Read Sidama_Qullaawa _Maxaafa IBIRAAWOOTA 5 Bible Online

IBIRAAWOOTA 5 - Sidama_Qullaawa _Maxaafa bible

IBIRAAWOOTA 5

¹Mittu mittunku Qeesootu Qari mannu mereerinni doorame cubbo agursiisate fushshaatenna kakkalo shiqishate mannu afoo ikke Maganoho soqqamanno.

²Isi umisi batinyu coyinni daafurino daafira, afibbeelootanna sodhinore mararansara dandaanno.

³Isi umisi wolqiweelo ikki geeshsha, cubbo agursiisate kakkalo shiqisha hasiisannosihu, manna callaho ikkikkinni umisirano ledooti.

⁴Aarooni gede Maganu woshshinosiha agurranna, ayino konne ayirrinye umisinni adha didandaanno.

⁵Kiristoosino Qeesootu Qara ikkate ayirrinye umisinni diadhino. Qeesootu Qara ikkate ayirrinye, «Ati Beetto'yaati; ani techo iloommohe» yiino Magani uyinosi.

⁶Wole dargano Maganu, «Melketsedeqi gede, hegerera qeesicha ikkatto» yaanno.

⁷Yesuusi tenne gobbara mannu gede ikke hee'ri yannara, reyotenni gatisasira dandaanno Magani widira hige qoonqosi naggi asse wi'le lowo hindiiddonni huucci'ri. Maganu joongillesinna owaantesi lae huuccattosi macciishshisi.

⁸Maganu Beetto ikkirono, iillinosi qarri widoonni hige hajajama rosi.

⁹Guuta ikkasi anfihu gedensaanni, hajajantannorira baalaho hegere gatora doogo ikkinonsa.

¹⁰Maganu Melketsedeqite gedeeta qeesimmate roorre ee, Qeesootu Qara asse doorinosi.

¹¹Kunni coyi daafira hasaambeemmori lowori no; kayinnilla huwata dandiitinannikki daafira xawise kulate qarraho.

¹²Xaa geeshsha keeshshitini yannara ki'ne rosiisaano ikka dandiitinannihu baino; kayinnilla, Maganu qaaliha umi roso wolu manni galagale rosiisa'nera hasiisanno. Kaajjado sagale ita hasiisanno'ne yannara, ado agginanni heedhinoonni.

¹³Togo ikkinohuno, ado haqaanqannihu baalu qaaqqo ikkino daafira danchanna busha roso bade diegennino.

¹⁴Kaajjado sagale hasiissannohu danchanna busha bade afate rosi noonsarira lowiddaannu manniraati.