Read Sie Mark 16 Bible Online

Mark 16 - Sie bible

Mark 16

¹Isūma danemĭndog Mēri Makdaleni, ĭm Mēri dineme eni Yakōbō ĭm Salomi dūvasigi ōvim nūrah sū mampen e ves mō mūve woresoveli nokolisiran eni.

²Im pol sugkū yumti dan ran danemĭndog mampūm ĭtevaū pol sugkū nĭpminen yemtūok irora dūmūvelum ra veli.

³Mirora dūmūnūwi punora mūmokū, Mē onevolevoli nevat marugi nūgon veli nĭsekont?

⁴Mirora dūmokesi ma nevat mori yeti nevolevoli pelah; ĭt nevat mori yeti tamas.

⁵Im pol sugkū dūmĭntorimpe ra veli dūmokesi sĭ neviarep miyi yeme esep ra nokoven meves, mevĭugi nemas tantop ĭm nesebo, mihora dūmūmtetugi.

⁶Miyi yemenūwi punora memokū, Utumtetugi; Kimi Kūmnesorugi Iesū neteme Nasaret, mori dūtalugi iyi ra nē-ūmparum: iyi omevsorasah; iyi tawi ĭgko; okesi nūrū mori irora dūmūtipewi iyi.

⁷Uve, mūnūwi punora ōvun nūrie eni, ĭm Piter, ma iyi opmampūm irami ra Kalĭli; Kĭmi kwagesi iyi yūi, sugkū iyi yepmenūwi pugkūm.

⁸Mirora dūmūvugevag ilat mō malo marugi veletenemi, mirora dūmūvūkūrkūra, mirora dūmūtūnūwi nam pugi sĭ ĭt irora dūmamtetugi.

⁹Miyi yemovsorosah numti dan ran danemĭndog mampūm miyi yetūratumpeni mampūm pugi Mēri Makdaleni, marugi mori iyi yemetevelĭgora ōvun nagelō sat seven;

¹⁰Miyi yive mōmenūwi punora mori dūpmūte dal iyi, dūmūrĭgumpūnū mom ageri.

¹¹Mirora pol sugkū dūmurĭgi nam ma iyi yōmūmūrep miyi Mēri yemokesi, irora dūtūtavnirĭgi.

¹²Penūri imosū, iyi yemesepen netūratumpeni iyi pugi ōveteme endūrū polekū irora dūmavan devsego nūrū ĭmpe miyi yetin sumpoli;

¹³Mirora dūrū dūmūve mōmūnūwi punora mori dūtūrĭgi: Kō irora mori dūtū tavnirigi.

¹⁴Penūri pol sugkū irora dūmūtesĭgi iyi yemesepen netūratumpeni punora Eleven, miyi yemevriuri irora popōwo irora dūmūtūtavnirigi ĭm popōwo nowanda nugkugko, popōwo irora dūmūtūtavnirigi irorasū mori dūmokesi iyi, miyi yeti nevsorosah.

¹⁵Miyi yemenūwi punora memokū, Uve kĭmi ra nūrūsū nūrūsū ra nemap omwisū mōmūtorenūwisah nam navosavos punora fan omwisū.

¹⁶Iyi sĭ mori ontavnirigi mō mampi baptisma iran, anti neviēōwara iyi; miyi sĭ mori otū ontavniri anti noworepatevi tovūni nemás.

¹⁷Mōvun safi wonūrora mori wontavnirigi ima sū; irora wontaveligunora ōvun naviatindi ra nin enyaū mirora wanūwi gi ōvun nĭluamen ĭtevaū.

¹⁸Mirora wandiukisah ōvun neskil; ĭm nagkū irora womoneki sī en tie sĭ mori onumpi nemás pe mori otū ontalokonda; mirora wantipe nokovenda iranda ōvun namarat mirora wampī horĭgeves.

¹⁹Miyi Narisah pol sugkū yemenūwi aveni punora yeti nevĭsah ūnpokūp, mō metesep ra nokoven meves eni Iehōva.

²⁰Mirora pol sugkū dū mūve dūmuntorenūwisah ra nūrūsū nūrūsū, miyi Novsjīromon yemnesitū iranda, mō mumpi nam worampelesi ugi ōvun safi mori dūmūri. Amen.