Read Sidama_Qullaawa _Maxaafa SAYIKKI YOHAANNISI 1 Bible Online

SAYIKKI YOHAANNISI 1 - Sidama_Qullaawa _Maxaafa bible

SAYIKKI YOHAANNISI 1

¹Ani geerchu halaalunni baxeemmohura Gayiyoosira soyemmo sokka.

²Jaala'ya! Heeshsho qiniitannohe gede, gogikki fayyo ikkanno gedenna lubbokki harshammi yitanno gede huucceemmohe.

³Halaaleho ammanamakkinna halaalunni hee'rakki roduuwu dagge kulteennae macciishshe, lowo geeshsha hagiidhoommo.

⁴Ooso'ya halaalaancho heeshsho heedhannota macciishshatenni roorino hagiirri dinoe.

⁵Jaala'ya! Egennoottokkire ikkiturono, roduuwa ammanamatenni towatoottonsa.

⁶Insano baxillunni assoottonsare mannaho hasaabbino; xaano Maganu hagiidhanno garinni doogonsara kaa'littonsaro danchaho.

⁷Dagatewiinni mittoreno adhitukkinni su'misira yite fultino.

⁸Xaate halaalu loosira gutammeemmo gede hattoo manna kaa'la hasiissannonke.

⁹Beetekiristaanete sokka borreessoommo; ikkollana albiidiha ikka hasi'rannohu Diyoxiraafiisi haa'ra giwinonke.

¹⁰Kunnira ki'newa dayemmo woyite, xonanninkenna shollishanninke loosanno looso baala baalunkura kuleemmo. Hakkonne calla ikkikkinni roduuwano dihaa'ranno; haadhannoreno hoole insano beetekiristaanetenni fushshe shorranno.

¹¹Jaala'ya! Dancha ikkinnina busha labbooti; danchare assannohu Maganunniho; bushare assannohu kayinni Magano diafino.

¹²Dimexiroosire mannu baalu farci'ranno; halaalunku farci'rannosi. Isire ninkeno farci'neemmo; farci'neemmo coyino halaale ikkinota afatto.

¹³Borreesseemmohehu lowo coyi nooe; ikkollana borreesse soyammohera dibaxoommo.

¹⁴Muli yanna giddo xaandeemmo gede hexxo nooe; hakka woyite gamba yine hasaambeemmo.

¹⁵Keeru ledokki hee'ro. Jaallanke keere dhaantinohe. Jaallanke mittu mittunkura keere iillishie.