Read Sidama_Qullaawa _Maxaafa YAIQOOBI 4 Bible Online

YAIQOOBI 4 - Sidama_Qullaawa _Maxaafa bible

YAIQOOBI 4

¹Giddo'ne noo olinna gibbo maminni dagginote? Mannimma'ne giddo olantanno yorto maalunnitewiinni dagginota di"ikkitino?

²Halchitinanni; kayinnilla diafidhinanni. Mannano shitinanni; halchitinoonnire kayinni diafidhinanni. Giwantinanni olantinanni. Magano huuccidhinannikki daafira halchitinoonnire diafidhinanni.

³Huuccidhine afidhinannikkihuno, maalu hagiirrira yitine busha hedonni huuccidhinannihuraati.

⁴Ki'ne ammanantinannikkiri! Tenne gobba baxa Magano giwa ikkitinota diegentinoonni? Kunnira, tenne gobba baxannohu baalu Maganoho diinaho.

⁵Qullaawu Maxaafino, «Maganu giddo'ne worino Ayyaani, isi callunnire ikkinammora laalaatanno» yiinohu mulla kaeetini?

⁶Ikkirono Qullaawu Maxaafi, «Maganu boonaleeyye giwanno; jooguulleho kayinni eltosi aanno» yaanno daafira, Maganu aanno elto baalunkurinni roortanno.

⁷Kunnira Maganoho ceamme; Daawuloosi kayinni gibbe; isino ki'newiinni fafanno.

⁸Maganunniwa shiqqi yiiyye; isino ki'newa shiqqi yaanno. Ki'ne cubbaataammu, anga'ne hayishshidhe! Ki'ne lame hedori, wodana'ne xaphi assidhe.

⁹Yaadde, dadille, wi'le; osoli'ne wi'late, hagiirri'ne dadillu widira soorramo.

¹⁰Mootichu albaanni umo'ne heeshshi asse; isino gotti assanno'ne.

¹¹Roduuwa'ya! Mimmito'ne he'mitinoonte; manna hee'mannohu woy manna bushiishannohu Maganu Seera he'manno; Maganu Seera bushiishanno. Seera bushiishannohu, Seeraho hajajama agure, yoo yaannoha ikkanno.

¹²Seera aannohunna yoo yaannohu mitto Magano callaho; gatisano hunano dandaannohu iso callaati. Anfina, manna bushiishattora isi ati ayeti?

¹³Ki'ne, «Techo woy ga'a hakka wole katama ha'ne, hakkiicho mitto diro hee'neemmo; dadda'line woxeno lexxineemmo» yitinanniri qorophe.

¹⁴Ga'a ikkannore affinoonnini? Heeshsho'neno maati? Shiima yanna leelte ba'anno guunjo gedeetewe.

¹⁵Hatteentenni, «Maganu yiironna lubbotenni hee'nummoro, konne woy ko'onne assi'neemmo» yiiyye.

¹⁶Ki'ne kayinni hatto yaa agurtine, boo'natenni adawadhitinanni; hattoo boo'na baalanti bushate.

¹⁷Kunnira, afanni hee're dancha coye assa giwannohura cubbo ikkannosi.