Read Sidama_Qullaawa _Maxaafa UMI XIMOOTEWOOSI 6 Bible Online

UMI XIMOOTEWOOSI 6 - Sidama_Qullaawa _Maxaafa bible

UMI XIMOOTEWOOSI 6

¹Maganu su'minna rosiisino rosi xonamannokki gede, soqqamaano baala biillansara malino ayirrinye aa hasiissannonsata habboonke.

²Ammantino biilla, soqqamaanonsa Mootichu Yesuusinni roduuwansa ikkitino daafira mishshoonkensa. Hatteentenni, soqqanshonsanni qiniite afidhannori biillansa ammantino roduuwansa ikkitinohura, albinni roore soqqantonsana. Ati rosiisanna seejja hasiissannohehu konneeti.

³Halaalaancho Magano magansi'rate rosi ledo xaadannoha, Mootichinke Yesuusi Kiristoosiha xalala qaale agure baxxino roso rosiisannohu hee'riro,

⁴boo'natenni ufuufaminohonna mittoreno diafinoho. Moronshotenna nyerrimmate yorto giddo galtinoho. Kuni coyi hinaaso, gibbo, xonanshonna busha huluullo abbanno.

⁵Wodanu soorraminohunna halaalu baino manni wo'manka woyite yekkeeramanno. Hattoo mannira, Magano magansi'ra woxe afi'nanni doogo labbannonsa.

⁶«Nooehu ikkinoe» yaannohura, Magano magansi'ra lowo qiniiteeti.

⁷Tenne gobba mittoreno adhine didangoommo; tenne gobbannino adhine ha'neemmori mitturino dino.

⁸Inteemmorinna uddi'neemmori hee'rinkero ikkannonke.

⁹Dureeyye ikka hasidhannori kayinni jifante ubbanno. Manna doonsitannotenninna huntannotenni haafunna hamaamukkitte yortonni woshshaadantanno.

¹⁰Kuni ikkannohu woxe baxa bunshe baalate buicho ikkitinohuraati.

¹¹Maganu mancho! Ati kayinni kunni baalu coyiwiinni xooqi; keeraanchimma, ayyaanaame heeshsho, ammana, baxille, cinca, arshimma ha'runsi.

¹²Dancha ammanate ola olami; isiwa woshshamitto yannara, lowo naqaashshe albaanni halaale farci'roottota hegere heeshsho cu'mi'ri.

¹³Baalunku coyira heeshsho aannohu Maganunna Phenxenichu Philaaxoosi albaanni dancha ammanamanni farci'rinohu Yesuusi Kiristoosi albaanni hajajeemmohe.

¹⁴Mootichinke Yesuusi Kiristoosi daa geeshsha tenne hajajo, so'ronna minshanniri nookkiha agadhi.

¹⁵Kiristoositi layinkimeeshshi daa, maassaminohunna callichisi gashshaanna ikkinohu mootoollate Moote, mootoollete Mootichi yiino barra ikkitanno.

¹⁶Reyannokkihu iso callaati; ayino gamba yaa dandaannokki xawaabbi giddo hee'ranno. Iso ayino illetenni dilaino; la"ano didandaanno; ayirrinyunna hegere wolqa isira ikkito. Hamii'ni.

¹⁷Tenne gobba dureeyye naaxxa woy hawaqi'nannikki coye hexxa agurte, ninke hagiirsiisate yee baalanka coye halashshe aannonke Magano hexxitanno gede hajajinsa.

¹⁸Qolteno dancha looso loossanni dureeyye ikkitara, aatenna afidhinore woleho iillishi'rate qixxaabbanno gede hajajinsa.

¹⁹Kunni garinni, halaalaancho heeshsho afi'rate dagganno yannara safo sigiiggino jiro duu'nitanno.

²⁰Ximootewoosi! Eeggo uyinoonnihere seekkite agadhi; egenno ikkitukkinni egenno labbanno lallachawiinni xooqi.

²¹Mitu mitu togoo egenno noonke yitanni ammanate doogowiinni fultino. Maganu elto ate ledo heedho.