Read Sidama_Qullaawa _Maxaafa LAYINKI TESELONQE 2 Bible Online

LAYINKI TESELONQE 2 - Sidama_Qullaawa _Maxaafa bible

LAYINKI TESELONQE 2

¹Roduuwa'ya, Mootichinke Yesuusi Kiristoosi daanna ninkeno isi ledo hee'nammora gamba yineemmo gambo daafira,

²himanne woy qaale kulle woy ninke borreessine sonkoommo sokka gede assitine heddinanni, «Mootichu barri dayino» yitine shiimurinni gara habbinannikki gedenna hembeelantinannikki gede eegammeemmo'ne.

³Danni bunshe daggukkinninna baonnihu Bunshete Manchi leellikkinni hakku Barri didaannona, mayi doogonnino ikkeenna ayino dogoonke'ne.

⁴Kuni Bunshete Manchi maganoho yine magansi'nannihunni roore umosi gotti gotti asse, «Ani Maganoho» yaanni Qullaawa Mine ofollanno.

⁵Ki'ne ledo noommo yannara konne coye kuloommo'neta diqaagginanni?

⁶Hendoonnisi yanna dagga geeshsha, leellannokki gede mayi hoolannosiro affinoonni.

⁷Go'litinoti bunshete wolqa xa loossanni no. Ikkollana xa ittisannohu no; loossannohuno xa ittisannohu doogote aaninni hoo'la geeshshaati.

⁸Hakkunni gedensaanni Mootichu Yesuusi afiisi foolinni hunannohunna ayirrinyunni daanno woyite co'o yee ba"annohu Bunshete Manchi xawo fulanno.

⁹Bunshete Manchi daa, Sheexaanu wolqanni so'risiisanno dhagge, malaatenna maalale assatenniiti.

¹⁰Ba'annore so'risiisannohu, addi addi bunshe assatenniiti. Kuni manni ba"annohu, gatote iillishanno halaale baxe adha giwino daafiraati.

¹¹Kunnira, kapho ammantanno gede Maganu so'rote wolqa soyannonsa.

¹²Kuni ikkannohu halaale ammana gibbe bunshetenni hagiidhitannori baalu qorichishantanno gedeeti.

¹³Mootichu baxanno'ne roduuwa, ninke ki'ne daafira wo'manka woyite Magano galata hasiissannonke. Galanteemmohuno, Ayyaanu qullaawoota asseenna'ne gattinanni gede Maganu umire asse doorino'nehuranna halaalaancho ammana'ne daafiraati.

¹⁴Maganu, kulloommo'nehu Danchu Duduwi widoonni qole woshshino'nehu, Mootichinke Yesuusi Kiristoosi ayirrinye gutantinaraati.

¹⁵Kunnira roduuwa'ya, kaajjitine uurre. Afiinkenninna sokkankenni rosiinsoommo'ne coye seekkitine cu'midhe.

¹⁶Mootichinke Yesuusi Kiristoosinni, qoleno baxinonkehunna eltosinni hegere jawaantenna dancha hexxo uyinonkehu Maganu Anninke,

¹⁷dancha coye baala assitinanninna coyidhinanni gede, wodana'ne jawaachishonna kaajjisho.