Read Sidama_Qullaawa _Maxaafa UMI YOHAANNISI 3 Bible Online

UMI YOHAANNISI 3 - Sidama_Qullaawa _Maxaafa bible

UMI YOHAANNISI 3

¹«Maganu oosooti» yinanninke gede Maganu Annu hiittoo baxille uyinonkero la'e; addanko, ninke Maganu oosooti. Alame Magano egentinokkihura ninkeno diegentinonke.

²Jaalla'ya, xa ninke Maganu oosooti; hiittoore ikkineemmoro xaara dixawinsoonninke; Kiristoosi daanno waro kayinni, ayimmasi anfeemmo daafira, iso lambeemmota egenninoommo.

³Isinni tenne hexxo afi'rinohu baalu, isi gedee keeraancho ikkate isonoo keereensi'ranno.

⁴Cubboho yaa Maganu Seera diigate; cubbo loosannohu baalu Maganu Seera diiganno.

⁵Isi cubbo hunara dayinota egentinoonni; isira cubbu dinosi.

⁶Kunnira Kiristoosinni hee'rannohu baalu cubbo diloosanno; cubbo loosannohu Kiristoosa diafino; diegennino.

⁷Ooso! Ayino dogoonke'ne; isi keeraancho ikkinonte gede, keeraanchimma assannohu keeraanchoho.

⁸Daawuloosi bi'renni cubbo loosannoha ikkino daafira, cubbo loosannohu Daawuloosiho. Maganu Beetti dayinohu Daawuloosi looso diigaraati.

⁹Maganoho ilaminohu cubbo diloosanno; Maganu wixi giddosi hee'ranno. Kunnira cubbo loosa didandaanno.

¹⁰Maganu oosonna Daawuloosi ooso bande anfannihu kunninniiti; keeraanchimma assannokkihunna rodoosi baxannokkihu baalu Maganu ila di"ikkino.

¹¹Alba balaxxine macciishshitinoonni sokka, «Mimmitinke ledo baxammo» yitannote.

¹²Bushunniha ikkinohu Qaayeeli rodoosi shiino; ninke hattoore ikkinoonke. Isi rodoosi mayira shii? Loosisi bushinohuraatinna rodiisi loosi dancha ikkinohuraati.

¹³Roduuwa! Alame gibbu'nero maala'litinoonte.

¹⁴Ninke roduuwanke banxeemmo daafira, reyotenni heeshshote widira sa'noommota egenninoommo; baxillu noosikkihu reyote giddo hee'ranno.

¹⁵Rodoosi giwannohu baalu manna shiinoho; manna shiinohura hegere heeshsho noosikkita egentinoonni.

¹⁶Maganu baxilli ewelumma anfoommohu, Kiristoosi lubbosi sayise eennankeeti. Ninkeno lubbonke roduuwinke daafira sayinse aa hasiissannonke.

¹⁷Mannu tenne gobba jiro heedheennasi, qarraminoha rodoosi afe marara hoogiro, Maganu baxilli giddosi hiitto ikke hee'ranno?

¹⁸Ooso'ya! Baxillinke halaalunnihanna loosunni leellannoha ikko ikkinnina, afuunninna suumetenni calla ikkoonke.

¹⁹Halaalaasine ikkankenna isi albaanni wodana harshammi yaanke kunninni anfeemmo.

²⁰Wodaninke, «Busha assitino» yiinkerono Maganu wodaninkera aliidiho; isi wo'mankare egennino.

²¹Jaalla'ya! Wodaninke «Busha assitinoonni» yaa hooginkero, Maganu albaanni hawaqi'ne hee'neemmo.

²²Hajajosi agadhineemmorenna iso hagiirsiisannore assineemmo daafira, huucci'neemmore baala isiwiinni afi'neemmo.

²³Maganu hajajo Beettisi Yesuusi Kiristoosi su'minni ammanneemmonna hajajosi garinni mimmitinke ledo baxammeemmo gedeeti.

²⁴Maganu hajajo wonshannohu baalu Maganunni hee'ranno; Maganuno ledosi hee'ranno; Maganu ledonke noota anfeemmohu, isi uyinonke Ayyaaninniiti.