Read Sidama_Qullaawa _Maxaafa LAYINKI PHEEXIROOSI 2 Bible Online

LAYINKI PHEEXIROOSI 2 - Sidama_Qullaawa _Maxaafa bible

LAYINKI PHEEXIROOSI 2

¹Ikkollana albi yannara kaphaano himanaano mannu giddo noonte gede, ki'ne giddono kaphu rosiisaano heedhanno. Insa wodinonsa Mootichira nafa badhe wodhite, rakke huntanno bao uminsa aanira goshooshidhanni, huntanno huluullo luuxisse eessitanno.

²Kunni garinni lowo manni insata saalimale doogo ha'ranno. Insa ikkitonni kainohunni halaalu doogo xonnannita ikkitanno.

³Kuri kaphu rosiisaano woxeho hagaagansanni, kalaqqe coyidhanno masalonni woxe'ne guddanno. Lowo yannanni kayisse insara yoo qixxaabbe no; baonsano digattannote.

⁴Maganu cubbo loossino sokkaasine nafa mararikkinni tunsichu qile giddo heedhe yoote barra agadhitanno gede, gaannaamete tuginonsa.

⁵Keeraanchimmannire kulinoha Nohi wolu lamalu manni ledo gatise, albi alame mararikkinni cubbaataammu aana baote waa dirrisiro,

⁶qoleno cubbo loossannori baalu jiiltanno gede Soddoomunna Gomooru katamma buluulo ikkita geeshsha giire ba'anno gede assiro,

⁷saalimale ikkitonsanni kainohunni ikkannori baeennasi hee'rinoha keeraancho Looxi gatisiro,

⁸hakku keeraanchu manchi giddonsa hee're la"annohunninna macciishshannohunni barru baala busha ikkitonsanni kainohunni keeraancho lubbosi shetisirono,

⁹Mootichu magansidhannosire jifamatenni gatisannonsata, cubbaataamma qorichishannotanna insa yoote barri geeshshano hiitto asse keeshshiishannoro afino.

¹⁰Roorse hakkore battennita foorrete yorto ha'runsitannorenna Maganu roorre mishshannore yoote barrira agaranno. Kuri kaphaano rosiisaano mayinanke yitannokkirenna boonaleeyye ikkitinohura, aliidi ayirradda xona diwaajjitanno.

¹¹Sokkaasine nafa insanni roore wolqaataammanna jawaatoota ikkite heedhenni, insa Mootichu albaanni xontanni dirussitanno.

¹²Kuri kaphaano, buuxa dandiitannokki coye xontanno; insa woshshaadamatenna ba"ate kalaqantino; ayyaani galte heedhannonna heda dandiitannokki saada gedeereeti; insano reyitanno garinni ba'anno.

¹³Bunshensa guma ittanno; barra sirba qawaaxxote gede assite heddanno. Ki'ne ledo jilaho xaaddanno woyite, saalanna fokko diafidhinoreeti.

¹⁴Foorre batidhinonsareeti; cubbo loosse disarmitannoreeti; ammanate jawaatinokki manna dogganno. Yogortichu wodanireeti; rumantinoreeti.

¹⁵Insa suwashsho doogo habbinoreeti; halaaliweelcho woxe baxatenni Biioori beetti Beleaami doogo hadhino.

¹⁶Beleaami kayinni cubbisi daafira seejjamino; coyi'ra dandiitannokki harricho mannu qaalinni coyidhe himanaanchu macharaarre ittissino.

¹⁷Kuni manni wayi nookki ballaati; hombobolatte haadhe hadhanno gomichuwaati; beebbu tunsichi agare nooreeti.

¹⁸Kaphonna quwa saino coye coyidhanno; so'rotewiinni xaalla gate fulino manna foorrete halchora aduulte xagartanno.

¹⁹Insa uminsara bunshete borojje ikkite heedhenni, «Fafisidhine heedhinanni» yite hexxo uyitannonsa; mannu qeelamino coyira baxe borojjicho ikkannonte gede, insano cubboho borojje ikkite heedhanno.

²⁰Mootichinkenna Gatisaanchinke Yesuusi Kiristoosa afatenni tenne gobba battewiinni xooqqe fultuhu gedensaanni, galagalte hatte battenni sarraaqante qeelanturo, gedensiidi ikkitonsa albitenni roore darbantinota ikkitanno.

²¹Keeraanchimmate doogo affuhu gedensaanni uyinoonninsa hajajo qullaawatewiinni badhera higantenni, keeraanchimmate doogo affukkinni gattinoha ikkoommero woyyate.

²²«Woshichu tufosi itanno; hayishshinoonni manchaame sabbaho gongo'mitanno» yine maammaankanni gede ikkitino.