Read Sidama_Qullaawa _Maxaafa IBIRAAWOOTA 3 Bible Online

IBIRAAWOOTA 3 - Sidama_Qullaawa _Maxaafa bible

IBIRAAWOOTA 3

¹Gordu woshshatto beeqqaasine ikkitinoonniri qullaawa manna! Amma'nankera soqqamaanchonna Qeesootu Qara Yesuusa qaagge!

²Muse, Maganu minira baalaho ammanaminoha ikkinonte gede, Yesuusino roorre uyinosi Maganira ammanaminoho.

³Mine minannohu minunni roore ayirrado ikkinonte gede, Yesuusino Musenni roore ayirrinyu hasiisannosiho.

⁴Baalunku mini minannoha afi'rino. Baalankare loosinohu kayinni Maganoho.

⁵Albillitte hasiisannorira taje ikkate, Muse Maganu minira baalaho ammanamino soqqamaanchooti.

⁶Kiristoosi kayinni Maganu mine ammanaminohu, Beetto ikkasinniiti; minisino ninkeeti. Minesi ikkineemmohu, adawadhineemmotanna hawaqi'neemmo hexxo seekkine cu'mi'nummorooti.

⁷Kunni daafira, Qullaawu Ayyaani, «Techo huurosi macciishshitiniro,

⁸halalli gobbara fonqoltinie yannara, hajajama gibbininte gede, wodana'ne dilleessitinoonte.

⁹Hakkiicho annuwa'ne fonqoltinoe; jiffe la'inoe; shoyilluu diri giddo assoommoreno affino.

¹⁰Kunnira, hattenne ilamara hanqe, ‹Wodaninsa wo'ma woyite so'ranno; doogo'yano diaffino› yiino.

¹¹Kunnira, ‹Fooliishshote gobba die'inanni› yee hanqi'yanni xaaroommo» yiino.

¹²Roduuwa'ya! Ki'ne mereero ayino heeshshote Maganiwiinni badannohu bushunna ammanannokki wodani hee'rannosikki gede qoropho.

¹³Ki'ne giddonni ayino cubbunni dogame wodana dillaawannokki gede, techo barri ninkeha ikke hee'reenna barru barrunku mimmito'ne jawaachishshe.

¹⁴Albi amma'nanke goofimarchu geeshsha seekkine cu'mi'nummoro, Kiristoosi ledo gutammeemmo.

¹⁵Yinoonninte gede, «Techo huurosi macciishshitiniro, hajajama gibbini wari gede, wodana'ne dilleessitinoonte!»

¹⁶Ikkina, huurosi macciishshite hajajama gibburi ayeooti? Muse albisanna Gibitsete gobbanni fulture baala di"ikkitino?

¹⁷Magano shoyilloo diro wo'ma hanqissuri ayeooti? Cubbo loossurenna reeshshinsa halalli gobbara uwe gatire di"ikkitino?

¹⁸Qoleno hajajama gibbure agurranna, «Fooliishsho'ya gobba die'inanni» yee xaariri ayeooti?

¹⁹Xa kune, ea hoogginohu ammana giwansanni ikkinota anfanni hee'noommo.