Read Sidama_Qullaawa _Maxaafa UMI SAAMUEELI 29 Bible Online

UMI SAAMUEELI 29 - Sidama_Qullaawa _Maxaafa bible

UMI SAAMUEELI 29

¹ Filisxeemootu olantonsa baala Afeeqi yinanniwa gamba assitu; Israeeleno Iyiziraeeli Lagichira noo buicho mule tuultu.

²Filisxeemete gashshaano xibbenna kume assine gaammoonni gaadaano ledo hadhuta, Daawiti mannino Akiishira badhe ikke olantosi hoode ha'ri.

³Filisxeemenniti olu hajajaanono, «Kuri Ibiraawootu konniicho ma"assitanni no?» yite xa'mitu. Akiishino, «Kuni Daawiti, Israeelete mootera Saaoolira soqqamannoho. Ane ledo hee'rinkunni kune diro ikke sainosi; anewa dayinkunni techo geeshsha mitte bunsheno diafoommosi» yiinsa.

⁴Filisxeemete hajajaano kayinni Akiishira hanqite, «Konne mancho hakka oottosi dargira ha'ranno gede assi. Olu duu'ranno yannara ninkera galagale diina ikkannonkena ledonke olunniwa ha'roonke. Ninke umo mure massa hoogiro mootichisi ledo araaramanno gari noosini?

⁵Geewanno meenti, « ‹Saaooli kume shiino; Daawiti kayinni tonne kume shiino› yee faarsihu Daawiti konne di"ikkino?» yitusi.

⁶Kunnira Akiishi Daawiti woshshe, «Heeshshote Kaaliiqi halaaleeti! Ati ammanamoottoho; anewa dayittonkunni mitte bunsheno afoommohekki daafira, ledo'ya gaadattora baxoommo; wole gashshaano kayinni ledo ha'rattota dibaxxino.

⁷Xa Filisxeemete gashshaano gibbanna ha'rattontenni, umo higge keerunni qaera ha'ri» yiisi.

⁸Daawitino, «Ani ma"assummo? Kawiira dayummonkunni aana'ya bunshe afoottokkiha ikkiro, ha're ate moote'ya diini ledo olameemmota mayira hoollannie?» yee xa'mi.

⁹Akiishino daware, «Anera Maganu sokkaanchi gedee dancha ikkoottota afoommo. Filisxeemete hajajaano kayinni, ‹Olaho ledonke ha'roonke› yitino.

¹⁰Kunnira, Saaooli agurtine dagginoonniri atinna ledokki noori baalu soodo guttine xawanni hee'reennanni hadhe» yiisi.

¹¹Daawitinna ledosi mannino galagalte Filisxeemete gobba hadhara soodo gutte ka'u. Filisxeemootu kayinni Iyiziraeelira gaaddu.