Read Sidama_Qullaawa _Maxaafa YOHAANNIS AJUUJA 5 Bible Online

YOHAANNIS AJUUJA 5 - Sidama_Qullaawa _Maxaafa bible

YOHAANNIS AJUUJA 5

¹Ayirradu barcimira ofollinohu, qiniiticho anganni amadinoha giddoonninna gobbaanni borreessine lamala sumuda[3] sumunde cunfoonniha xaanxoonniha borrote goga afummo.

²Mittu jawaatu sokkaasinchi qoonqo naggi asse, «Sumundoonni sumuda tiranna cunfoonniha xaanxoonni goga fana dandaannohu ayeti?» yee lallawe coyi'ranna macciishshummo.

³Ikkollana gordu iimano baattote aanano woy baattote woroonni xaanxoonniha borrote goga fananna giddo nooreno la"a dandiinohu dino.

⁴Xaanxoonniha borrote goga fana woy giddo nooreno la"a dandaannoha mittono hoongoonni daafira, hururame wi'lummo.

⁵Hatte yannara geerru giddonni mittu, «Wi'litooti! Kuneeti Yihudu ga're ikkino Doobbiichi, Daawiti Rumushshi qeelle adhino; isi lamalanka sumuda tiranna xaanxoonni goga fana dandaanno» yiie.

⁶Hakkunni gedensaanni ayirradu barciminna shoolunku kalaqami mereeronna geerru giddo gorraminohu gede ikke uurre noo Ge'recho afummo. Kunni ge'rechira lamala buuddanna lamala ille noosi. Illuwanna buudda gobba baala sonkoonniti lamalanti Maganu ayyaannaati.

⁷Ge'rechuno mare, ayirradu barcimira ofolle noohu qiniiticho angara amade nooha xaanxoonni goga haa'ri.

⁸Xaanxoonniha borrote goga haa'rita, shoolunku kalaqaminna lemiina shoolunku geerri Ge'rechu albaanni kumbuultu. Mittu mittunku anga bagana haadhe no. Qolteno qullaawu manni huuccatto ikkinohu hixaanu giddo wo'minoha culkunni seekkinoonni uduunnicho amadde no.

⁹Insa, «Xaanxoonniha borrote goga haa'rate, sumudano tirate maloottohu ateeti. Gorramoottona; mundeekkinni ga're baala, addi addi afoo coyi'rannoha baala, gosanna sircho baala wodde,

¹⁰Maganinkera soqqantanno gede, qeesootu gashshoote assoottona; gobbano gashshitanno» yitanni tenne haaro faarso faarsitu.

¹¹Laummo woyite, ayirrado barcima, shoolenka kalaqamanna geerra doyissite uurrite noorita, kiirre fullannikkirita kumu kumi sokkaasine huuro macciishshummo.

¹²Qoonqonsa naggi assite, «Gorramino Ge'rechi: Wolqa, jiro, hayyo, jawaante, ayirrinye, guweenyanna galata adha maltinosiho» yitanni faarsitu.

¹³Gordohonna baattote, baattote woroonni, baaru giddo noo kalaqami baalu, giddonsa noohu lubbo afi'rino kalaqami baalu, «Galatu, ayirrinyu, gaamaarrenna wolqa, hegerenni hegere geeshsha, ayirradu barcimira ofolle noohuranna, Ge'rechoho iillito» yitanni faarsitanna macciishshummo.

¹⁴Shoolunku kalaqamino, «Hamii'ni!» yitu. Geerruno kumbuulte magansidhu.