Read Sie Matiyu 2 Bible Online

Matiyu 2 - Sie bible

Matiyu 2

¹Im pol sugkū Iesū yemumprokomol ra Betlehem ra Yūdia, ran dan sū eni Herod Natemonōk ra nūsian, ōvetemo Dōintanwi dūmūvelum dūmne ūnūrū, ra Yerūsalem mūmūnūwi mūmōkū,

²Yēi iyi mori umprokomol Natemonōk ra nūsian enirora ōveteme Isrēel? ĭt ka kelokesi mosi eni ūnūrū ĭm livelum woretĭvĭta iran.

³Im Herod netemonōk mori yemorĭgi memyēōpeli, mom-wisū ra Yerūsalem dal iyi, memsemsimokonda ōvun potni sakrefĭs, mōvun somūl ra netevokontū, memtag-kelora memokū,

⁴Ia Krĭsto amprokomol ia?

⁵Mirora dūmūnūwi pugi mūmōkū, Ra Betlehem ra Yūda:

⁶ĭt iyi profet yepmetīyi nam sugkū memokū, Im kĭk Betlehem ra nūrū Yūda tawi novsĭrian ĭlebōteven ōvun nivūo ra Yūda; popōwo amne marug kĭk sĭ nivūo mori onovsūromon netevokontū enyaū Isrēel.

⁷Im Herod yemoropon ovrokonda ōveteme nōintanwi memorūn tagkelora ugi nempugon mosi yemumproko-tūretumpeni;

⁸memtamūlora ra Betlehem, memenūwi memokū, Uve mūsorugi nalaū mori ĭtevaū, ĭm pol sugkū kūmagesi, ūvelum mūnūwi poyaū ma ya ampe sugkū mentĭvĭta iran.

⁹Mirora dūmūrĭgi nam eni Natemonōk mori mūmūve; ĭm mosi mori irora dūpmōkesi ūnūrū yemōbūm iranda mefeli nempugon yivelum memevietūrū ran tan nūrū mori rfalaū yemalēwi.

¹⁰Im pol sugkū irora dūmōkesi mosi mori dūmūvokotekat ugi navos tamas;

¹¹ĭm pol sugkū dūmūve ūnjsog nimo dūmōkesi nalaū mori ūndū Mēri dĭneme eni, mūmokolugi nimĭda, mūmūtĭvita iran, mūmūtĭpelah woretatevote enirora, mūmūtalokugi ōvun ĭtemas pugi, kold, Im dumpon nempeneves, ĭm nagĭ aremĭ;

¹²ĭm Nōbū yemsemevsi punora ugi nemeviak woretūtorĭleki pugi Herod, mirora dūmūve enirorawi ra selat sĭ.

¹³Im pol sugkū irora dūmūve pelah sĭ nagelō eni Novsūromon yōĭmpelum pugi Yōsef ra nemeviak mōmenūwi memokū, Etūok ĭm pī nalaū ĭm dĭneme eni malō ra Ityĭp metendōwi yūi afeli nempugon ya ōmanūwi punok, ĭt Herod emagkū memnesorugi nalaū woretalugi iyi.

¹⁴Miyi yemtūok ĭm pī nalaū mori ĭm dĭneme eni, nempugon pūmrok, mōĭmpe ra Ityĭp;

¹⁵memetendōwi yūi mefeli nempugon Herod yimas, worokompeli nam eni Novsūromon mori profetyepmenūwi memokū Yaū movrugi Netūg marugi Ityĭp.

¹⁶Im pol sugkū Herod yemorĭgi ma ōveteme nōĭntanwi dūarekĭgi nam eni iyi yemarakī tamas, memtamūlora, memtalokonda ōvalalaū ĭtovateman omwisū ra Betlehem, ĭm nūrū sū nagkaūugi mori nevi dūrūgo iranda, sugkū ugi nempugon iyi vepmorūn tagkelora ōveteme nōĭntanwi ugi.

¹⁷Yemampesog nam Yeremĭa profet yepmenūwi memokū,

¹⁸Dūmūrĭgi nasora ra Rama, tugageri, ĭm nakūrĭm norĭgumpūnū tamas; Ratyel yemtugi ōvun netnime eni metūakīūgi ma sī ontĭ nōwan popōwo tawi irora.

¹⁹Im pol sugkū Herod yimas sĭ nagelō eni Novsūromon yōĭmpelum pugi Yōsef ra Ityĭp ra nemeviak mōmenūwi memokū, Etūok ĭm pi nalaū mori,

²⁰ĭm dĭneme eni meve ra nūrū Isrēel, ĭt irora dūmas mori dūmosorugi nalaū woretalugi iyi.

²¹Miyi yemtūok ĭm pĭ nalaū ĭm dĭneme eni moĭmpe ra nūrū Isrēel;

²²kō pol sugkū yemorĭgi nam ma Arkelaus yemnari ra Yūdia tampenum eni Herod ĭtemen eni, iyi yemtetugi woreve yūi; ĭm Nōbū yomesemevsi pugi ugi nemeviak miyi yive ra nūrū Kalĭli,

²³mevelum metendōwi ra sĭ nemōte nin Nasaret worampesog nam ōvun profet dūpmūnūwi mumokū, Ōveteme wanūwi magkū, Iyi neteme Nasaret.