Read Sie Mark 10 Bible Online

Mark 10 - Sie bible

Mark 10

¹Iyi yemtūok marugi nūrū mori, ĭm yive ra telugon Yūdia nugkon-ūmpe Yordan: ĭm sugkū sū yemumpi iranda, yemtavsokonda.

²Dūmūvelum pugi ōvun Faresi, dūmūtagkeli, Nam alam kū ugi sī woresatevugi retepon? dūmūtapmi iyi.

³Iyi yemtamsi, mō menūwi punora memokū, Sie yempasi-wugkūm ugi Moses?

⁴Irora dūmokū yemokū, worevugi netiyi ugi satevugi iyi, mōĭmsatevugi.

⁵Im Iesū yemtamsi mō menūwi punora memokū, Popōwo ugi nugkugko ūnōwami iyi yemotĭyi imo nam alam.

⁶Kō marugi natipotnin tiamesū Nōbū yemumpi irora ĭtnateman mĭtnasiven.

⁷Im popōwo pe sugkū sĭ neteme awi ĭteman ĭm dineme, mō mampelesi iran retepon eni;

⁸Im irora dūrū wante fan siteven: popōwo pe irora tawi dūrū mōmū, kō fan siteven.

⁹Popōwo pe sugkū, imo mori Nōbū yemavremugi etūtūvavwi ugi sĭ neteme.

¹⁰Im ōvun nūrie eni dūmūtagkeli ūnisog nimo ugi imo siame.

¹¹Miyi yemenūwi punora memokū, Iyi sī mori osatevugi retepon, mō menetovrugi sĭ mōmū, iyi ontampalaū.

¹²Im nagku sĭ nasiven osatevugiasūon, mōĭmpĭ sĭ mōmū, iyi ontampalaū.

¹³Im irora dūmūtori pugi ōvalalaū, ma iyi antipe nokoven iranda; kō ōvun nūrie dūmōnūwamwūs punora mori dūtnūtorora.

¹⁴Iesū pol sugkū yemokesi, yemarakī ugi, mō menūwi punora memokū, Utinĭmpe ōvalalaū worevelum poyaū, ĭm kūtū ūnūali irora: popōwo sugkū sū irora ra lō ūnpokūp.

¹⁵Itnesog yakum manūwi pugkūm memagkū, Iyi sī mori otū vī lō eni Nōbū sugkū sī nalaū virok, iyi otū mintorĭmpe mori.

¹⁶Miyi yemuriukisah irora ra nokoven, yemetipe nokoven iranda, mō ĭmpīeves irora.

¹⁷Im pol sugkū yive ūselat, sī yemalo pugi yumol ra numpon neterin, mōĭm tagkeli iyi memokū, Master aremi, yakonumpi sie ma yakampi nomūrep ovrūni?

¹⁸Iesū yemenūwi pugi memokū, Irasie kĭk ūmagkū yaū aremi? siteven aremi, mori Nōbū.

¹⁹Kĭk okili nam alam, Kotū mĭntampalaū, Kotū mĭntalugi, Kotū wonumprok, Kotū mĭntesūwī namli, Kotū mĭneforugi, Sendiukives ĭtemen-e-kĭk, ĭm dineme kĭk.

²⁰Iyi yemtamsi mōmenūwi num memokū, Narisah, imo sū omwisū yakum malekoleki marugi nimpugon yaū virok.

²¹Im Iesū yemokesi iyi, yemelintugi, mōmenūwi pugi memokū; Sie siteven kimetū umpi: eve, ĭmpasĭgi nōete omwisū enugkĭk, movunora ōvun norumkor, ĭm kĭk ampī nōete ūnpokūp: ĭm elum kĭk, vī nēūmparum, mūri yaū.

²²Miyi yemorĭgi sat ugi imo nam popōwo ĭt isen nōete tamas.

²³Im Iesū yemelagkaū iranda, yemenūwi punora ōvun nūrie eni memokū, Nugkugko iranda ōvun nōete worintorĭmpe ra lō eni Nōbū! Im ōvun nūrie dūmavlugi nam eni.

²⁴Kō Iesū yōĭmtamsi punora, Ovun tavniri memokū, nugkugko iranda mori umĭntesūwī ra ōvun nōete worintorĭmpe ra lō eni Nōbū.

²⁵Itemelepon ra kamel worintorĭmpe ra nelni nĭdel, mōmū ra neteme nōete worintorĭmpe ra lō eni Nōbū.

²⁶Im irora dūmavlugi tamas, dūmūnūwi punora, mūmokū, Im mē faneteme worevi nēōwara?

²⁷Im Iesū yemtopotnemora, yemenūwi memokū, Nugkugko ugi ōveteme, kō tawi nisekon Nōbū: popowo tiamesū omwisū ĭtemelopon iran Nōbū.

²⁸Im Piter yemenūwi pugi memokū, Pah, kam lowisep tiame sū, mō mūrok.

²⁹Im Iesū yemtamsi yemenūwi memokū, Itnesog yakum manūwi pugkūm memagkū, Tawi sĭ neteme yemowi wokon nimo, kū ravinsīme, kū ravevineme, kū itemen, kū dineme, kū retepon, kū ōvun netnime, kū ōvun nete, popōwo ugi yaū ĭm nam navosavos,

³⁰Kō iyi ampī ōvun hunder mōmū marima, ōvun nimo, ĭm ravinsīeme, ĭm ravevevineme, ōvun dineme, ōvun netnime, movun nete, ugi nesesaū; ĭm ra nimpugon mantilap nomūrep ūvrūne.

³¹Kō sikat ra nōbūm wanti ra nisah; ĭm irora ra nisah wanti nōbūm.

³²Im irora dūmūte ūselat, dūmūve Yerūsalem, ĭm Iesū yemōbūm iranda: ĭm irora dūmavlugi; ĭm irora dūmūri dūmetet. Im iyi yivi irora ōveteme twelv, mō matipotni woresesi punora ugi siame mori antepū iranda,

³³Memokū, Pah kos kelampe Yerūsalem; ĭm anti nimpirĭgi Netni eni neteme punora ōvun tavsogi tumpora, ĭm punora ōvun somūl; Im irora wanūwi nemas isen, mōĭmtinĭmpe iyi punora ovun Ityentĭls:

³⁴Im irora wan agepĭ iran mōĭm selatevi iyi, mōnetevani iran mōĭm talugi iyi; ĭm ran dan deselugi iyi amsorasah.

³⁵Im Yakōbō, ĭm Yōanē, ōvun netni eni Sebedi, dūmūvelun pugi, dūmokū, Master, ka kĭm nakīugi ma kĭk onumpi nisekomam sugkū nakīugi enugkam.

³⁶Im yemenūwi punora memokū, Tiekūm nakīugi yakonumpi nisekomi.

³⁷Im irora dūmūnūwi pugi memokū, Enūwi ma kakelentesep, sī ra nokūpmū mevis, ĭm sĭ ra nokūpmū moor, ra nilasilaswi enugkĭk.

³⁸Kō Iesū yemenūwi punora memokū, Kūmūtūkili imo mori kimi kūmūsenigi ugi: kĭmi faneteme woremoneki marugi kup mori yakum nemoneki marugi? ĭm worevi irami baptisma umbaptiso irag ugi?

³⁹Im irora dūmūnūwi pugi memokū, Kam faneteme. Im Iesū yemenūwi punora memokū, Itnesog kĭmi kwamoneki marugi kur yakum moneki; ĭm wambaptiso irami ugi baptisma umbaptiso irag ugi:

⁴⁰Kō woretesep ra nokovug mevis ĭm ra nokovūg moor tawi enyaū worevuora; kō anti novunora mori umsiman ugi.

⁴¹Im pol sugkū ten mori dūmūrĭgi, dumarakī tamas punora Yakōbō ĭm Yōanē.

⁴²Kō Iesū yemovrokonda pugi, mō menūwi punora memokū, Kĭmi Kūmūkili ma irora mori ūmagkū irora ōvun fan ra ōvun nūrū sū, umūrian iranda; ĭm ōvun fan lō umtantevakepe iranda.

⁴³Kō otū anti sugkū irami: kō iyi sĭ umagkū worete mōmū horog irami, iyi anti lĭvsaū enugkĭmi:

⁴⁴Im iyi sī irami umagkū worete horogesah, anti lĭvsaū nisekonda omwisū.

⁴⁵It iyi Netni eni neteme yetūvelum ma wontorugat iran, kō worelĭvsaū, ĭm woretenĭmpe nomūrep eni, nĭpmi nisekonda oveteme sikat.

⁴⁶Im irora dūmūvelum ra Yeriko: ĭm pol sugkū yive marugi Yerikō dal ōvun nūrie eni ĭm oveteme tamas, Bartimius, nimtei, ĭm netni eni Timius yemetesep ra telugon selat mō mesenigi.

⁴⁷Im pol sugkū yemorĭgi ma Iesū neteme Nasaret mori, yematipotni wortorugisah, memokū, Iesu Netni eni Dēvĭd togesovolyaū.

⁴⁸Im sikat dūmūnūwamūs pugi woreteteven: kō yemenūwisah mōmū tamas memokū, Kĭk netni eni Dēvĭd, tongesovolyaū.

⁴⁹Im Iesū yemetūrū, memokū irora ontorugi iyi. Im irora dūrhūtorugi neteme nimtei, dūmūnūwi pugi memokū, avoswi, etūok; iyi umamperugkĭk.

⁵⁰Im iyi, yemtafugi nemas isen, yemtūok, yivelum pugi Iesū.

⁵¹Im Iesū yemenūwi pugi memokū, Tie kĭm nakiugi ya onumpi nisekom? Nimtei yemenūwi pugi memokū, Novsūromon, ma yakumpĭ nelampalam.

⁵²Im Iesū yemenūwi pugi memokū, Eve; tavniri enugkĭk umnumpi kĭk horĭgeves. Im marimago yivi nelampalam mō mūri Iesū ūselat.