Read Sidama_Qullaawa _Maxaafa EJJEETTO 15 Bible Online

EJJEETTO 15 - Sidama_Qullaawa _Maxaafa bible

EJJEETTO 15

¹Shiima yanna gedensaanni Samisoni galtesi la"ara mitte meichote goodane haa're ha'ri. Beettote annira, «Galte'ya noowa marammora hasi'roommo» yii. Annise kayinni mara diuyinosi.

²Samisonira, «Ati giwoottoseha laweennae beetto dukkisinohehura oommo; maa'nese ise roore xumaatina, ise adhi» yiisi.

³Samisonino daware, «Kunni ka'a Filisxeemootaho iillitanno gawajjora ane qayishshinoonke"e» yiinsa.

⁴Hakkunni gedensaanni Samisoni ha're 300 yeedaala amadi. Lame lame yeedaalcho mimmitoho qole quraanye, farrinsa xaadinowa mitto mitto kiffalcho usuri.

⁵Kiffalla aanaho qase Filisxeemootu jajjira qole aguri. Kunni garinni minde worroonniha calla ikkikkinni uurre noo gidi, woyinenna ejersu haqqe baala giirantu.

⁶Filisxeemootu, «Konne assihu ayeti?» yite xa'mituta, «Teminichu ballisi galtesi, dukkusinosihura uyino daafira hanqe, konne coye Samisoni assino» yinanni dawaro afidhu. Kunnira, Filisxeemootu manchonna beettosi giirte shitu.

⁷Samisonino, «Ki'ne togo assitini woyite, ani rabbisi'rummokkinni diagureemmo'ne» yii.

⁸Hakkawoyintenni lowo manna doddole shii. Hakkunni gedensaanni dirre Etaami yinanniwa ha're godu giddo maaxami.

⁹Filisxeemootuno fulte Yihudu gobba horritu. Leehi yinanni katamirano bala tuggu.

¹⁰Yihudu mannino, «Ninke qassinara mayira ka'ini?» yee xa'mi. Insano, «Samisoni amandammoranna assinke gede assinammora dangoommo» yite dawartu.

¹¹Yihudu manni giddonni 3,000 geeshshi Etaami goda mare, «Filisxeemootu gashshite noonketa diafootto? Kuni assitto coyi maati?» yitusi. Samisonino, «Insa assitinotalla asse qoloommo» yee dawarinsa.

¹²Insano, «Kune usurre Filisxeemootaho uyinammohera dangoommo» yitusi. Samisonino, «Ki'ne shitinanniekki gedella xaarre"e» yiinsa.

¹³Insano, «Usurre insaralla sayinse uyineemmoheta ikkinnina ninke dishineemmohe» yitusi. Hakkunni gedensaanni 2 haaro siiwonni usurte godu giddonni fushshite haadhe hadhu.

¹⁴Samisonino Leehi yinanniwa iillanni hee'reennanni Filisxeemootu alaakkanni isiwa daggu. Hatte yannara Kaaliiqi Ayyaani dirre Samisonira wolqa wonshisi. Usurroonnisi siibbano giirate uwino fatilchi gede asse aangasinni tattayise tugi.

¹⁵Hakkiichinni, mule reyino harrichi baqqaalla haa're, hakko miqichinni 1,000 manna shii.

¹⁶Samisonino, «Mittu harrichu baqqaallinni, kume harre duuno qoloommohu, mittu harrichu baqqaallinni, kume manna shoommohu» yaanni geeraari.

¹⁷Togo yee kaihu gedensaanni harrichu baqqaalla tuge aguri. Hakkuyi dargirano su'ma, «Ramaati Leehi»[6] yini.

¹⁸Samisoni lowo geeshsha goo'rinohura, «Ane borojjichikkira tenne jawa qeelle ootto. Xa goo'rotenni reyoyya? Tenne maganiweelo gosa angara eo?» yaanni Kaaliiqiwa hige woxarati.

¹⁹Maganuno Leehi noo kincho dhoose waa fushshisi. Samisonino hakkonne waa age jawaati. Wolqano assi'ri. Kunnira, hakko dargira su'ma, «Ayini Haaqore[7]» yini. Tini buichono techo geeshsha hakko Leehi no.

²⁰Samisoni Filisxeemootu yannara Israeele 20 diro gashshino.