Read Sie Mark 4 Bible Online

Mark 4 - Sie bible

Mark 4

¹Im iyi yematipotni woretavsokonda ran telugon tok; movun telien lō sikat dūmūteteliugi, sugkū ma iyi yōĭmpe ra bōt mō metesep; mōvun telien lō dūmūtūr ikeri.

²Miyi yemūrenenūwi punora memokū ugi ovun parabel; yemenūwi memokū,

³Pah, sī neteme naseviugi yive woraseviugi novsen:

⁴Im pol sugkū yemnaseviugi, nugkon yumol ran telugon selat; mōvun memok ūnēī dūmūvelum mō mūsumupmuv ugi pe.

⁵Im nugkon dūmol ra nemap nevatwi, miyūi nemap ūrekis, ĭm popōwo nemap ūrekis yemetepū Itnum marimago yetepū.

⁶Kō nĭpminen yĭmsah ĭm sē, ĭm popōwo tawi nōatnĭn yemetū.

⁷Im nugkon yumol ra ovun nĭmrataū mōvun nĭmrataū dūteli mō mūtenĭseve, yetū ovūo.

⁸Im nugkon mōmū yumol ra nemap aremi, mō memovūo yemyetepū, yemtelesah, yemovūo, nugkon turti, nugkon sĭksti, ĭm nugkon wun hunder.

⁹Miyi yemenūwi punora, Iyi sĭ mori ĭm telugon eni woroĭgi, aremi iyi umandĭgi.

¹⁰Im pol sugkū yemeti e ko sī, irora mori dūmūte ūndū iyi, dal irora mori twelv, dūmūtagkeli iyi ugi parabel mori.

¹¹Iyi yemenūwi punora memokū, oti novugkūm worokili ovun netiumpūnwara ra lō eni Nōbū: kō punora ovun domo, umanūwi tiame sū omwisū ugi ovun parabel wokon:

¹²Memagkū ĭt irora umprokokesi ūtūmagesi, mūtūm nelavinūri; mumprokorĭgi mandĭgi, mūtū magkili; ma irora ūtū wampīeves nōwanda mōĭmpi nefielintugi sat sū enirora.

¹³Miyi yemenūwi punora, Kūmūtū magkili imo parabel kū? Im kimi kwamsokonda ovun parabel omwisū?

¹⁴Neteme naseviugi umnaseviugi nam.

¹⁵Im irora ra telugon selat, iyūi umnōwi nam; kō pol sugkū dūmūrĭgi, Sētan umampelum marimago, mō menefarugi nam mori yeti nōwi ūnōwanda.

¹⁶Mirora mori sugkū dūti nasevigi ra numpūn nete; mori pol sugkū dūmūrĭgi nam marimago, umampi ugi navos;

¹⁷Im tawi nōatnĭn ūnisog irora, umandekote lap wi wokon: it irora osiyīevo Itnum pol sugkū ampelum nesesaū, im nevīese sat, popōwo ugi nam.

¹⁸Irora dūti naseviugi ra ōvun nimrataū; mori sugkū umandĭgi nam,

¹⁹Im ōvun netavotarūgi, im nimpirĭgi ugi noēte ĭgko, im nilasivien sikat, uminteniseve nam metūvūo.

²⁰Irora dūti naseviugi ra nemap aremi; mori sugkū umandĭgi nam, umampi pe, mō mampūo, nugkon turti, nugkon sĭksti, im nugkon wun hunder.

²¹Im iyi yemenūwi punora, Otum mampi lamp woretipe ra netekon vesil, kū ra netekon bed, kō irora umantipe ra tēbel.

²²Popōwo siamesū umneseni wamsok; im siame dūmūnūaveni wantin nenūatumpene sū.

²³Iyi sī im telugon eni wororigi, aremi iyi umandĭgi.

²⁴Iyi yemenūwi punora memokū, Ufinte kimi nokowo nam kimi kwandĭgi: ĭm talug mori kimi kūmūtalug punora omantĭn talug pugkūm; ĭm kimi mori kūmurĭgi wantin ovugkūm mōmū.

²⁵Popōwo iyi mori okevi isen, anti avugi mōmū; miyi tawi isen, anti pīparugi ima mori isen.

²⁶Iyi yemenūwi memokū, Lō eni Nōbū oti sugkū nagkū sĭ umnaseviugi novsen ra nemap.

²⁷Mō maleepo, mō mevsor ra ōvun pūmrok ĭm dan, ĭm yemetepū novsin mori mō mĭntelesah, kō iyi otūmagkili yemtele nokowo.

²⁸Popōwo nemap umasepen umpūo ugi nōvwan; iyi yōbūm nugkelĭn penūri novgon, ĭm ra nisah nōvwan umkisū.

²⁹Polekū umampūosū nōvwan, marimago iyi umorevi, popōwo nĭmpugon woralekon okevelum.

³⁰Miyi yemenūwi memokū, kos kelensafi lō eni Nōbū sugkū sie? ĭm kos kelanūwi ugi nam nagkaūĭntan itokowo?

³¹It iyi sugkū nōvsin mustard siteven, mori pol sugkū dūmōwi ra nemap oti mōmū ūrekis iranda ōvun novsin ra nemap omwisū.

³²Kō pol sugkū umnōwi, umentelesah mōĭmtantevakepe iranda ōvun nulugon nēsū, mō matepū iran ōvun dugon horog; ma sugkū ōvun menok ūnēī umentaste ra nivlokon eni.

³³Im ugi sikat mōmū ovun parabel sugkū yemenūwi nam punora, sugkū irora dūti faneteme worevi.

³⁴Kō yemenūwi nam ōmwisū punora ugi ōvun parabel wokon: ĭm pol sugkū dūmūte dal e ko sī, yemenūavsokonda ōvun nūrie siame sū omwisū.

³⁵Im ran dan mori, pwaraparap, iyi yemenūwi punora memokū, Kos kelampe nugkon ūmpe.

³⁶Im polekū dūmūtamūl pelah netevokontū, marimago dūmūtori iyi ra lō. Im dūmūte dal mōmū ōvun bōt.

³⁷Im yemetepū nūsian nĭmetagi, ĭm nĭmpūaū dūmūselĭ ra lō, ĭm yemumpūwar lō ugi.

³⁸Im iyi yemete ra stern, yemaleepo ra pĭlō: mirora dūmoiyugi iyi, mō mūnūwi pugi memokū, Narisah kĭk otūrĭgisat ma ka kelamas kū?

³⁹Im iyi yemtūok, yemenūale pugi nemetagi, mōmenūwi pugi tok memokū, Etepū nimorinū. Im yemumti nemetagi mōmetepū nimorinū tamas.

⁴⁰Iyi yemenūwi punora memokū, Irantie kūmūmtetugi tamas sugkū? nokowo imo, tawi sī tavniri enugkĭmi?

⁴¹Mirora dūmūmtetugi tamas, mūmūnūwi punora memokū, Imo neteme sugkū me, ma nemetagi ĭm tok umsendioki nam eni?