Read Sidama_Qullaawa _Maxaafa YOHAANNIS AJUUJA 17 Bible Online

YOHAANNIS AJUUJA 17 - Sidama_Qullaawa _Maxaafa bible

YOHAANNIS AJUUJA 17

¹Lamala gabate anga haadhe noo sokkaasine lamalante giddonni mittu anewa daye, «Amo, lowo wayibba mule ofoltinota lowo foorrenni egennantino mancho qoricha leellisheemmohena.

²Baattote aani mootoolla ise ledo foortino. Baattote aana noo mannino foorrennita woyinete xajjese age dimbino» yii.

³Hakkunni gedensaanni Qullaawu Ayyaani aana'ya hee'reenna sokkaasinchu haa're halallira ha'rie. Hakkiicho mancho Magano xonate su'muwa aanasi borreessinoonnihu duumu moyichi aana ofolte noota afummo; kuni moyichi lamala umonna tonne buuda afi'rino.

⁴Hatti mancho duumenna duume xiillitte uddano uddidhe no; culka, dilqa kinchonna baaru giddonni haa'nanni dilqa irridhinote. Battenna foorrese xidho giddo wo'mitinoha culku finiincho anga haadhe no.

⁵Albise aana, «Bati'ra Baabilooni, foorretenna baattote batte baalate ama» yine wolu afannokki tiro su'ma borreessinoonni.

⁶Tini mancho qullaawu manni mundeenninna Yesuusi farci'raasine mundeenni dimbite noota afummo. Afummo yannara lowo geeshsha maala'lummo.

⁷Sokkaasinchu kayinni, «Mayira maala'latto? Tenne mancho fojonna, ise aanaho ofoltinohu lamalu uminna tonnu buudi moyichi fojo kuleemmohe.

⁸Laitto moyichi bashshonni nooho; xa kayinni dino. Gedensaanni diimete giddonni fule baosi dargira ha'ranno. Kalqe kalaqantara albaanni su'mansa heeshshote maxaafi giddo borreessinoonnikkiri baattote aana heedhannori, moyichu bashsho nooha, xa kayinni nookkiha, gedensaanni qole daannoha ikkinota affanno woyite maala'litanno.

⁹«Afanna buuxa hasiissanno coyi kuneeti: Lamalu umi mancho ofoltinohu lamalu ilaali lawishshaati; qoleno lamala mootoolla lawishshaati.

¹⁰Insa giddonni ontu ubbino; mittu xa no. Lamalkihu xaara didayino. Isi dayiro shiima yanna calla keeshsha hasiissannosi.

¹¹Bashsho noohu, xa kayinni nookki moyichi settikki mooteeti. Isi lamalu ledoho; isino baosi widira ha'ranno.

¹²«Laittoti tonne buudda, xaara gashshoote adhitinokki tonne mootoollaati; ikkollana moyichu ledo mitte saate mookkanno gede roorre uyinanninsa.

¹³Tonnente mootoollara mitte hedo noonsa; insano wolqansanna mootimmansa moyichoho uyitanno.

¹⁴Insa Ge'rechu ledo olantanno; Ge'rechu mootoollete Mootichanna mootoollate Moote ikkino daafira, woshshantinori, doorantinorinna ammanantinori ledo insa qeelanno» yiie.

¹⁵Sokkaasinchu lede, «Laittoti foora mancho mulensa ofoltino wayibba, fiixu fiixunni, gosa gosatenni, ga're ga'retenninna addi addi afiinni coyi'ranno manni lawishshaati.

¹⁶Laittoti tonne buuddanna moyichu, foortanno mancho gibbannose; afidhinore baala mulqite mullicho agurtannose. Maalase ittanno; giirateno tuggannose.

¹⁷Maganu hedinori wo'ma geeshsha, mitteenni sumuu yite gashshootunnita wolqansa moyichoho uyitanno gede tenne hedo wodaninsa giddo worinohu Maganoho.

¹⁸Laitto mancho, bati'ra baattote mootoolla aana moohino katamaati» yiie.