Read Sidama_Qullaawa _Maxaafa YAIQOOBI 2 Bible Online

YAIQOOBI 2 - Sidama_Qullaawa _Maxaafa bible

YAIQOOBI 2

¹Roduuwa'ya! Ayirrado Mooticha Yesuusa Kiristoosa amma'nitine heedhine, ko'onne ku'unniwiinni roorsitine godowa hossinoonte.

²Coyi gedera, heedhinoonniwa culku cuuicho wodhinohunna biifado imaana uddi'rino dureessinna akkala imaana uddi'rinohu buxichu manchi ka'e dagganno.

³Biifado imaana uddi'rinoha ayirrissine, «Konne dancha darga ofolli» yitine, buxicho kayinni, «Hakka higge uurri; woy hakko uulla ofolli!» yitinanni.

⁴Kunni garinni mereero'ne badooshshe kalaqqine godowa hosate yoo yitinanniti dileeltanno'ne?

⁵Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

⁶Ki'ne kayinni buxane mishshinanni. Gadadissanno'nerinna yoote minira goshooshshe haadhe hadhanno'neri dureeyye di"ikkitino?

⁷Woshshinanni'neha hakkonne ayirrado su'ma huntannori insa di"ikkitino?

⁸«Manna umikki gede assite baxi!» yine Qullaawu Maxaafira borreessinoonniha Maganu gashshooti seera wonshitiniro, danchaho.

⁹Mannu mereero badooshshe kalaqqiniro kayinni cubbo loossinanni; seera sa'inoonni daafira xa'mantinanni.

¹⁰Mannu hajajote giddonni mitte hune gattinota baala wonshirono, baalanta diigino yaate.

¹¹«Foortooti!» yiino Mootichi, «Shitootino!» yiino. Kunnira, foora hoogittorono shaakkinni seera diigootto yaate.

¹²Wolassanno seeri albaanni uurreenna yoo yinannisi manni gede ikkitine coyidhe; hakko garinni loosse.

¹³Maganu yoo, sao agurannokkihura saosi diagurtanno; ikkirono maaro yoo qeeltanno.

¹⁴Roduuwa'ya! Mannu, «Ammana nooe» yaanni hee're ammanasi danchu loosinni leellisha hoogiro ma kaa'litannosi? Hatti ammana gatissannosini?

¹⁵Uddi'rannorenna itannore afi'rinokkihu meyaanna labbaa roduuwi hee'ri'nero,

¹⁶ki'ne giddonni mittu hasiisannonsare uyikkinni, «Keerunni hadhe! Giira giwaadhe! Duubbe!» yiiro ma kaa'lannonsa?

¹⁷Loosu ledo nookki ammanano reyitinote.

¹⁸Ikkollana, «Atera ammana noohe; anera loosu nooe» yaannohu hee'riro, «Ammanakki loosikkiwiinni badde leellishie; anino ammana'ya loosi'yanni leellisheemmohe» yaanno.

¹⁹Ati, Maganu mitto ikkinota ammanootto. Kuni danchaho; hattenne durriisuno ammananno; waajjeno huxi'ranno.

²⁰Ati hawanyu! Ammana loosiweello gumu nookkita ikkitinota afa hasi'ratto?

²¹Anninke Abirihaami beettosi Yisihaaqi kakkalote shiqishi yannara, keeraa'minohu diloosunniiti?

²²Kunnira, ammana loosu ledo nootanna loosu ammana guuta assannota afitto?

²³Qullaawu Maxaafira, «Abirihaami Magano ammani; ammanasino keeraanchimmate kiirantusi» yaanno qaali wo'mi. Kunni garinni Abirihaami Maganu jaalaati yinisi.

²⁴Kunni garinni, mannu keeraa'mannohu ammana callatenni ikkikkinni, loosu ledo ikkinota la"atto.

²⁵Foora Reaabi, Israeelete dooyyaano minisera haadhe, wole faro higge hadhanno gede assite iseno loosisenni dikeeraa'mitino?

²⁶Mannimma lubbo nookkiha reyitinote. Loosu ledo nookki ammanano reyitinote.