Read Sidama_Qullaawa _Maxaafa IBIRAAWOOTA 2 Bible Online

IBIRAAWOOTA 2 - Sidama_Qullaawa _Maxaafa bible

IBIRAAWOOTA 2

¹Kunnira, miteekkine macciishshinoommo coyiwiinni shalanqe umbeemmokki gede, roorsine qoropha hasiisannonke.

²Sokkaasinete widoonni kulloonni qaali halaalaancho ikkiro, konne qaale lashshi assannohunna hajajamannokkihu malinosi qoricha adhanno.

³Tenne jawa gato lashshi assine agurrummoro, qorichuwiinni hiitto ikkine ganteemmo? Tenne gato balaxe Mootichunku lallawino. Macciishshitinorino konne coye ninkera buuxissinonke.

⁴Hatte yannaranni Maganu malaate dhaggenna addi addi maalale leellishatenni hedosi garinni beehaminohu Qullaawu Ayyaani afanshi widoonni qole insa kultinore dhaawino.

⁵Maganu albillitte daggara noo gobbara sokkaasine mookkanno gede diassino.

⁶Qullaawa borro mitto darga, «Yaadattosira isi mannu ayeti? towatattosira isi mannu maati?

⁷Sokkaasinetewiinni shiimare calla ajishoottosi; ayirrinyunna galatu ba'latto woroottosi. Angakki loosi baalu aanano moohisoottosi»[1] yitanno.

⁸«Angasi loosi baalu aana moohisisi» yinanni woyite mitturino gatikkinni yaate. Ikkollana, baalunku coyi isi angara higinota xaara dianfoommo.

⁹Xa kayinni sokkaasinetewiinni shiima yanna geeshsha ajino. Xa kayinni reyote qarra adhino daafira, ayirrinyunna galatu ba'latto worroonnisiha Yesuusa la'neemmo; isi Maganu eltonni baalunku daafira reyino.

¹⁰Lowo manna heeshshote widira haa're massannohu Yesuusaati. Baalankare kalaqinohunna irkisanno Magani, reyote qarri widoonni qole Yesuusa guuta assa maltinosiho.

¹¹Manna qullaawa assannohunna qullaawa ikkanno manni mittu Anni oosooti. Kunni daafira Yesuusi insa, «Roduuwa'ya» yaa difokkanno.

¹²Kunnira, «Su'makki roduuwi'yara kuleemmo; songote mereero galateemmohe» yaanno.

¹³Qoleno, «Ani iso hexxeemmo» yaanno. Hattonni, «Aninna Maganu uyinoe ooso, konniicho hee'noommo» yaanno.

¹⁴Mannu maalanna mundee afi'rinoha ikkino garinni, Yesuusino insa gedee manna ikke suudensa karsami. Hatto ikkinohuno, reyosi widoonni hige reyote aana roorre afi'rinoha Sheexaane hunara yeeti.

¹⁵Qoleno, dironsa baala reyo waajjate borojje ikkite heedhannore wodara yeeti.

¹⁶Yesuusi hedo, sokkaasine kaa'late ikkikkinni, Abirihaami sircho kaa'late ikkinoti xawoho.

¹⁷Kunni daafira, baalunku coyinni roduuwasi lawa hasiissinosi. Kunni garinni mannu cubbo hunara yee Maganoho soqqamara ammanaminohanna maaro aannoha Qeesootu Qara ikki.

¹⁸Isi jifami yannara qarra adhino daafira, qarru jifannore kaa'la dandaanno.