Read Sie Matiyu 10 Bible Online

Matiyu 10 - Sie bible

Matiyu 10

¹Miyi yemovrokonda ōvun nūrie eni Twelv, memovunora horog woretevelegunora ōvun naviatĭndi, ĭm worum kororĭgives ōvun namarat mōvun netevūlfil, omwisū.

²Imo ninda enirora ōvun Apostol Twelv: mampūm Sĭmon, nalĭg eni Piter, ĭm Anderū, avensī eni; Yakōbō, netni eni Sepedi, ĭm Yōane, avensī eni;

³Fĭlĭp, ĭm Bartolomū; Tomas, ĭm Matĭyū, mori lĭvsaū nalekon; Yakōbō, netni eni Alfius; ĭm Lebēus, nalĭg eni Tadius;

⁴Sĭmon, neteme Kēna, ĭm Yūdas Iskariot, mori yemempirĭgi iyi.

⁵Imo Twelv Iesū yemtamūlora mempasewokonda memenūwi memokū, Utūve ra selat enirora ōvun nelebokevat, mūtūve ra ōvun nimote enirora ōveteme Samaria;

⁶kĭmi kwampe punora ōvun pugipugi neviugki ra ōvun netevokontū Isrēel.

⁷Im pol sugkū kūmnavan ūtorenūwisah nam mōkū, Lō ūnpokūp umpotipot;

⁸wumkororĭgives ōvun neturumurō, wumpi sentevives ōvun lepros, mūvievsorasah ōvun namas, mūtevelegunora ōvun naviatindi; kĭmi kūtorevĭ, ūroratalokugi.

⁹Utūvĭ kold, kū sĭlver kū koper, ra mumpon woretōetĭgi enugkĭmi;

¹⁰ĭm tawi sĭ vēyū nĭmsĭn selat, kū semplaūon endūrū, kū woravan endūrū kū woresentūrū; ĭt aremī mampugi neteme torugat nevag.

¹¹Im pol sugkū kūmnĭntorĭmpe ra sĭ sĭti kū nimote, ūtagkelora mōkū, Mē iyi tanepō ra nūrū ĭgko, mūten-dōwi ūndū mefeli nempugon kūōmampe.

¹²Im pol sugkū kūmnĭntorĭmpe ūnisog sĭ nimo, wempasewokonda ūnisog; ĭm nagkū irora aremī nevĭeves enugkĭmi antendōwi iranda;

¹³ĭm nagkū irora tawi aremī nevĭeves enugkĭmi ōmentorĭleki irami.

¹⁴Miyi sĭ kū sĭ otūagesives kĭmi, motūandĭgi nam enugkĭmi, pol sugkū kwontūratumpeni ilat marugi nimo mori, kū sĭti, wosemperi navivon marugi nōwomi.

¹⁵Itnesog ya umanūwi pugkūm magkū, Anti mōmū virok iranda ra nūrū Sodom ĭm Komora ran dan nūrian ra imo sĭti.

¹⁶Urĭgi, ya umentamūlokūm sugkū ōvun pugipugi ĭle-bōteven ōven wūlf;

¹⁷ūti kĭmi nōĭntanwi sugkū ōvun neskil ĭm noramel sugkū ōvun ūmpon, kō ūfĭnte kĭmi marokonda ōveteme, ĭt irora wantōrokūm ra naūor enirora ōvun natemonōk nūrian; mirora wamselatovokūm ūnisog ōvun nimo tavsogi enirora;

¹⁸mūnimĭnda ōvun nivūo, mōvun natemonōk ra nūsian, wantorokūm sugkū popōwo ugi yaū, woreti numpūvsok iranda, ĭm lō sū ōvun nelebōkevat.

¹⁹Im pol sugkū wantipe kĭmi ūnimĭnda, ūtūtarūgi nam, kū nokowo kwontamsi mumanūwi punora, popōwo ampugkūm nam worenūwi ra nempugon mori;

²⁰ĭt kĭmi kūtūasepen enūwi, kō Naviat eni Itemen e kĭmi anūwi ūnōwami.

²¹Im avensi onempiri iran avensī woretalugi, mitemen iran netni eni sugkū; mōvun netnime wontūok woretalokonda, ĭtemenda, ĭm dĭneme enirora;

²²ĭm omwisū wonakan pugkūm popōwo ugi nin enyaū; kō iyi antendōwi ūnam áfeli ra nĭsah ampiēōwara.

²³Pol sugkū wampīĭndi kĭmi ra imo sĭti, walō ra sĭ mōmū; ĭt ĭtnesog; ya umanūwi pugkūm memagkū, Kūtūonavan magkaū mavtĭt sĭti sū ra Isrēel miyi Netni eni neteme ōmampelum.

²⁴Sĭ nūrie tawi mōmū aremĭ ra tavsogi eni; ĭm sĭ lĭvsaū tawi mōmū aremĭ ra narisah eni.

²⁵Aremĭ nĭsekon sĭ nūrie nagkū iyi sugkū tavsogi eni, ĭm lĭvsaū woreti sugkū narisah eni. Nagkū dūmūnūwi mūmōkū, Bielsibūl narisah eni nimo, wanūwi magkū iranda ūnisog mōmū sugkū kū?

²⁶Popōwo imo sugkū, ūtūmtetokonda; tiamesū moseni wamsok; ĭm wampīatumpeni tiamesū umnamon.

²⁷Imo mori ya umanūwi pugkūm ra nelebōkevat, ūtampĭgi ra nilara; mimo kūmū-rĭgi vamon ūtorenūwisah ran tan nimo.

²⁸Utūmtetokonda mori ūmuntalugi nokolĭsiran, kō tawi faneteme woretalugi naviat; wemtetugi mōmū Iyi mori horog woretevavtĭti dūrūsū, naviat, ĭm nokolĭsiran ra neswate.

²⁹Umampasi ōvun nimpem endūrū ugi nugkon ra sī peni, kū? ĭm tawi sĭ ra irora amol ranemap, nagkū Itemenekĭmi otū ontenĭmpe.

³⁰Novlĭmpūsū numpūmi umasepi.

³¹Popōwo imo sugkū, ūtūmtetugi; kĭmi momū aremĭ ra ōvun nimpem sikat.

³²Iyi sĭ anūatumpeni yaū ūnimĭnda ōveteme, ya anūatumpeni iyi ūnĭpmi eni Itemeneyaū ūnpokūp;

³³kō iyi sī anūaveni yaū ūnimĭnda ōveteme, ya anūaveni iyi ūnĭpmi eni Itemeneyaū ūnpokūp.

³⁴Utōkū ya okovelum woretipe nĭnparata ra nemap; ya otūvelum woretipe ninparata kō naūitūga.

³⁵It ya okovelum woretevavwora sī neteme mĭtemen, ĭm netni ĭtnasiven ĭm dĭneme eni, ĭm sī nasiven ĭm dĭneme asūon eni.

³⁶Mov novsen nakan eni sĭ neteme wanti irora ra nimo eni.

³⁷Iyi sĭ mori umnelentugi itemen eni, kū dĭneme, momū irag, tawi aremi irag; miyi sī umnelentugi netni ĭtnateman kū ĭtnasiven mōmū irag, tawi aremi ĭrag.

³⁸Miyi sĭ otūinandiuki nēumparum eni memnūri yaū, tawi aremi irag.

³⁹Iyi sĭ mori umasepen nevievēevē nomūrep eni ampiugki; miyi sĭ umampiugki nomūrep eni popōwo ugi yaū ōmampi.

⁴⁰Iyi sĭ umagesi ves kimi umagesi ves yaū; miyi sĭ umagesi ves yaū umagesi ves iyi mori yemtamūli yaū.

⁴¹Iyi sĭ umagesi ves sĭ profet popōwo iyi profet, ampĭ nĭpmi eni sĭ profet; miyi sĭ umagesi ves sĭ neteme tanepō popōwo iyi tanepō, ampĭ nĭpmi eni neteme tanepō.

⁴²Miyi sĭ ampugi sĭ ra imosū virok nū woremoneki lap popōwo iyi umnūri yaū, ĭtnesog ya umanūwi pugkūm me-makū, Iyi otūampiugki nĭpmi eni.