Read Sie Mark 11 Bible Online

Mark 11 - Sie bible

Mark 11

¹Im pol sugkū irora dūmūvelum botipot Yerūsalem, mefeli Betpēs ĭm Betane, ra numpūo Olevit yemtamūlora ōvun nūrie eni endūrū,

²Miyi yemenūwi punora memokū, Uve kimi ūselat ra nimote ūnimetemi: ĭm polekū kĭmi kwantūratumpene, kwagesi sĭ kōlt tawi sī yemetesep ran tan; ūsūli iyi mōĭmtori pelum.

³Im nagkū sĭ anūwi pugkūm memagkū, Irasie kĭmi kūm umpi imo? Kwanūwi ma Novsūromon umnakĭugi iyi; marima iyi ontamūli.

⁴Im irora dūmūve, dūmokesi kōlt mori yeti ratilat ra nogūn nimo iyūi selat endūrū dūmūvtit; mirora dūmūsūli iyi.

⁵Im nugkon ra irora mori dūmūtūrū iyūi, dūmūnūwi punora mūmokū, Tie imo kĭmi kūm umpi, kūmūsūli kōlt?

⁶Mirora dūmūnūwi punora sugkū Iesū yempasiwokonda; ĭm irora dūmūtinĭmpe irora.

⁷Im irora dūmūtori kōlt pugi Iesū ĭm dūmūtipe némas enirora iran; miyi yemetesep ran tan.

⁸Im sikat dūmūve némas enirora ra selat: ĭm nugkon dūmūtantevisep nĭvlugkon nē, mō mūve ra selat.

⁹Im irora mori dūmūvūm, mirora mori dūmūri, dūmūtūrenūwisah, dūmokū, Hōsana; Nevĭeves iyi mori okevelum ra nin eni Novsūromon:

¹⁰Nevĭeves lō eni ĭtement Dēvĭd, mori okevelum ra nin eni Novsūromon; Hōsana tantevakepe.

¹¹Im Iesū yemtorĭmpe ra Yerūsalem, ĭm ra tempel ĭm polekū yemelagkaū mĭmtopotneme iranda tiame sū, ĭm ran titĭntit, yive ra Betane dal ōveteme twelv.

¹²Im ratmran, pol sugkū dūmūve marugi Betane, yemevieni:

¹³Im yemokesi sĭ nē fik isūt yeti nugkelin iran yivelum, memokū iyi agesi sĭ en tie sĭ iran: ĭm pol sugkū yive botipot iran, yetokesi sĭ en tie sĭ, nugkelin wokon; popōwo nĭmpugon worovūwo yetūvelum.

¹⁴Im Iesū yemenūwi memokū, Tawi sĭ neteme otū onĭmpĭ marugkĭk ĭndowi.

¹⁵Im ōvun nūrie dūmūrigi iyi. Im dūmūve Yerūsalem: ĭm Iesu yemtorĭmpe ra tempel, miyi yematipotni woretevelegonora mori dūmūsevasigi ūnisog tempel, mō ĭm talepasi ōvun tēbel enirora dūmūvasi muni, Im ōvun nĭvlok enirora dūmūvasi ūmpon;

¹⁶Miyi yemenūwali punora ma tawi sī neteme andiuki sī en tie sĭ ra mumpon tempel.

¹⁷Irora wanatovnin nimo enyaū memokū nimo nufwaki nisekonda ōveteme ra nūrū sū nūrū sū; kō kĭmĭkūm numpi veli nisekonda ōvun numprok.

¹⁸Im ōvun somūl mōvun tavsogi tumpora dūmūrigi, mirora dūmū-surugi nokowo irora wontalugi iyi: kō dūmūmtetugi iyi, popōwo netevokontū omwisū dūmavlugi ra nam tavsogi eni.

¹⁹Im ra nĭmpugon pwarap yive ilat murugi sĭti.

²⁰Im ratmran pol sugkū dūmavan, irora dūmokesi nē fik yemetū noatnin ĭm omwisū.

²¹Im Piter yementeme, yemenūwi pugi memokū, Master, okesi, nē fik mori kĭm menūwi nowarepatevi iran okemetū sū.

²²Im Iesū yemtamsi yemenūwi punora memokū, Utavnirĭgi ra Nōbū.

²³Popōwo itnesog yakum manūwi pugkūm, Ma iyi sī anūwi pugi imo numpūo, Etpe parugi, etin tafugi sep kĭk ran tok; metū tavrivri ūnōwan eni, kō ontavnirĭgi ma nam sū mori iyi omanūwi wantepū sugku; iyi ampĭ sie sĭ mori iyi amanūwi.

²⁴Popōwo yakum manūwi pugkūm memagkū, Siame mori kĭmi kūmnakĭ wokonda, ugi nesenigi enugkĭmi, ūtavnirĭgi ma kĭmi kwampi, ĭm ĭtnesog kĭmi kwampi.

²⁵Im pol sugkū kwantūrū, mō mūfwaki, nagkū kūm nakan pugi mē sī, efielintugi; ma Itemenkūm mori ūnpokūp afielintugi sat sū enugkĭmi.

²⁶Kō nagkū kūm ūtū afielintokonda, Itemen kūm ūnpokūp otū afielintugkūm sat sū enugkĭmi.

²⁷Im irora dūmūvelum ra Yerūsalem: ĭm pol sugku iyi yemavan ūnisog tempel, dūmūvelum pugi ōvun tavsogi tumpora, ĭm ōvun somūl, mōvun elder,

²⁸Im dūmokū pugi mūmokū, Kĭk umnumpi imosū ugi horog eneme? ĭm mē yemovunok nimpasewugi worumpi imo tiame?

²⁹Im Iesu yemtamsi yemenūwi punora memokū Ya ontagkolkūm sĭ nam siteven, ūnūwi pe poyaū, ĭm ya anūwi ugi horog enemē yakum numpi imosū.

³⁰Pe baptisma eni Yōanē, yemne ra pokūp, kū marokonda ōveteme? ūnūwi poyaū.

³¹Mirora dūmaūor ugi punora dūmūnūwi mūmokū, Nagkū kakel anūwi, marugipokūp; iyi anūwi, Mirasie kūmūtū tavnirĭgi iyi?

³²Im nagkū kakel anūwi, memokū Marokonda ōveteme—dūmūmtetokonda netevokontū: popōwo ōveteme omwisū dūmokū iyi Yōanē sī profet itnesog.

³³Im irora dūmūtamsi dūmūnūwi pugi Iesū mūmokū, Kakel etū kili. Im Iesū yemtamsi mōmenūwi punora memokū, Im ya otū anūwi pugkūm ma ugi horog enemē yakum numpi imesū tiame.