Read Sidama_Qullaawa _Maxaafa TIITO 1 Bible Online

TIITO 1 - Sidama_Qullaawa _Maxaafa bible

TIITO 1

¹Maganu borojjichonna Yesuusi Kiristoosi soqqamaasincho ikkoommohu, Maganu doodhino manni ammana jawaachishatenna maganittete heeshsho halaale affanno gede assate dooramoommohu ani Phaawuloosi soommo sokka:

²Tini ammanano hegere heeshsho hexxo aana xintantinote. Kaphannokki Magani tenne heeshsho aankera lowo dirira albaanni hexxo uyinonke.

³Yiino yanna iillituta, gatisaanchinke Maganu hajajonni, anera eeggo uyinoe garinni qaalesi xawisino.

⁴Ledo ammananni halaalu beetto'ya ikkoottohura Tiitora: Maganu Annunnihunna Gatisaanchinke Yesuusi Kiristoosi eltonna keeri ate ledo hee'ro.

⁵Ate Qerxeesi aguroommohu, biddi yiinokki coye biddi assattonna hajajummohe garinni katammate beetekiristaanete cimeeyye dooratto gedeeti.

⁶Beetekiristaanete cimeessi minshanniri nookkihanna mitte galteha ikkona; afimala gede ikkatenninna hajajama giwatenni hemantannokkiti ammantino ooso noosiha ikka hasiissanno.

⁷Beetekiristaanete sooreessi, Maganu looso eeggo uyinoonnisiha ikkino daafira, minshanniri nookkiha ikka hasiissannosi. Naaxxannokkiha, hanqoho muddamannokkiha, dimbannokkiha, giwamannokkiha, woxeho hafuurannokkiha,

⁸wosina adhannoha, dancha coye baxannoha, umosi ceinoha, halaalaancho, Maganu soqqanshora baxxinoha, jilba sa"annokkiha ikkona.

⁹Halaalu coye rosiisate, seejjatenna qoxxissannorira dawaro qola dandaanno gede rosino coyinni kaajje hee'rannoha ikkona.

¹⁰Hajajamannokkihu, wolunkunni barcimmoommo yee haafare coyi'ranni dogannohu lowo manni no.

¹¹Garimale doogonni qiniite lexxitara yite, hasiisannokki coye rosiissanni mittu mini manna wodaassanno. Hattoo manna sammi assa hasiissanno.

¹²Mittu insa uminsa himanaanchi, «Qerxeesi manni wo'manka woyite kaphaasinete; bushu moyichi gedeereeti; loossukkinni heedhanno itaasineeti» yiino.

¹³Tini farci'ro halaaleho; kunnira wo'ma ammana heedhannonsa gede konne manna seejji.

¹⁴Ayihudete maammaashshi hoode hadhannokki gedenna halaale gibbannori amaale macciishshitannokki gede duudhe seejjinsa.

¹⁵Keeraanote, baalunku coyi keeraanchoho. Battaabbinoriranna ammantinokkirira kayinni, keeraanchu coyi mittuno dinonsa. Hakkiinnino sae, wodaninsanna tii"insa battaawinoho.

¹⁶«Magano egenninoommo» yitanno. Loosinsanni kayinni isira badhe wodhitinoreeti. Insa giwissannoreeti; hajajantannokkireetinna mittono dancha coye assa dandiitannokkireeti.