Read Sidama_Qullaawa _Maxaafa IBIRAAWOOTA 7 Bible Online

IBIRAAWOOTA 7 - Sidama_Qullaawa _Maxaafa bible

IBIRAAWOOTA 7

¹Melketsedeqi Saalemi yinanni katami mooteetinna Wo'munkura Aliidi Magani qeesichaati; kuni Melketsedeqi Abirihaami mootoolla qeele higi yannara doogo xaade maassi'rinosi.

²Abirihaamino oluwiinni adhe dayinori baalu giddonni tonnunni mitte anga uyinosi. Melqetsedeqi su'misi tiro umiti, «Keeraanchimmate mooteeti», qoleno Saalemi moote ikkino daafira, «Keeru mooteeti» yaate.

³Melketsedeqira annunna ama, woy ilamate kiiro dinosi. Dirisirano hanafo, heeshshosirano gawalo dino. Kuni Melketsedeqi Maganu Beetti gede hegerera qeesicha ikke hee'ranno. Melketsedeqi Saalemi yinanni gobba mooteetinna ayirradu Magani kakkalaanchooti; kuni Melketsedeqi Abirihaami mootoolla qeele higi yannara doogo xaade maassi'rinosi.

⁴Kuni manchi hiittoonni lowoha ikkinoro la'e! Ga'resi anna ikkinohu Abirihaami nafa qafadotenni afi'rinori giddonni tonnunni mitto fushshe uyinosi.

⁵Qeesimmate soqqanshora worroonniri Leewi ilama manninsawiinni tonnunni mitte anga adhitanno gede Muse Seeri giddo hajanjoonni. Hakku mannino Abirihaami sirchooti; qoleno insa roduuwaati.

⁶Melketsedeqi Leewi sircho ikka hoogirono, Abirihaamiwiinni tonnunni mitte anga adhe, Maganu hexxo uyinosiha Abirihaami maassi'rino.

⁷Maassi'nanninkunni roore maassi'rannohu rooriidiha ikkinota ayino dihuluullamanno.

⁸Mitto widoonni tonnunni mitte anga haadhanno Lewaawooti reyitannoreeti; wole widoonni kayinni tonnunni mitte anga uyinannihu Melketsedeqi hee'rannota kulloonni.

⁹Melketsedeqi Abirihaaminni xaadi yannara, Leewi ahaahisi Abirihaami ilinosikki daafira, tonnunni mitte anga haa'ra hasiissannosihu Leewi Abirihaami widoonni qole tonnunni mitte anga uyino yaate.

¹¹Israeelete Seera uyinoonnihu Leewi qeesimma garinniiti. Tini qeesimma guuta ikkitoommero, Aarooni qeesimmawiinni baxxitinota Melketsedeqite gedee qeesimma woleteemmero dihasiissanno.

¹²Hatto ikkannohu, qeesimma soorranturo seeruno ledo soorrama hasiissannosi daafiraati.

¹³Tenne baala kulloonnisihu Mootichinke wole ga'reho; tenne ga're giddonni ayino kakkalote dargira shiqe soqqame egenninohu dino.

¹⁴Mootichinke Yihudu ga're giddo ilamasi egennantinote. Ikkirono, Muse qeesimmate daafira coyi'ranni Yihudu ga'rere mittoreno dicoyi'rino.

¹⁵Kuni coyi lowo geeshsha xawe leellannohu, Melketsedeqi gedeehu wolu qeesichi daanno woyiteeti.

¹⁶Isi qeese ikkinohu ilamate garinni ikkikkinni ba'annokki heeshsho wolqa garinniiti.

¹⁷Hakkuno, «Melketsedeqi gede, hegerera qeesicha ikkatto» yinoonni daafiraati.

¹⁸Albi hajajo wolqa afidhinokkitanna kaa'litannokkita ikkitinohura hoolloonni.

¹⁹Muse Seeri mittoreno guuta assa didandaanno. Xa kayinni Maganunniwa shinqeemmota woyyitino hexxo uyinoonninke.

²⁰Hakkuyi aanano Maganu xaaro no; wolootu qeesoota ikkitu waro hattoo xaaro dino.

²¹Isi kayinni qeesicha ikkinohu xaarotenniiti. Hakkuno, Mootichu, «Ati hegere geeshsha qeesichaho» yee xaarino coye gaabbannokki daafiraati.

²²Tenne xaaronni kainohunni Yesuusi woyyino gondoorira woowe saino.

²³Reyanno daafira mittu qeesichi soorramikkinni loosisi aana hegere geeshsha hee'ra didandiino; kunnira albi qeesooti kiiro batinyeho.

²⁴Yesuusi kayinni hegerera hee'rannoha ikkino daafira, qeesimmasira gawalo dino.

²⁵Kunnira insara Magano huuccara hegereha ikke hee'ranno daafira, isi widoonni Maganunniwa daggannore baala horontanni gatisansara dandaanno.

²⁶Qullaawu, mishamme nookkihu, fayyaaleessu, cubbaataammuwiinni baxxinohu, aliidi gordira aleenni noohu Qeesootu Qari ninkera malinohu isooti.

²⁷Isi wolootu qeesootu roorrooti gede balaxe umisi cubbira, aancheno mannu cubbi daafira barru baala kakkalo shiqisha dihasiissannosi. Hatto assannokkihu, umosi kakkalo asse shiqishi woyite konne coye layinkimeeshsho lendannikki garinni gudino.

²⁸Muse Seeri qeesootu roorroota asse worannohu jawaante afi'rinokki mannaati. Seeru gedensaanni daggino xaaro kayinni hegerera guuta ikkinoha Maganu Beetto wortanno.