Read Sie Matiyu 4 Bible Online

Matiyu 4 - Sie bible

Matiyu 4

¹Miyi Naviat mori yemtori Iesū ra nūrū wokon ma sugkū Diabolō ontapmi iran.

²Miyi yetūoni nevag dan sū fortiĭm pūmrok sū forti, ĭm penūri iyi yemtemas.

³Im neteme tapmi yivelum pugi memenūwi memokū, Nagkū kĭk netni eni Nōbū enūwi ma imo nevat sū meti yōūp. Kō Iyi yemtamsi memenūwi memokū,

⁴Yep-metĭyi memokū, Neteme otū atnūrep ugi yōūp wokon Kō ugi nam umamne ra naveran eni Nōbū.

⁵Im Diabolō yemtōri iyi ra sĭti tumpora memetipe iyi ran tan nevlokon nimo tumpora,

⁶mōmenūwi pugi memokū, Nagkū kĭk netni eni Nōbū esepen nomol marugi ĭgko, ĭt yepmetīyi memokū, Iyi onempasiwo-konda ōvun angelō eni wugkĭk, mirora wamplūsesūak ugi nokovenda ma kotū ontĭ nōwom ra nevat.

⁷Iesū yōmenūwi pugi memokū, Yepmetīyi memokū, Owi kĭmentapmi Iehōva Nōbū enugkĭk.

⁸Im Diabolō yōemtōri iyi memsah ra sĭ numpūo tantevakepe memsesi pugi lōsū lōsū ĭm tiamesū nilasilaswi enirora, momenūwi pugi memokū,

⁹Imosū omwisū ya ampunok nagkū kĭk amol menteveta irag.

¹⁰Iesū yomenūwi pugi memokū, Eve pelah Sētan; ĭt yepmetīyi memokū Iehōva Nōbū enugkĭk konteveta iran, miyi wokon kontorugat iran.

¹¹Im Sētan yemōwi mempe, mōvun agelō dūmūvelum mumutorugat iran.

¹²Im pol sugkū Iesū yemorĭgi nam dūmempirĭgi Yōane iyi yive ra Kalĭli,

¹³memōwi Nasaret mempelum meten-oōwi ra Kapernaum ran telugon tok ra nokoren nūrū.

¹⁴Sebūlon ĭm Naftalĭ, worampesog nam Isēya profet yep-menūwi memokū, Nūrū Sebūlon ĭm nūrū Naftalĭ,

¹⁵ra selat wun tok nugkon-nū-mpe Yordan, Kalĭli, yūi lōsū ōvun nelebōkevat;

¹⁶netevokontū mori dūmūtendōwi ra nelebōkevat dōkesi Sĭ Nilara tamas, ĭm nilara woselĭ iranda mori dūmūtesep ra nūrū ĭm namolen nemas.

¹⁷Marugi imo nempugon Iesū yematipotni woretorenūwisah nam memokū, Uvīeves nōwami, ĭt lō ūnpokūp umpotipot.

¹⁸Miyi yemavango ra nokoren tok Kalĭli memokesora ravensĭeme ēndūrū, Sĭmon, nalĭg eni Piter, ĭm Anderū, avensĭ eni, dūmūtipe nokopon enirora ran tok, ĭt irora dūti ōveteme nesorugi nomū.

¹⁹Miyi yemenūwi punora memokū, Uvelum mūri yaū, ĭm ya onumpi kĭmi worevī ōveteme.

²⁰Marimago irora dumūwisep ōvun nokopon enirora mū-mūri iyi.

²¹Miyi yōmavan memokesora ravensĭeme endūrū mōmū, Yakobo netni eni Sepedi, ĭm Yōane avensī, ra lō dal Sepedi ĭtemenda, dūmselevlevi ōvun nokopon enirora, memovrokonda.

²²Marimago irora dūmūwi lō mĭtemenda mūmūri iyi.

²³Im Iesū yemnavan magkaū mevtĭt Kalĭli omwisū, memtavsokonda ūnisog ōvun nimo tavsogi enirora, metntorenūwisah nam navosavos ugi lō, memumkorori-gives ōveteme marugi ōvun namarat, mov nesorūsū enirora.

²⁴Im narĭgi yemekompelĭgi nūrū sū Sĭria, mirora dūmandiuki pugi ōveteme mori dūmūvī ōvun namarat mōvun nilaswoni sikat iranda; mirora mori mōvun naviatĭndi dūmūve iranda, mōveteme nemlū, mōveteme neturumurō, miyi yemumkororĭgives.

²⁵Dūmūri iyi ōvun numpūn lō sikat mori dūmne ra Kalĭli, ĭm Dekapoles, ĭm Yerūsalem, Im Yūdia, ĭm nugkon-nū-mpe Yordan.