Read Sie Matiyu 14 Bible Online

Matiyu 14 - Sie bible

Matiyu 14

¹Ra imo nempugon Herod teterark yemorĭgi narĭgi Iesū, memenūwi punora ōvun lĭvsaū eni memokū,

²Imo Yōane baptisō ovsorasah marugi nemas, ĭm pōpowo imo sugkū, iyi umnumpi ōvun numpūrah horog.

³It Herod yepme lekavi Yōane mēeti memsumpat ūnisog nimo nugkugko popōwo ugi Herodias retepon eni Fĭlĭp avensi eni;

⁴ĭt Yōane yemenūwi pugi memokū, Tawi sugkū selnivi nam ma kĭk emampī iyi;

⁵miyi yemakiugi woretalugi, kō yemtetokonda ōvun numpūn lō mori dūmōkū iyi si profet.

⁶Im pol sugkū dūontemi dan numprokomol eni Herod, netni ītnasiven eni Herodias yemempekō ūnimĭnda ĭm

⁷Herod yemavos memenūwi nam ūnam memokū ampugi sī en tie sī iyi yemakīugi.

⁸Im dĭneme eni yepmenūavsogi, miyi yemenūwi memokū,

⁹Ovo yaū ĭgko ra sī plēt, numpūn eni Yōane baptisō. Miyi teterark yemorĭgi sat tamas, kō popōwo ugi nam ūnam, mugi irora mori dūmūtesĭgi dal iyi, iyi yempasewugi memokū wampugi.

¹⁰Miyi yemtamūli memtantevi numpūn eni Yōane ūnisog nimo nugkugko;

¹¹yemuriuki numpūn ra plēt movugi ĭtnumpokon; miyi yemuriuki pugi dĭneme.

¹²Mōvun nūrie eni dūmūve mūmūriuki nokolĭsiran mūmūtenemi mōinūve worenūwi pugi Iesū.

¹³Im pol sugkū Iesū yemorĭgi iyi yemōwi nūrū yūi ra bōt, mempe ra sĭ nūrū wokon, iyi ko sĭ, mov numpūn lō dūmūrĭgi mūmūri ra selat, mūmne ra ōvun sĭti.

¹⁴Im Iesū yivelum memokesora sĭ numpūn lō tamas, memtogesovelora memumkororĭgives ōvun namarat.

¹⁵Ovun nūrie eni dūmūvelum pugi pōarap mūmūnūwi mūmōkū, Nūrū ĭgko nūrū wokon, pōaraparap marima, tamūlora numpūn lō mampe ra ōvun nimote worevasĭgi nevag nĭsekonda.

¹⁶Im Iesū yemenūwi punora memokū, Irora ūtūampe; ūvunora nevag, kĭmi.

¹⁷Mirora dūōmūnūwipūgi mūmōkū, Tawi nevag enugkam ĭgko yōūp sūkrĭm ĭm nomū endūrū wokon.

¹⁸Miyi yōmenūwi memokū, Uviĭmpelum poyaū,

¹⁹Miyi yemenūwi ma ōvun numpūn lō wontesep ūnovo, miyi yempĭ yōūp sūkrĭm ĭm nomū endūrū mori, memelasah ūnpokūp, memumpalugi, memorūsevi memovunora ōvun nūrie eni, mōvun nūrie dūmūtavūrakwokonda ōvun numpūn lō.

²⁰Mirorasū dūmoni, yemtalira; mirora dūmūsemsimugi ōvun nevlugkon nevag mūmevĭ vēyū twelv.

²¹Irora mori dūmoni sugkū ōveteme fiv taūsan, mōvasiven movalalaū mōmū dal.

²²Marimago Iesū yemtelielora ōvun nūrie eni memokū irora wampe ra bōt mūpmampūm iran nugkonnūmpe miyi ontamūlora ōvun numpūn lō mampe.

²³Im pol sugkū iyi yemtamūlora ōvun numpūn lō, yive, iyi ko sĭ, ra numpūo worufwaki; yemalebōkwi, miyi yūi, iyi ko sĭ.

²⁴Kō bōt mori ĭlepalam memsēōp ugi nĭmpiaū; ĭt irora dūsē nĭpmi nemetagi.

²⁵Yumti naūvetavū ĭm Iesū yive punora memavan ran tan tok;

²⁶mōvun nūrie dūmōkesi yimnavan ran tan tok dūmūyōmpeli, mūmūnūwi mūmōkū, Sĭ natemas; mirora dūmasorasah popōwo ugi nemetet.

²⁷Marimago Iesū yemenūwi punora memokū, Wavos; yaū, ūtūmtetugi.

²⁸Im Piter yemtamsi memenūwi pugi memokū, Novsūromon, nagkū kĭk, ampasewokoyū magkū, ya ampelah punok ran tan tok.

²⁹Miyi yemenūwi memokū, Elum; ĭm pol sugkū iyi yemyep yemne ra bōt Piter yemavan ran tan tok woreve pugi Iesū;

³⁰kō pol sugkū yemokesi nemetagi horog yemtetugi memati potni worumkon; miyi yeino-vrugisah memenūwi memokū, Novsūromon, eviyaūēō-wara.

³¹Im Iesū yēevan ĭtnum memelekavi iyi, memenūwi pugi memokū, Tavniri ūrekis; koketevrevorūwi irantie?

³²Im pol sugkū irora dūmūsuki bōt yemeti nemorinū. Mirora ra bōt mūmūvelum mūmūteveta

³³iran, mūmūnūwi mūmōkū, Itnesog, Kĭk Netni eni Nōbū. Mirora dūmūve nugkonnūmpe,

³⁴ra nūrū Kenesaret; mōveteme yūi dūmōkili iyi,

³⁵mūmūtamūlora ōveteme ra nūrū sū yūi mūmūtorora ōvun namarat omwisū pugi;

³⁶mirora dūmovrugi iyi mūmūnūwi mūmōkū, dūmakĭugi woresugkori wokon navlūtni semplaūon eni; dūmumkororĭgives mori sū dūmūsugkori.