaalemi ga'rera uyinoonni iqqaati.

³³Dannu Heleefinni kae, Adamineqeebinna Yaminiya ragaanni Yordaanoosi Wayira gawa'le, Laquumi Tsainayimi qilxo geeshsha iillanno.

³⁴Hakkunni gedensaanni, dannu galchimi ragaanni Azinooti-Taaboori widira hige eramanno. Hakkiinni sae, wodiidi ragaanni Zaabiloonira galchimaanni Aseeriranna soojjaatoonni Yordaanoosira aane Huqooqi iillanno.

³⁵Hattono qiinshoonni katamma Tsiidiimi, Tseeri, Haamaati, Raaqaati, Kinaareeti.

³⁶Adaama, Raama, Hatsoori,

³⁷Qedeeshi, Edirayi, Ayini-Haatsoori,

³⁸Yiriooni, Migidaalieeli, Hooreemi, Beeti-Anaatinna Beeti-Shemeshi yinanniri 19 katamma gaangaawinsara noori shiimmaadda katamma kunni qoqqowi giddo heedhanno.

³⁹Kunnira, kuri jajjabbunna shiimmaaddu katamma Nifitaalemi ga'rera iqqa assine uyinoonni baatto qoqqowi giddo nooreeti.

⁴⁰Lamalki qeechi Daani ga'rera uyinoonni iqqaati.

⁴¹Baattote qoqqowi Tsoria, Eshitaooli, Erishemeeshi,

⁴²Sha"alibiimi, Ayalooni, Yitaala,

⁴³Elooni, Tiimina, Eqirooni,

⁴⁴Elteqe, Gibetooni, Bailaati,

⁴⁵Yihudi, Beneberaaqi, Gaatiremooni,

⁴⁶Meyariqooni, Raqooninna Iyophe gaangaawira noo gashshoote giddo amadanno.

⁴⁷Daani ga're baatto hoogansa buuxxuhu gedensaanni, Layishi katama marte bala tugge katama amaddu; manna gudde uminsa amado assidhe hakko heedhu. Layishi yinanniha su'masi soorrite albi anninsa su'minni Daani yite su'missu.

⁴⁸Kunnira, tini jajjabbanna shiimmaadda katamma Daani ga'rera iqqa assine uyinoonni baatto qoqqowi giddo nooreeti.

⁴⁹Israeelete manni baatto beeqqe gudi yannara, Newe beetti Iyyaasurano umisi qeecha uyinisi.

⁵⁰Kaaliiqi hajajinosi garinni, gaaraame Efireemi gobbara nooha Teminati-Serahi yinanni katama xa'mi'rino garinni uyitusi. Isino hakkonne katama haaroonsi're teesso assi're hee'ri.

⁵¹Qeesichu Aliaazaari, Newe beetti Iyyaasunna Israeelete ga're roorrooti Kaaliiqa magansidhannowa Seelo xaadu dukkani nafarchira Kaaliiqi hedo xa'me afate hixa tuqqite, konne iqqa baala beekku. Kunni garinni baatto beekke guddu.