Read Sie Mark 15 Bible Online

Mark 15 - Sie bible

Mark 15

¹Marimago prūkokom ōvun tavsogi tumpora dal ōveteme talam mōvun somul mōvuin natemonok nūrian dūmūsemsemokonda woraūor mirora dūieti Iesū mō mūtōri pelah mō mū tenĭmpe iyi pugi Pīlat.

²Im Pīlat yemtagkeli iyi memenūwi memokū, Kĭk fan lō enirora ōveteme Isrēel kū ĭ Miyi yemtamsi memenūwi memokū, Monokowo.

³Mōvun tavsogi tumpora dūmūrūnenūwi mūmokū ugi sikat.

⁴Im Pīlat yōĭmtagkeli iyi memenūwi memokū, Kĭk otū ontamsi kū: pah, irora umanūwi iram ugi sikat.

⁵Kō Iesū yematepū: ĭm Pīlat yemavlugi.

⁶Im ra narĭgari tumpora iyi yemesūli sĭ neteme mori dūiti mō ĭm tenĭmpe punora sĭ kū sĭ mori irora dūmūsenigi;

⁷Yeti sī ĭm nin Barabas, mori dūieti dal irora mori dūmumpi nesesaū sat dal iyi, ĭm ra nesesaū mori dūmūtalugi nugkon.

⁸Im telien lō dumovrugisah dūmūnūwi mūmokū, aremi iyi onumpi nisekonda sugkū iyi yĭpmūrunumpi:

⁹Kō Pīlat yemtamsi punora memenūwi memokū, kimi kūmnakiugi ma ya ontenĭmpe pugkūm iyi fan lō enirora oveteme Isrēel kū?

¹⁰It iyi yemagkili popōwo ugi neworemi sat ōvun tavsogi tumpora yivīesesat iyi;

¹¹Kō ōvun tavsogi tumpora dūmūnūwi punora telien lō woresenĭgi ma iyiosūli Barabas nisekonda.

¹²Im Pīlat yemtamsi yōmenūwi punora memokū. Im kimi kūmnakiugi ma ya onumpintie iran iyi mori kimi kĭmanūwi iyi fan lō enirora ōveteme Isrēel?

¹³Mirora dūōmovrugisah mūmokū ūkrūsifi iyi ra nēūmparum.

¹⁴Im Pīlat yōmenūwi punora memokū, Irasie: iyi umpintie? Mirora dūōmovrugisah tamas mūmokū, Ukrūsifī iyi.

¹⁵Im Pīlat yemokū aremi woreti nōwanda telien lō, miyi yemesūli Barabas punora ĭm pol sugkū dūmovselatevi Iesū yem tenĭmpe iyi punora mirora dūmokrūsifi iyi.

¹⁶Mōveteme ūbrami dūmūtori Iesū ūnisog nimo nūrian, nin pe mori Prētorium, mirora dūmovrokonda lō ūbrami omwisū;

¹⁷mirora dūmevīugi nemas navilara, mirora dūieti numpwavekora ugi ōvun nimrataū mō mevlugi numpūn;

¹⁸mirora dūmūnūwi nam pugi mūmokū, Kĭk e paū fan lō enirora ōveteme Isrēel.

¹⁹Mirora dūti numpūn ugi deniug mō inūtūvani iran, dūmūsumpuneterĭn mō mūsesie ves ūnĭpmi eni;

²⁰Im pol sugkū dūmagepī iran irora dūmūvī parūgi nemas navelara mō mevlugi némas isen, mirora dūmūtori ilat woretalugi iyi.

²¹Im Simon, neteme Sirini mori yemne ra sī nimote, itemen eni Aleksander im Rūfus, iyi yemavanugo mirora dūmūtetelieli woruriuki nēūmparum eni;

²²mirora dūmūtori iyi ra sī nūrū nin Kolkota, fan nam pe mori, nūrū neven nuki, rugerag.

²³Mirora dūmovugi win dūti norekon ugi mur, woromoneki; kō iyi yetū vī.

²⁴Im pol sugkū irora dūmūkrūsifĭ iyi irora dūmūtavūrakwokonda ōvun nemas isen, dūmūsenduri ōvun lot ugi worokili mē arnpĭ simplaūon eni.

²⁵Im yeti poakas pol sugkū irora dūmūkrūsifī iyi.

²⁶Im netiyi ugi nam mūrian irora dūmūtipe ūnumpūn, Fan lō enirora ōveteme Isrēel.

²⁷Mirora dūinūkrūsifĭ dal iyi ōvetemĭndi endūrū, sĭ ra nokoven meves ĭm sĭ ra moor;

²⁸ĭm yeti namepesog imo nam ra netiyi tumpora, dūmūsepe iyi dal ōvun nareki sat.

²⁹Mōveteme mori dūmavanugo dūmuvriuri iyi mō mawi numpūnda, mirora dūmūnūwi mūmokū, Pah, kĭk mori memokū woretasi nimo tumpora mō menumpi ran dan desel!

³⁰Umkĭkēōwara mōmiyep marugi nēūmparum.

³¹Mōvun tavsogi tumpora dūmumpi sugkū, dūmagepĭ dal ōvun somūl dūmūnūwi punora irora mūmokū, Iyi yernumkorēōwar ōveteme; miyi tawi faneteme woreiēōwara iyi pe iyi.

³²Iyi Kristo ĭm fan lō Isrēel nagku sugkū aremi iyi iyep marugi nēūmparum ma ka ke lagesi mōmentavnĭrigi, Miroran dūrū dūti neterora ra nēumparum dal irora mori dūmūvriuri iyi.

³³Im pol sugkū poakaspoakas yeti nĭlebokevat ra nūrūsū mafeli poarap.

³⁴Im poarap Iesū yemovrugi gi navian horog memenūwi memokū, Eloi, Eloi, lama sabaktanī? fan nam mori, Ah Nōbū enyaū, Nōbū enyaū, kĭk owi yaū irasie?

³⁵Im nugkoneme dūmūtūrū yūi mori dūmūrĭgi dūmūnūwi mūmokū, Pah!

³⁶Iyi umamperugi Elĭya. Im sĭ yemovugevag mō movūarugi, namtimte ugi nū nakan mō metipe ran deniug mō movugi woremoneki memenūwi memokū, Awi lap; Kos kelagesi nagkū Elĭya ampelum worevĭsep iyi.

³⁷Im Iesū pol sugkū yemasorasah isūma nesūmsah isen.

³⁸Im némas woresumpat ūnisog nimo tumpora yetĭn tevaseri, nugkon dūrū yemne imelūo iyep ra nesep;

³⁹miyi nivūo ōveteme ūbrami mori yemetūrū ūnipmi yemokesi ma iyi pol sugkū iyi yemasorasah sugkū, isūma nesūmsah eni, yemenūwi memokū,

⁴⁰Itnesog imo neteme Netni eni Nōbū. Movasiven dūmūte yūi dūmesugkelowi isūt, ĭm dal irora Mēri Makdaleni ĭm Mēri dineme eni Yakōbō virok, ĭm Yoses, ĭm Salomi;

⁴¹irora mō dūmūri iyi pol sugkū iyi ra Kalĭli mori dūmūtorugat iran movasiven sikat mōmū mori dūmūvelum ra Yerūsalem dal iyi,

⁴²Im pol sugkū poarap arap popōwo dan mori yeti dan e worum ĭm rat mran danemĭndog.

⁴³Yosef neteme Arimatia, neteme aremi ĭm natemonok ra nūsian mori yemtevetūwi lō eni Iehōva, iyi yive mō ĭmtorĭmpe, metūmtetugi ūnĭpmi eni Pīlat mō mesenigi nokolisiran eni Iesū.

⁴⁴Im Pīlat yemavlugi nagkū iyi yimas itnum sugkū, miyi yemovrugi nivūo ōveteme ūbrami woretagkeli iyi nagkū iyi yimas etūĭ;

⁴⁵ĭm pol sugkū iyi yemorigi nam eni nivūo ma yeti sugkū, iyi yemovugi Yosef nokolisiran mori.

⁴⁶Miyi yivi némas lĭnen aremi mō impĭ sep iyi mō mafiafi gi némas lĭnen mori, mō metipe iyi ra veli mori yeti norevi ra vetūnam, miyi yemevolevoli nevat, mōĭm sumpat ra nūgon veli.

⁴⁷Im Mēri Magdaleni ĭm Mēri dineme eni Yoses dūmokesi nūrū yūi irora dūmūtipe iyi.