Read Sidama_Qullaawa _Maxaafa YOHAANNIS AJUUJA 10 Bible Online

YOHAANNIS AJUUJA 10 - Sidama_Qullaawa _Maxaafa bible

YOHAANNIS AJUUJA 10

¹Hakkunni gedensaanni, gomicho uddi'rinohu wolu jawaatu sokkaasinchi gordunni dirranna afummo. Magani-seemo umosi doyissite no; albisi arrishshote gedeeho. Lekkasi giirate heelliicho gedeete.

²Fa'nante noota mitte shiima xaanxoonni gogi borro anga amade no. Qiniiticho lekkanni baara kaxxe, guracho lekkanni uulla kaxxi.

³Ittananno doobbiichi gede qoonqosi naggi asse doonqi. Doonqi yannara lamalunku beleqi xadhe coyi'ri.

⁴Lamalunku beleqi coyi'rita, ani borreessammora hedummo. Ikkollana, «Lamalunku beleqi coyi'rannoha cuffe maaxxe amadi ikkinnina borreessitooti!» yitanno huuro gordunni macciishshummo.

⁵Baarunna baattote aana uurre hee'reenna afummo sokkaasinchi qiniiticho angasi iima qole kayise,

⁶gordonna gordu giddo noore, baattonna baattote aana noore, baaranna baaru giddo noore kalaqino Magani hegerehu su'minni xaare, «Kunni ka'a dikeeshshanno;

⁷ikkollana lamalki sokkaasinchi xurumba ufuufanno yannara, soqqamaanosira himanaanote kulinonsa garinni Maganunnihu go'le noo coyi xawo fulanno» yii.

⁸Balaxe gordunni macciishshummo huuro, «Baarunna baattote aana uurre noo sokkaasinchi anga noota fa'nantinota xaanxoonni gogi borro marte haa'ri!» yee layinkimeeshsho coyi'rannae macciishshummo.

⁹Sokkaasinchunniwa mare, «Ballo shiima xaanxoonni gogi borro uue!» yuummosi. Isino, «Adhite iti; godowikkira qaraaro ikkitanno; afiikkira kayinni malawimma coommitanno» yiie.

¹⁰Anino shiima xaaxamino gogi borro sokkaasinchu anganni haa're itummo; afii'yara malawimma coommitue; itummohu gedensaanni kayinni godowi'yara qaraaro ikkitue.

¹¹Hakkunni gedensaanni, «Xaano ledde, lowo gosara, addi addi sirchira, addi addi afiinni coyi'ranno manniranna mootoollate Maganu hedinore kula hasiissannohe» yine kullie.