Read Sidama_Qullaawa _Maxaafa YOHAANNIS AJUUJA 18 Bible Online

YOHAANNIS AJUUJA 18 - Sidama_Qullaawa _Maxaafa bible

YOHAANNIS AJUUJA 18

¹Hakkunni gedensaanni wolu sokkaasinchi gordunni dirranna afummo. Isi lowo roorre afi'rino; ayirrinyisi baatto baala xawisi.

²Isi naggi yitino qoonqonni, «Bati'ra Baabilooni ubbu! Ubbu! Durriisu galannowa, battete ayyaanna gollonna cee'mishshannotinna giwissanno cea heedhannowa ikkitu.

³Kuni ikkannohu, gosa baala dimbissannota foorrennita woyinete xajjese agginohuraati. Baattote mootoolla ise ledo foortino; baattote aana noo daddalaasineno qawaaxxosenni kainohunni dureeyye ikkitino» yii.

⁴Hakkunni gedensaanni wole huuro gordunni, «Manna'ya ballo, cubbisera karsantinannikki gede, qoomamase beeqqitinannikki gede, Baabilooninni fulle!

⁵Cubbise kuuso gordu geeshsha iillitinona, Maganuno bunshese dihawino.

⁶Assitinore assitine qollese; loossinore lame anga assitine qollese; ki'nera qixxeessitu finiinchira, lame ero kaajjishshine wonshese!

⁷Umose la'misidhinonna qawaaxxisidhino bikkinni, qarranna yaaddo uuyyese! Wodanisenni, ‹Gunnittete gede ikkikkinni, mootittete gede ikke ofolloomma. Dadillu horo diamadannoe› yite adawadhitanno.

⁸Kunni daafira mitto barra, reyo, dadillunna hude amaddannose. Giirano ittannose. qorichishannosehu Mootichu Maganu wolqaataamoho» yitanna macciishshummo.

⁹Ise ledo foortannorinna la'ma heeshsho heedhinori baattote aani mootoolla, ise giirantanna fultanno wiliile la'anno woyite raarte wi'litanno.

¹⁰Iillinose qarra la'anno woyite, waajjitino daafira xeertote uurrite, «Bati'ranna jawaata Baabilooni, ate aanne'e! Xaano ate aanne'e! Mitte saate giddo baokki daggu» yitanno.

¹¹Kunni ka'a uduunnensa hidhannohu nookki daafira, baattote aana noo daddalaasine raarte wi'litannose.

¹²Markaawensara hogophitino culka, birra, ayirrado dilqa, baaru giddonni afi'nanni dilqa, shaalado uddano, duume xiillitte uddano, haarrete uddano, duume uddano, su'niitanno haqqe baala, daaniichu hinkonninna ayirrado haqqenni seekkinoonni uduunne, camo, siwiilanna calallaqa kincho,

¹³su'naannoha haqqu omolcho, su'niitanno qimamma, hixaana, kaarbe, su'nare, woyinete xajje, ejedhete zayite, fila bullee, qamade, lalonna ge'reewo, faradonna faradi gaare, borojjenna qafadamino manna hidhannoha diafidhanno.

¹⁴Daddalaasineno, «Halchoottahu danchu coyi baalu atewiinni xeerti'rino. Qawaaxxokkinna gaamaarrekki baala kunni ka'a afi'rattakki gede ikkite gattino» yitannose.

¹⁵Konne coye baala dadda'litanni duroo'mitino daddalaasine, qarrase la'e waajjitino daafira xeertote uurrite raarte wi'litanni,

¹⁶«Shaalado, duumenna duume xiillitte uddidhinota, culka, dilqa kinchonna baaru giddonni afi'nanni dilqa irridhinota, bati'ra Baabilooni aanne'e! Aanne'e!

¹⁷Tini jiro baala mitte saate giddo ba'u!» yitanno. Markaawete hajajaano, markaawetenni ha'ranno manni, markaawete laaqi'raanonna markaawete giddo dadda'litannori baalu xeertidhe uurritanno.

¹⁸Baabilooni giirantanna fultanno wiliile la'u yannara, «Tenne bati'ra lawannohu wolu katami nooni?» yite raartanno.

¹⁹Lowo geeshsha dadillitino daafira uminsara buko giggishshidhanni, «Baaru aana markaawe afidhinori baalu, kunni kataminni duroo'mitino. Hatti bati'ra Baabilooni, mitte saate giddo ba'inona aanne'e! Aanne'e!» yite wi'litanno.

²⁰Gordo, Baabilooni uwara hagiidhi! Ki'ne Maganu manni, soqqamaasinenna himanaano, hagiidhe! Maganu ki'ne daafira rabbisino.

²¹Hakkunni gedensaanni mittu jawaatu sokkaasinchi lowo daammi geeshshi kincho haa're baaru giddo tuge, «Bati'ra Baabilooni togo assine wigidiinde tunganni; layinkimeeshsho horo dika'anno.

²²Gingilaate gantanni godo'litanno sirbaasine huuro, suusullenna xurumba ufuuffannori huuro, layinkimeeshsho atewa dimacciishshinanni. Uduunne seekkannohu addi addi ogimma afi'ranno manni, kunni ka'a giddokki dihee'ranno. Kunni ka'a giddokki daammu luulo dimacciishshinanni.

²³Kunni ka'a giddokki caabbichu dihee'ranno; adhannohunna adhantannote huuro, kunni ka'a giddokki dimacciishshinanni. Daddalaasinekki baattote aana egennantino wolqaataammaati; bitakkinni manna baala so'risiisootta.

²⁴Himanaanotenna qullaawu manni mundee, baattote aana shinoonni manni baalu mundeeno, kunni katami giddo no» yii.