Read Sie Matiyu 8 Bible Online

Matiyu 8 - Sie bible

Matiyu 8

¹Im pol sugkū iyi yemyep yemne ra numpūo ōvun numpūn lō sikat dūmūri iyi.

²Im sĭ neteme lepros yivelum potipot memtevita iran memenūwi memokū, Narisah, nagkū kemagkū kĭk faneteme woresendumsi irag.

³Im Iesū yēevan memsugkori iyi memnūwi memokū, Ya umagkū, Eti kĭk setevives; marimago yetepū sentevives marugi lepros eni.

⁴Im Iesū yōmenūwi pugi memokū, Orĭgi; etūtampĭgi pugi sĭ; ko eve mesepen sesi kĭk pugi neteme sakrifis, movugi ĭtemas mori Mōses yepmempasewugi numpūvsok iranda.

⁵Im pol sugkū Iesū yintorĭmpe ra Kapernaum sĭ sentūrion yivelum pugi memesenĭgi memokū, Narisah, lĭvsaū enyaū umnalē ra nimo ugi neturumurō, ĭm nelĭleki tamas iran.

⁶Im Iesū yemenūwi pugi memokū,

⁷Ya ampe menumpi iyi horĭgives.

⁸Miyi sentūrion yemtamsi memenūwi memokū, Narisah, yaū tawi aremĭ ma kĭk ampelum ūnisog nimo enyaū, kō enūwi sĭ nam ĭm lĭvsaū enyaū anti horĭgives.

⁹It yaū sugkū, yaū neteme horog, mōvun umpako enyaū, ĭm ya umnempasewugi sĭ memagkū, Eve, miyi umampe; ĭm pugi sĭ, Elum, miyi umampelum; ĭm pugi lĭvsaū enyaū, Umpi imo, miyi umnumpi.

¹⁰Im Iesū yemorĭgi memavlugi memenūwi punora mori dūmūri iyi memokū,

¹¹Itnesog, ya umanūwi pugkūm memagkū, sikat wampelum wamne ūnūrū, ĭm neloompeni, montesĭgi dal Ebraham, ĭm Isak, ĭm Yakob, ra lō ūnpokūp;

¹²kō ōvun netnime ra lō mori wosatevokonda ratilat ra nelebōkevat ĭndōwi, yūi wuntugagerisah ĭm neltirit nugū.

¹³Im Iesū yemenūwi pugi sentūrion memokū, Eve; koketavnirĭgi meti nĭsekom sugkū; marimago lĭvsaū eni yivĭ horĭgives.

¹⁴Im Iesū yive ūnisog nimo eni Piter memokesi dĭneme eni retepon yalē ugi naūwaū.

¹⁵Miyi yemelekavi nokoben ĭm naūwaūyevia, miyi yōemtūok memtorugat iranda.

¹⁶Im pōarap irora dūmūtori pugi sikat mov naviatĭndi dū-mūve iranda, miyi yemetevelegunora ōvun naviatĭndi ugi sĭ nam memumkororĭgives ōvun namarat omwisū; worampesog nam Isēya profet yepmenūwi memokū,

¹⁷Iyi yesepen nevĭ ōvun netūromorō enugkos iran, memuriuki ōvun namarat enugkos.

¹⁸Im Iesū yemokesora ōvun numpūn lō sikat dal iyi memenūwi memokū iyi ampe nugkonnūmpe.

¹⁹Im sĭ neteme somūl yive pugi memenūwi memokū, Tavsogi, ya onūrok ra nūrū sĭ kū sĭ kemagkū kampewi.

²⁰Im Iesū yemenūwi pugi memokū, Ovun nelni enirora ōvun fokes mōvun sumpelok enirora ōvun menōk ūnēĭ, kō tawi sĭ nūrū eni Netni eni neteme woretipewi numpūn.

²¹Im sĭ mōmū ra irora iyi yemtavsokonda yemenūwi pugi memokū, Narisah, tenĭmpe yaū mampūm, yo eve ĭm tenemi ĭtemen eyaū.

²²Im Iesū yemenūwi pugi memokū, Uri yaū aremĭ ōvun nemás wontenemi ōvun nemás enirora.

²³Miyi yive ra mumpon bōt, mōvun nūrie eni dūmūri; memetepū sempesempe tamas ran tok sugkū woreselug lō ugi nimpiaū; kō iyi yemalēpo.

²⁵Mōvun uūrie eni dūmūvelum tuūmōiugi, mūmūnūwi mūmōkū, Ah Novsū romon; umkamēōwara; kakelamas.

²⁶Miyi yemenūwi punora memokū, Kūmnemetet irantie? Ah Kĭmi entavniri ūrikis. Miyi yemtūok mevriuri nemetagi, ĭm tok, memetepū nemorinū wokon.

²⁷Mōveteme mori dumugkerĭtwi mūmūnūwi mūmōkū, Sugkū sie iyi mori, ĭt nemetagi ĭm tok umesendiuki nam eni?

²⁸Im pol sugkū iyi yive nugkonnūmpe ra nūrū enirora ōveteme Kerkesa, ōveteme endūrū dūvtĭt iran mov naviatĭndi dūmūve iranda, dūmne ūntenematemas mū mūmlū tamas, tawi sĭ faneteme woravanwi yūi.

²⁹Mirora dūmovrugisah mūmūnūwi mūmōkū, Kemagkū sie iramam? Iesū Netni eni Nōbū: Kokovelum worelaswonekam pol sugkū otū tanepūgon dan kū?

³⁰Im yūi momū isūt, sĭ semsimak ōvun numpekasi dūmtamtak;

³¹mov navatĭndi dūmosenĭgi mūmōkū, Nagkū kontevelegunekam tenĭmpe kam woreve ūnisog semsimak ōvun numpekasi.

³²Miyi yemenūwi punora memokū, Uve. Im pol sugkū irora dūmūve ūnisog ōvun numpekasi; pah, semsimak omwisū dūmalo ĭtnum mūiyep mūmol ūnoris ran tok mūmas ra nū.

³³Mōveteme mori dūmavugunora dūmmalō mūmūve ra nimote mūmūtampĭgi sū, niūmūnūwi mūmmōkū ugi mori yemumpi iranda ōveteme mov naviatindi dūmūve iranda.

³⁴Mirorasū ra nimote dūmūvelum ilat worevtĭt iran Iesū, ĭm pol sugkū dūmōkesi dūmūsenĭgi worōwi nūrūsū enirora.