Read Sie Matiyu 27 Bible Online

Matiyu 27 - Sie bible

Matiyu 27

¹Prūbokom ovun tavsogi tumpora, movun Talam, irorasū, dūmaūor ugi Iesū, mūmōkū wontalugi;

²mirora dūiti mūmūtōri pelah, mūmūtenĭmpe pugi Pontius Pīlat, Natemonok.

³Im Yūdas, mori yempirĭgi iyi, pol sugkū yemokesi ma irora dūmūnūwi nam mūmōkū wontalugi, yemorĭgi sat tamas, memefitorĭleki muni ovun peni wun hunder ĭm fĭfti mori punora ovun tavsogi tumpora,

⁴movun Talam, memenūwi pun ora memokū, Ya umnoworepatevi, ĭt ya ompirĭgi iyi mori tanepo wokon ĭm aremi ĭndōwi.

⁵Mirora dūmūnūwi mūmōkū, Worowo iramam? Ipe kĭk! Miyi yemelasevugi muni mori ūnisog nimo tumpora mempe, memesepen nelekiwan.

⁶Movun tavsogi tumpora dūmūvī muni mori mūmūnūwi mūmōkū, Tawi sugkū selnivi nam woretipe mori ra mumpon woretavĭnapon tumpora, popōwo nĭpmi de.

⁷Mirora dūmaūor ugi, mūmūvasĭgi muni mori, nūrū eni neteme poter, mūmōkū wontenemi yūi ovun dōmō.

⁸Popōwo imo sugkū, oveteme dūmūnūwi mūmōkū nūrū mori, Nūrūn de; nin sugkū mefeli imo dan.

⁹Yemampesog ugi imo, nam mori Yeremĭa profet yepmenūwi memokū, Mirora wampĭ ovun peni wun hunder ĭm fĭfti,

¹⁰nĭpmi eni iyi mori dūmū wanūwĭgi, eni iyi mori oveteme Isrēel dūmū wanūwĭgi; mirora wampugi worevasĭgi nūrū eni neteme poter, sugkū Iyi Novsūromon yemenūwi po yaū.

¹¹Im Iesū yemetūrū ūnĭpmi eni Natemonok; miyi Natemonok yemtagkeli memokū, kĭk Natemonok ra nūsian enirora oveteme Isrēel, kū? Im Iesū yemenūwi pugi memokū, kĭk onūwi.

¹²Movun tavsogi tumpora, mōveteme Talam dūmūvievri iyi, miyi yetūtamsi.

¹³Im Pĭlat yōĭmtagkeli memokū, kĭk orĭgi imosū sikat irora ūtesūwĭ iram, kū?

¹⁴Miyi yetūtamsi, tawi sī nam; miyi Natemonok yemavlugi tamas.

¹⁵Im pol sugkū irora dūmumpi imo narĭgari, nevisū, iyi Natemonok yemorūn nesūli sĭ neteme yemeti, sī kū sī nĭsekonda mori irora dūmōkū ugi.

¹⁶Im ra nempugon mori yepmēti sĭ neteme, nin eni Barabas; irora sū dūmūkili iyi.

¹⁷Im pol sugkū dūmūsepen semsimokonda sū, Pĭlat yemtagkelora memokū, kūmagkū ya osūli nĭsekomi itokowo, Barabas, kū Iesū, nalĭg eni Krĭstō?

¹⁸It iyi yemokili ma irora dūmempirĭgi iyi popōwo ugi noworemi sat.

¹⁹Im pol sugkū iyi yemetesep ran tan potnumpūtūo nūrian, retepon eni yemtamūli nam pugi memokū, Etū-umpi sī en tie sĭ iran imo neteme tanepo, ĭt ya orĭgi ovun nesorū sikat ra nemeviak enyaū irē popōwo ugi iyi.

²⁰Kō irora ovun tavsogi tumpora, movun Talam, dūinūsendovotni ovun numpūn lō ma sugkū irora wonesenĭgi Barabas, montalugi Iesū.

²¹Miyi Natemonok; yōĭmtagkelora memokū, kūmagkū ya osūli nĭsekomi Itokowo ra irora dūrū? Mirora dūmūnūwi mūmōkū, Barabas.

²²Pīlat yemtagkelora memokū, Im ya onumpi tie ugi Iesū mori nalĭg eni Kristo?

²³Mirora sū dūmūnūwi pugi mūmōkū, Talugi iyi ra nēūmparum. Miyi Natemonok yōĭmtagkelora memokū, Irantie? Iyi umpi tie? Kō irora dūōmūnūwisah mūmōkū, Talugi iyi ra nēūmparum.

²⁴Im Pĭlat pol sugkū yemokesi ma iyi yematekĭsah wokon, im yematipotni nesesaū, yivi nū, morokilen ūnimĭnda numpun lō, mōmenūwi memokū, Ya otū warepatevi ugi de eni imo neteme tanepo wokon: enugkĭmi kimi.

²⁵Im lō omwisū dūmūnūwi mūmōkū, Ovūlokam ugi de eni, mōvnetemami.

²⁶Miyi yemsūli Barabas nĭsekonda; movselatevi Iesū, memtenĭmpe woretalugi ra nēūmparum.

²⁷Mōveteme ūbrami eni Natemonok dūmūvĭ Iesū, mūmūve ūnisog sī siman lō, mūmūtōrora ovun numpūnaranda pugi.

²⁸Mirora dūmūtūvwi nemas eni, mūmūvĭugi semplaūon navilara.

²⁹Mirora dūmūvi ovun nemrataū mūmūitĭgi numpūwavekōra ūnumpūn mūmūtipe deniūg ra nokoven meves eni, mūmūsē numpūneteranda ūniprni eni, mūmagepĭ iran, mūmūnūwi mūmōkū, Kĭk e paū Natemonok enirora oveteme Isrēel!

³⁰Mirora dūmūtūvani iran mūmūvī parugi deniūg, mūmūrunūtĭ numpūn.

³¹Im penūri dūmagipi iran, dūōmūtūvwi semplaūon, mōmeviugi ovun nemas eni, mūmūtōri pelah woretalugi ra nēūmparum.

³²Im pol sugkū irora dūmprokeve dūmōkesi sī neteme Sīrenia, nin eni Simon, mūmūtelieli iyi mūmōkū iyi andiuki nēūmparum eni.

³³Mirora dūmūvēlum mefeli nūrū Kolkota, fan nam,

³⁴Neven-nuki numpūn, mūmūvugi nū nakan ĭm nimonū ūnisog, woremoneki, miyi yemtegavwi, kō yetūmoneki.

³⁵Mirora dūmūteri iyi ra nēūmparum, mūmūtavūrakwokonda ovun nemas eni, mūmasenduri lot ugi, mūmampesog nam moriprofet yepmenūwi memokū, Irora wontavūrakwokonda ovun nemas enyaū, memasenduri lot ugi semplaūon enyaū.

³⁶Mirora dūmūtesep mūmūsugkelōwi iyi yūi;

³⁷mūmūtipe ūnumpūn imo netiyi ugi nevievri iran; Imo Iesū Natemonok enirora oveteme Isrēel.

³⁸Mirora dūmūteri dūrū ovun neforugi ra ovun nēūmparum dal iyi, sī ra nokoven meves ĭm sī ra moor.

³⁹Mōveteme mori dūmavango ūselat dūmūvriuri iyi, memawi numpūnda, mūmūnūwi mūmōkū,

⁴⁰Kĭk mori mokū ontasi nimo tumpora, mōmenumpi ra dan desel ovkĭkēōwara; nagkū kĭk Netni eni Nōbū, yep marugĭ nēūmparum.

⁴¹Mōvun tavsogi tumpora, mōvun Somul, mōvun Talam, sugkū, dūmagipĭ, mūmūnūwi mūmōkū,

⁴²Iyi yumkorēōwara ōveteme; miyi tawi faneteme woresepen eviēōwara iyi. Nagkū iyi Natemonōk enirora ōveteme Isrēel, aremĭ iyi mēyep marima marugi nē ūmparum, ĭm kos kelentavnirĭgi iyi.

⁴³Iyi yemtesūo iran Nōbū; marima aremĭ Iyi osemsempari iran nagkū Iyi umnakĭugi iyi; ĭt iyi yenūwi memokū, Yaū Netni eni Nōbū.

⁴⁴Mōvun neforugi mori dūmūteri dal iyi dūmūnūwi mūmōkū sugkū.

⁴⁵Marugi pōakas-pōakas mefeli ra pōarap, nelebōkevat yemetendōwi ra nūrūsū.

⁴⁶Im pōarap Iesū yemovrugisah gi nasora tamas memenūwi memokū, Elī, Elī; lama sabakthani? fan nam mori, Ah Nōbū ēnyaū; ah Nōbū enyaū, Kĭk ōwi yaū irantie?

⁴⁷Nugkoneme mori dūmūtūrū yūi dūmūrĭgi mūmūnūwi mūmōkū, Iyi umamperugi Elĭya.

⁴⁸Marimago sī ra irora yemovugovag mempī namtimte memtavioku i ra vĭnekar memetipe ra deniūg memovugi woromoneki.

⁴⁹Kō nugkoneme dūmūnūwi mūmōkū, Owi lap; kos lokesi lap nagkū Elĭya ampelum, mampiēōwara iyi.

⁵⁰Iesū yōmssorasah gi nasora tamas memtenĭmpe naviat eni.

⁵¹Im pah, nemas woreseni ūnisog nimo tumpora yemtevaseri, nugkon dūrū, yemne ĭmĭlūo m yep ra nesep.

⁵²Mōv nokol ra ōvun velitenemi dūmūtĭpelah, mōv nokolĭsiranda ōvun tumpora mori dūpmas dūvsorasah,

⁵³mūmūwi ōvun nokol penūri nevsorasah eni, mūmūve ra sĭti, mōmūtūratumpeni punora ōve eme sikat.

⁵⁴Miyi Sentūrion, mirora dal, mori dūmavles ugi Iesū, pol sugkū dūmōkesi nomiok, ĭm tiamesū mori dūmūtepū, irora dūmūvekōrekōra, mūmūnūwi mūmōkū, Itnesog, Imo Netni eni Nōbū.

⁵⁵Mōvasiven sikat dūmūsugkelōwi yūi isūt, mori dūmūri Iesū marugi Kalĭli mūmuntorugat iran;

⁵⁶dal irora Mēri Magdalini, ĭm Mēri dĭneme Yokōbō ĭm Yoses, ĭm dineme ōvun netnime eni Sepedi.

⁵⁷Pōarap arap sī neteme Arimatia, nin eni Yosef, neteme nōete, miyi sĭ ra irora ōvun nūrie eni Iesu;

⁵⁸iyi yive pugi Pīlat memsenĭgi nokolisiran eni Iesu. Im Pīlat yemenūwi memokū wampugi no olĭsiran mori.

⁵⁹Im Yōsef yivī nokolisiran, memovsen ugi némas lĭnen sentevives, memetipe ra veli velitenemi Itevaū eni, mori iyi yepmurevi ra vetūnam nisekon;

⁶⁰miyi yemevolevoli nūsian nevat ra nogūn veli mori, mempe.

⁶¹Im Mēri Magdalini, Im Mēri sĭ, dūmūtesep yūi ra nokoren mavrempora.

⁶²Dan penūri daneworūm, ōvun tavsogi tumpora, mōvun Faresi dūmūsepen semsimokonda, mūmūve pugi Pīlat mūmūnūwi mūkōmū, Natemonok, ka kĭmlenentemi ma iyi neteme nempiri mori, yemenūwi,

⁶³pol sugku iyi yetūmas, memokū, Penūri dan desel ya ōmamsorasah.

⁶⁴Enūwi nam wosumpat nugkugko veli afeli dan deselugi, kū entawi ōvun nūrie eni wampelum pūmrok monumprokugi iyi, manūwi punora ōvun netevokontū magkū, Iyi ovsorasah marugi nemás; Im imo namli ra nisah anti mōmū ĭteobuki ra nōbūm.

⁶⁵Pīlat yemenūwi punora memokū, Oveteme navles enugkĭmi; ūve mūfĭntesū sugkū kūmagkū ugi.

⁶⁶Mirora dūmūve mūmūsumpat veli velitenemi nugkugko, mūmūvūli nevat ra nogūn selat, mūmūtipe oveteme woravles.