Read Sie Matiyu 13 Bible Online

Matiyu 13 - Sie bible

Matiyu 13

¹Ra imo dan Iesū yemōwi nimo mori memetesep ūntok;

²mov numpūn lō sikat dūmūteteliugi iyi; miyi yive ra bōt memetesep, ĭm numpūn lō omwisū dūmūtūrū ĭkeri.

³Miyi yemenūwi punora memokū ugi ōvun parabol

⁴sikat; iyi yemenūwi memokū; Urĭgi; Sī neteme yive woraseviugi novsen, ĭm pol sugkū iyi yemnaseviugi nugkon dūmol ran telugon selat,

⁵mōvun menōk dūmūvelum mūmūsupmuvugi;

⁶ĭm nugkon dūmol ra numpūn netē yūi nemap virok, marimago dūtepū popōwo nemap virok; ĭm pol sugkū nĭpminen yemsah ĭm sē, dūmetū popōwo tawi nōatnĭn.

⁷Im nugkon dūmol ra ōvun nemrataū, mōvun nemrataū dūteli mūteniseve;

⁸ĭm nugkon dūmol ra nemap aremĭ mūmovūo, nugkon wun hunder, ĭm nugkon sĭkesti, ĭm nugkon turti, ĭm potnĭn sĭtevengo.

⁹Iyi sĭ Im telugon eni wororĭgi, aremĭ iyi umandĭgi.

¹⁰Mōvun nūrie dūmūvelum mūmūtagkeli iyi mūmōkū, Kamsokonda Kemanūwi punora magkū ugi ōvun parabol?

¹¹Miyi yemtamsi memenūwi punora memokū, Umampug kūm worokil ōvun netiumpunwarara lō ūnpokap, kō otūvunora sugkū.

¹²It iyi sĭ umantipe eni ampugi mōmū, miyi antipe tamas; kō iyi sĭ otūmantipe, ampĭ parugi mori virok isen wokon.

¹³Popōwo imo sugkū ya umanūwi punora memagkū ugi ōvun parabol; popōwo irora ūmagesi mūtūmagesi; mirora umandĭgi mūtūmandĭgi.

¹⁴Mūmnampesog ugi irora nam mori Isēya profet yepmenūwi memokū, Kĭmi kwandĭgi mōmamgīugi; Im kĭmi kwagesi ĭm kūtūagkili fan nam:

¹⁵It nōwanda imo netevokontū dūti nugkugko, Im telugonda dūmumgol, Mirora dūsumpat nimĭnda; Ma ūtūagesi ugi nimĭnda; Mūtūandĭgi ugi telugonda, Mūtūagkili ūnōwanda, Mūtūōmampelum poyaū, Worevĭ horĭgives.

¹⁶Kō nevĭeves nimetemi, ĭt irora ūmagesi; ĭm telugomi, ĭt irora ūmandĭgi.

¹⁷Itnesog, ya umanūwi pugkūm memagkū, sikat ōvun profet mōvetēme tanepō dūmakĭugi worokesi imo mori kūmagesi, mirora dūtō-kesi, ĭm wororĭgi imo kūmandĭgi, mirora dūtūrĭgi.

¹⁸Urĭgi kĭmi parabol ugi neteme yemnaseviugi novsen, Iyi sī ūmandĭgi nam ugi lō mumamgĭugi,

¹⁹Sētan umampelum memneforugi imo mori yemōwi ūnōwan eni; imo mori yemnaseviugi ran telugon selat. Mimo mori yemnaseviugi ra numpūn nete;

²⁰imo iyi mori ūmandĭgi nam, mumampī ugi navos, kō tawi nōatnĭn ūnisog iyi, mumandekote lap wokon;

²¹ĭm polsugkū nakan ĭm nevĭesesat popōwo ugi nam, wampelum, marimago iyi owosi-yĭevo. Mimo mori yemnaseviugi ra ōvun nemrataū;

²²imo iyi mori ūmandĭgi nam mov netevotarūgi ĭm nempirĭgi nōete ra nemap uminteniseve nam motūmampūo.

²³Mima mori yemnaseviugi ra nemap aremī; imo iyi mori ūmandĭgi nam memagkili fan nam, mōmampūo, nugkon wun hunder ĭm nugkon, sīkesti, ĭm nugkon turti, ĭm nōatnĭn sĭtevengo.

²⁴Miyi yōmenūwi punora sĭ mōmū parabol memokū, Lō ūnpokūp sugkū sĭ neteme yemnaseviugi novsen aremī radenūok eni;

²⁵ĭm pol sugkū ōveteme dūmalēepo, novsen nakan eni yivelum memnaseviugi novsen sat dal whit mempe.

²⁶Im pol sugkū dūmūtelisah mūmūvūo dūtūpū sah novsen sat sugku.

²⁷Mōvun lĭvsaū eni narisah dūmūve mūmūnūwi pugi mūmōkū, Narisah, kemnaseviugi novsen aremī ran denūok enugkĭk, kū? Dūmnēa novsen sat?

²⁸Miyi yemenūwi punora memokū, Sī novsen nakan yemumpi imo. Mōvun lĭvsaū mori dūmūtagkeli mūmōkū, Ka kalampe ĭm lenalekon semsimugi, kū?

²⁹Miyi yemokū, Eyi; kū entawi kwamsi whit pol sugkū kwonalekon ōvun netevannē.

³⁰Aremī wonteli dūrūsū semsimugi afeli nempugon wampūo sū, im ra nempugon mori ya anūwi punora ōvun nasemnūok, Walekon mampūm ōvun netevannē sat mūiti ōvun nēat woretni; kō walekon semsimugi whit ūnisog nimo woretavenepon enyaū.

³¹Miyi yōmenūwi sĭ mōmū parabol punora memokū, Lō ūnpokūp sugkū sĭ novsen mustar mori sĭ neteme yivī memōwi ran denūok eni; imo novsen ūrekis wokon,

³²kō pol sugkū yemtelisah, nūsian nē, monteli nē tamas, mōvun menok umampelum mūmuntasi ra ōvun nevĭokon.

³³Miyi yōmenūwi sĭ mōmū parabol punora memokū, Lō ūnpokūp sugkū leven sĭ nasiven yivī memetipe ra flaūer memtalug desel, mefeli nempugon dūmūtepū omwisū sugkū leven.

³⁴Imosū omwisū Iesū yemenūwi punora ōvun numpūn lō memokū ugi ōvun parabol; ĭm ra nempugon sĭ kū sĭ iyi yemenūwi punora, yemokū ugi parabol, worampesog nam eni profet mori iyi yepmenūwi memokū,

³⁵Ya anūwi nam magkū ugi ōvun parabol; ya onūasumperi ugi tiame dūtiumpeni marugi ra nobūm mefeli nempugon marima.

³⁶Im Iesū yemtamūlora ōvun numpūn lō mempe ūnisog nimo; mōvun nūrie eni dūmūvelum pugi mūmūnūwi mūmōkū, Tavsogkam parabol ugi novsen sat ra denūok.

³⁷Miyi yemtamsi memenūwi punora memokū, Iyi mori umnaseviugi novsen aremĭ, Netni eni neteme;

³⁸denūok nemap omwisū; ĭm novsen aremĭ ōvun netnime ra lō;

³⁹ĭm novsen sat ōvun netnime eni Sētan; ĭm novsen nakan mori yemōwi orora Sētan; ĭm nempugon wampūo dan nisah;

⁴⁰mov nasemnūok ōvun agelō. Popōwo imoeū sugkū, umnalekon semsimugi ōvun netevannē sat woretni ra nom, anti sugkū ran dan nisah.

⁴¹Iyi Netni eni neteme ontamūlora ōvun agelō eni, mirora wonalekon marugi lō eni ōvun sendōkia omwisū mōvun numpĭndi;

⁴²mūmuntafugi irora ra nom nopōū; Yūi wontugagerisah monĭltirit nugūn.

⁴³Mirora ōvun tanepō woneliugesi sugkū nĭpminen ra lō eni Itemenda. Iyi sĭ ĭm telugon eni wororĭgi, aremĭ iyi umandĭgi.

⁴⁴Im lō ūnpokūp sugkū nōete ves umantiumpeni ran denūok; ĭmpol sugkū sĭ neteme yemokesi iyi yōmetiumpeni memavos mempe mempasi netevote sū eni, mempasĭgi denūok mori.

⁴⁵Im lō ūnpokūp sugkū sī neteme nevasi mori yemnesorugi ōvun nempes aremi wokon;

⁴⁶ĭm pol sugkū iyi yemokesi sī nempes aremi wokon, yive mempasi netevote sū eni mempasĭgi mori.

⁴⁷Im lō ūnpokūp sugkū nokopon dūmūti ran tok mūmevi ōvun nomū;

⁴⁸ĭm pol sugkū yovūara dūmūreveni mūtipe ĭkeri, mūmūtesep mūtampolora aremī mūtipe ra mumpon ōvun nūrah, mirora sū ūr dūtafugi.

⁴⁹Anti sugkū ran dan nisah; ōvun agelō wampelum mantevavwora ōvetemĭndi mōvun tanepō,

⁵⁰mūmuntafugi irora ra mumpon nom nopōū; yūi wontugagerisah moneltirit nugūn.

⁵¹Iesū yemtagkelora memokū, Kūmagkili fan nam ugi imosū kū? Irora dūmūnūwi pugi mūmōkū, Monokowo, Novsūromon.

⁵²Miyi yōmenūwi punora memokū, Oveteme tavsogi umagkili sū aremi ugi lō ūnpokūp, irora mori sugkū ōveteme nōete ūmampĭ nugkon ĭtevaū ĭm nugkon numperĭtwi marugi woretavinpon nōete enirora.

⁵³Im pol sugkū Iesū yemenūwisū imosū ōvun parabol yemōwi nūrū yūi, mōĭmpelum ra nūrū eni, memtavsokonda ūnisog ōvun nimo tavsogi enirora,

⁵⁴mirora dūmovkirĭtwi mūsepen tagkelora mūmōkū, Yemnēa imo nōĭntanwi mimosū ōvun numpūrah horog eni neteme mori?

⁵⁵Iyi netni eni karpenter kū? Nin dĭneme eni Mēri, kū? Im ravensĭeme Yakōbō, Im Yoses, ĭm Sīmon, ĭm Yūdas, kū?

⁵⁶Im reveveneme dal kos kū? Miyi yivĭ imosū omwisū ia? irora dūtūtarūgi iyi aremi.

⁵⁷Kō Iesū yemenūwi punora memokū, Umesese ūnĭpmi sī profetkō tawi sugkū ra nūrū eni meniwi. Miyi yetūumpi sikat

⁵⁸ōvun numpūrah horog yūi popōwo irora dūtūtavnirĭgi aremi.