Read Sie Matiyu 15 Bible Online

Matiyu 15 - Sie bible

Matiyu 15

¹Mōveteme Somūl, mōvun Faresi dūmne ra Yerūsalem, mūmūvelum pugi Iesū mūmūnūwi mūmōkū,

²Ovun nūrie enugkĭk ūmnareki nam enirora ōvun ūvūmle, irantie? ĭt irora ūtūmampūm marakilen pol sugkū amagkū woneni yōūp.

³Miyi yemtamsi memenūwi punora memokū, Im kĭmi kūmnareki selnivi nam eni Nōbū ugi nam alam enugkĭmi irantie.

⁴Nōbū yempasewugi memokū, Sendiukives itemen kĭk, ĭm dĭneme kĭk; miyi sĭ umesendōkia iran ĭtemen kū dĭneme, aremi iyi amas.

⁵Kō kĭmi kūtnanūwi mūmagkū, Iyi sĭ anūwi pugi ĭtemen kū dĭneme magkū, Pe tumrora, kū yaū nesitū ugi irami; miyi otūmasendiukives ĭtemen eni kū dĭneme eni,

⁶ĭm kimi kūmuntampnemugi nam eni Nōbū ugi nam alam enugkĭmi.

⁷Ovun nĭmpiri, Isēya yepmenūwives memokū ugi kĭmi,

⁸Imo netevokontū umnumpotipot irag ugi naveranda mūmusendiuki irag ugi nokolugūnda, kō nōwanda isūt maroko yaū.

⁹Irora umenteveta wokon irag mūmūtavsogi ōvun nempasewugi enirora ōveteme.

¹⁰Miyi yemovrokonda numpūn lō memenūwi punora memokū, Urĭgi mūkili;

¹¹imo mori neteme umantipe ra naveran eni otūmnumpi iyi nelĭlūo; kō imō mori umamne ra naveran eni umnumpi neteme nelĭlūo.

¹²Mōvun nūrie eni dūmūvelum mūmūtagkeli mūmōkū, Kĭk orĭgi kū; ōvun Faresi ūrĭginam mori mūmalokoiwi.

¹³Miyi yemtamsi memenūwi memokū, Nēsū Itemen yaū ūnpokūp yetūmnōwi, wamsi.

¹⁴Uwi irora ōvun tavsogi nĭmtēi, ĭm nagkū ōvun nĭmtēi wontorora ōvun nĭmtēi, wamol dūrūsū ra nokol.

¹⁵Im Piter yemtamsi memenūwi pugi memokū, Tavsogkam ugi imo parabol.

¹⁶Im Iesū yōmenūwi memokū, Im Kĭmi kūmamgiugi kū?

¹⁷Kūtūmagkili ma imosū umampi ūnisog naveran umēyep ūnetnĭn mōmentafugi ra nem piliora, kū?

¹⁸Kō imosū mori umamne ra naveran ūpmamne ra nōwan, mimosū mori umnumpi neteme nelĭlūo.

¹⁹Imosū umamne ra nōwan, tarūsū sat, ĭm temelemel ĭm tampalaū, ĭm tumpugon, ĭm numprok, ĭm tesūi namlĭ, ĭm nam sat; imosū mori, umnumpi neteme nelĭlūo;

²⁰kō woreni ugi nokoven otūmarakilen, otūmnumpi neteme nelĭlūo.

²¹Im Iesū yemōwi nūrū yūi mempe ra nūrū Tīr ĭm Sīdon.

²²Im sī nasiven Kēnan mori yemne ra nūrū yūi yivelum memovrugisah iyi memenūwi memokū, Novsūromon, Netni eni Dēvĭd, togesoveli irag, netni ĭtnasiven enyaū, sĭ naviatĭndi umnelĭleki iran tamas.

²³Miyi yetūnūwi sĭ nam pugi. Mōvun nūrie eni dūmūvelum pugi mūmūnūwi pugi mūmōkū, Tamūli iyi pelah, ĭt iyi umamperugkos.

²⁴Miyi yemtamsi memenūwi memokū, Yemtamūli yaū punora ōvun pugipugi neviugki ra ōveteme Isrēel.

²⁵Kō ĭtnasiven yivelum mementeveta iran, memenūwi pugi memokū, Novsūromon, avoro yaū.

²⁶Miyi yōĭmtamsi memenūwi memokū, Tawi aremi worevĭ yōūp enirora ōvalalaū menovkisep punora ōvuri kūri.

²⁷Miyi yōmenūwi memokū, ĭtnesog, Novsūromon, kō ōvun kūri ūmneni namen nevag umaserem marugi ōvun nevlok enirora ōveteme.

²⁸Im Iesū yōĭmtamsi memenūwi pugi memokū, Nasiven, tavniri enugkĭk horog; aremĭ meti iram sugkū kemnakĭugi. Marimago yemeti horĭ-gives netni eni.

²⁹Im Iesū yemōwi nūrū yūi memavango ūntok Kalĭli memsah ra numpūo memetesep,

³⁰yūi Mov numpūn lō sikat dūmūvelum pugi, ĭm dal irora, ōvun nōetet, mōvun nĭmtēi, mōvun nōwampat, mov nokovumti, ĭm sikat mōmū, mūmūtipe irora mori ra nōwon eni esū, miyi yemumkororĭgives iranda.

³¹Mov numpūn lō dūmovkerĭtwi pol sugkū dūmōkesora ōvun nōwampat dwam, mov nokovumti horĭgives wokon, mōvun nōetet dūmavan mōvun nĭmtei dūmōkesi mirora dūmūvietevisep Nōbū eni Isrēel.

³²Im Iesū yemovrokonda ōvun nūrie eni memenūwi punora memokū, Ya umentogesovelora ōvun numpūn lō ĭt irora dal yaū dan desel ĭm tawi nevag enirora; ĭm ya otūmagkū mentamūlora umuntemas kū entawi wontaranōiora ra selat.

³³Mōvun nūrie eni dūmūnūwi pugi mūmōkū, Ia ka kelampī nevag ĭgko ra nūrū wokon, wontalira lō tamas.

³⁴Im iesū yemtagkelora memokū, Deve yōūp enugkĭmi? Mirora dūmūnūwi mūmōkū, Seven, mov nomū virok, tawi sikat.

³⁵Miyi yōmenūwi memokū ōvun numpūn lō wontesep ra nemap.

³⁶Miyi yivī yōūp seven, mov nomū mori, memumpalugi, memorūsevi, memovunora ōvun nūrie eni mōvun nūrie dūmūtavūrak wokonda ōvun numpūn lō.

³⁷Mirora sū dūmoni, yemtalira mirora dūmalekon ōvun nevlugkon nevag mori dūtūtampeli, mūmevī woretovi seven.

³⁸Mirora mori dūmoni sugkū fōr taūsan ōveteme, movasiven movalalaū mōmū dal.

³⁹Im pol sugkū iyi yemtamūlora ōvun numpūn lō iyi yemsuki bōt mempe ra nūrū Makdala.