Read Sie Mark 6 Bible Online

Mark 6 - Sie bible

Mark 6

¹Im iyi yive marugi nūrū mori, mōĭmpe ra nūrū isen; ĭm ōvun nūrie dūmūri iyi.

²Im pol sugkū danemindog yivelum, yimatipotni woretavsokonda ra sĭnēkok; ĭm sikat mori dūmūrĭgi dūmavlugi, mō mūnūwi mūmokū, Yemnea imosū eni imo neteme? nōĭntanwi itokowo imo dūmūvugi, ma umnumpi numpūrah horog ugi nokoven eni?

³Imo oti karpenter mori kū? ĭm netni Mēri, ĭm avinsī Yakōbō, ĭm Yoses, ĭm Yūda, ĭm Simon, ĭm ōvun veven eni umante ĭgkodal e kos. Im irora dūmalakoi pugi.

⁴Kō Iesū yemenūwi punora memokū, unmante sesie nisekon sĭ profet, kō tawi ra nūrū isen, ĭm dal ōvun num-pūnaran ĭm dal irora ra nimo eni iyi.

⁵Im iyi yetū faneteme worumpi sĭ numpūrah horog, kō yemēevan nokoven iranda ōvun namarat endesel wokon, mōmumpi irora horĭgeves.

⁶Im yemavlugi popōwo ugi netūtavniri enirora. Miyi yemavan ra ōvun nimote, mō ĭmtavso-konda.

⁷Im yemovrokonda oveteme mori twelv, mō matnipotni woretamūlora oveteme endūra ra nelepon sī mirora sū sugkū; miyi yemovunora horog woretantevakepesah iranda ōvun naviat nelilūo;

⁸Mō ĭmpasewokonda woretovi sie sī ugi selat, woresentūr wokon; tawi veyū tawi brēd, tawi muni ra mumpon veyū.

⁹Kō worevīugi noanda ugi sandal; kō woretūvĭugi kōt endūrū.

¹⁰Miyi yemenūwi punora memokū, Ra nimo mori ra sī kū sĭ nūrū kimi kwampewe, ūtendowi iyūi mafeli kimi kwampe marugi nūrū mori.

¹¹Im irora sū mori ūtūwampĭ kimi mō mūtūwampī nam enugkĭmi, pol sugkū kimi kwampe pelah morokonda, ugkeri navivon marugi noami nimsin numpūsok iranda. Itnesog yakum manūwi pugkūm memagkū, Anti ĭtemeiepon iran Sodom ĭm Kamora ran dan nūrian mōmū iran imo sĭti.

¹²Im irora dūmūve, mō ĭmtavsokonda ma oveteme wanūatumpene sat sū isenda.

¹³Im irora dūtafugi ratilat ōvun naviatindi, mō im soveli ugi oiĭl sikat mori dūmamarat mōmūmpi irora horĭgeves.

¹⁴Im Herod fan lō yemorĭgi nani ugi iyi; popōwo dūmūrĭgi narĭgi isen: miyi yemenūwi memokū, Yōanē Baptiso yemevsoresah marugi nemas ĭm popōwo pe umnumpi sikat numpūrah horog ugi.

¹⁵Nugkon dūmokū, Iyi Elĭya, Nugkon mōmū dūmokū, Iyi sĭ profet, kū sugkū sĭ irora ōvun profet.

¹⁶Kō pol sugkū Herod yemorĭgi ugi, yemokū, Imo oti Yōanē mori yaū ĭm tantevi nampūn: it iyi umevsorasah marugi nemás.

¹⁷Popōwo Herod yemtamūlora dūmūlekavi Yōanē, mōĭm sompatamtugi ra prĭson mō mēīti iyi popōwo ugi Herodias retepon īĭlip avinsī eni ĭt iyi yemetovrugi iyi.

¹⁸Popōwo Yōanē yemenūwi pugi Herod memokū, Tawi sugkū nam alam worevi retepon avensi enugkĭk.

¹⁹Im popōwo ugi imo Herodias yemakan pugi, yemakiugi woretalugi iyi; kō yetū faneteme.

²⁰It iyi Herod yememtetugi Yōanē, popōwo yemokili iyi yeti sī neteme tanepo ĭm aremi, yemokesi ves iran; ĭm pol sugkū yemorĭgi, yeumpi tiame sikat aremi, mō morigives nam eni.

²¹Im pol sugkū sĭ dan aremĭugi yivelum, ma Herod ran dan numprokomol eni yemumpi nevag tamas nisekonda ōveteme horog isen, mōvatemonūk, ĭm oveteme nōete ra Kalĭli;

²²Im ra nimpugon netni ĭtnasiven eni Herodias yivelum ūnisog, mō mampeko, yemavos Herod ĭm ōveteme mori dūmūtesep ūndū iyi, miyi natemonūk yemenūwi pugi ĭtnumpūkon memokū, Esenigi irag tiame Kĭmnakĭugi, ĭm ya ampunok.

²³Im iyi yemenūwi nam unam pugi, memokū, ya amponok sie sĭ kĭk ontagkeli yaū ugi, nagkū mafeli nugkon lō enyaū.

²⁴Miyi yive pugi dineme eni memokū, Ya osenigi entie? Miyi yemenūwi memokū, Numpūn Yōanē Baptiso.

²⁵Marimago yivelum ūnisog pugi fan lō, mō mesenigi memokū, Yakum nakĭugi kĭk ampoyaū numpūn Yōanē Baptiso ra numpon imo vesel.

²⁶Im natemonūk yemorĭguippūnū tamas; kō popōwo ugi nam ūnam, ĭm popōwo ugi irora mori dūmūtesigi dal iyi, yetū tafogi nam isen.

²⁷Im marima natemonūk yemtamūli sī lĭvsaū, mō impasewugi worevi numpūn: miyi yive ĭm tantevi numpūn ra prĭson,

²⁸Yivi numpūn ra mumpon vesel, movugi ĭtnumpūkon yivugi dineme eni.

²⁹Im pol sugkū ōvun nūrie dūmurĭgi, irora dūmūvelum ĭm dūmūvĭ nokolisiran, mūtipe ra mumpon veli.

³⁰Im ōvun apostol dūmūsemsimokonda pugi Iesū, ĭm dūmūnūwi pugi omwisū, mori irora dūmumpi, ĭm mori dūmūtavsokonda ugi.

³¹Miyi yemenūwi punora memokū, Uvelum kimi ra nūrū wokon mō memindog lap: popōwo sikat dūmūvelum mō mūve, ĭm tawi sĭ nemolsep enirora woreni nevag.

³²Im irora dūmūve ra lō ra sĭ nūrū wokon, mūteumpene.

³³Im ōveteme dūmokesora dūmumprokeve, ĭm sikat dūmūkili iyi, mirora dūmne ra ōvun sĭti, dūmūselewokonda, mō mūsemsimokonda pugi.

³⁴Im Iesū, pol sugkū yivelum ilat, yemokesora oveteme sikat, yemtugi irora tamas, popōwo irora dūti sugkū ōvun pugipugi ĭm tawi shepherd nisekonda: miyi yematipotni woretavsokonda en tiame sikat.

³⁵Im polekū dan yembotipot ōvun nūrie dūmūvelum pugi, dūmokū, Nūrū wokon ĭgko ĭm marima umbotipot pūmrok:

³⁶Tamūlora, ma irora wampe ra nūrū sū, ra nimote sū mō ĭmpasi brēd: popōwo tawi sī navag enirora.

³⁷Iyi yemtamsi punora memokū, Uvunora nevag kimi. Im irora dūmūnūwi pugi memokū, Kakelampe mō ĭmpase brēd ugi fiv paūnd, mūvunora kū?

³⁸Iyi yemtagkelora memokū, Deve lōf enugkĭmi? ūve mokesi, dūmūkili, dūmokū, Fĭv ĭm nomū endūrū.

³⁹Miyi yempasiwokonda, ma irora wantevwavora netevokontū mō ĭmpasiwokonda woretesep ra novlovsi.

⁴⁰Mirora dūmūtesep, sĭ nelepon sĭ wan hunder, ĭm sĭ nelepon sĭ fĭti.

⁴¹Pol sugkū yivi lōf fĭv ĭm nōmū endūrū, yemtelasah ra pokūp, yemumpalugi, mō morūsevi ōvun lōf, mō mevunora ōvun nūrie isen woretipe ūniminda: ĭm iyi yemetevūrok nōmū endūrū mori nisekonda omwisū.

⁴²Im irora omwisū dūmoni, mō ĭm talira.

⁴³Im irora dūmusemsimugi navivon brēd ĭm nōmū, sugkū veyū twelv ūvwarugi.

⁴⁴Im oveteme mori dūmoni ōvun lōf dūti sugkū fĭv taūsan.

⁴⁵Marimago yematikesah punora ōvun nūrie isen, ma irora wosuki bōt, mōĭmpe nugkon ūmpe obūm iran ra Betsĭda, miyi yemete lap wosatevokonda netevokontū.

⁴⁶Polekū yemsatevokonda yive ra numpūō worefwaki.

⁴⁷Im pwarap-arap, bōt mori yeti ran tok, miyi yemete e ko sī ran nūrū.

⁴⁸Miyi yemokesora, dūmasūwo magelaū popōwo dūse nĭpmi nemetagi: yembotipot dan yive punora, yemavan ran tan tok, mokū iyi salewokonda.

⁴⁹Kō pol sugkū dūmokesi yavan ran tan tok dūmokū natemas mirora dūmasoresah:

⁵⁰It irora sū dūmokesi iyi, mirora dūmumtetugi. Marimago yemam punora, yemenūwi punora memokū, Avoswi kimi: Yaū; kūtumtetugi.

⁵¹Miyi yemsah ra bōt dal irora; yemetepū nemorinū: mirora dūmumtetugi tamas ūnōwanda, mō mavlugi.

⁵²It irora dūmūtūtarū numpūrah nugkugko mori yemumpi ugi ōvun lōf; popōwo nōwanda yeti nugkugko.

⁵³Im pol sugkū dūmūve nugkon-ūmpe, dūmūvelum ra nūrū Kenesaret.

⁵⁴Im polekū dūmūsah ikeri mawi bōt, marimago dūmūkili iyi,

⁵⁵Mirora dūmalō ra nūrūsū yūi, dūmūriuki ra ōvun bed irora mori dūmamarat, ra nūrū mori dūmūrĭgi iyi yemete.

⁵⁶Im ra nūrū sū yemtorĭmpe, ra ovun nimote, kū ōvun sĭti, kū ra nūrūsū nagkaūugi yūi, irora dūmūtesep ōvun namarat ūselat, mirora dūmūsenĭgi ma irora wosugkori navlūtni sempelaūon eni: ĭm irora sū mori dūmūsogkori dūmūvī horĭgeves.