Read Sie Luk 1 Bible Online

Luk 1 - Sie bible

Luk 1

¹Tiofilus numposeti, sikat umasepen umprokotīyi nam mūmagkū irora wantipe ra natora ugi imosū kos kemlentavnirĭgisu,

³mūmūti ovun nivūo ugi nam marugi nati-potni, mūmū-vug kam; yaū sugkū mokū aremi, ĭt yaū mokilisū ugi siemesū marugi nempugon ra nōbūm,

⁴woretĭyisū ra natora nisekom ma kĭk agkilisū itnesog ugi imosū dūmū tavsog kĭk ugi sū.

⁵Ra dansū mori Herod natemonok ra nūsian Yūdia, sī neteme tumpora, nin isen Sakarĭas, miyi dal ovun nesitūesitū isen Abia, im retepon isen yemne ra ovun netnime ĭtovasiven isen Eron, nin isen Elĭsabet.

⁶Mirora dūrū tanepo wokon ūnĭpmi isen Nōbū mūmnalekoleki ovun selnivi nam, movun nam alam omwisū isen Novsūromon mūtūareki.

⁷Im tawi sī netni isenda, ĭt Elĭsabet ūmlat, Im nevisū sikat iranda dūrū.

⁸Miyi yemumpi sakrefis ūnĭpmi isen Nōbū dal ovun nesitūesitū mori, ovun numpi sakrefis dūmnumpi sugkū,

⁹mūmūtipe iyi mūmōkū atni siame nempeneves ūnisog silebōkeves tumpora isen Novsūromon.

¹⁰Im semsimak omwisū ra ov netevokontū dūmūfwaki ilat ra nempugon netnasūsah.

¹¹Im sī nagelō isen Novsūromon vemetūratumpeni pugi, memetūrūgo ra nokoren meves nefati woretnasūsah.

¹²Sakarĭas yemokesi memēompele memetet.

¹³Miyi nagelō yemenūwi pugi memokū, Sakarĭas, etūmtetugi, ĭt origi nesenog sorum, ĭm Elĭsabet retepmi ampi sī netni ĭtnataman sorum,

¹⁴konatov nin isen magkū, Yōane. Im kĭk onavos, ĭm sikat wonavos ugi numprokomol isen.

¹⁵Miyi anti nūsian ūnĭpmi isen Novsūromon. Miyi otūamoneki win kū kava, mampūarugi Naviat Tumpora marugi netnĭn dineme isen.

¹⁶Miyi ontorora ovun netnime Isrēel sikat pugi Novsūromon Nōbū isenda.

¹⁷Miyi opmampūm ūnĭpmi isen ugi naviat ĭni horog isen Elīya, magkū ampoli nowanda ovun Itemenda punora ovun netnime isenda, movun netmime mori ūtūroasendiuki nam; ra nelekon isenda ovun tanepo magkū ontōrora, lō sī ugi tarūsū ĭtevaū ūnōwanda, mori wanteme emetugives Novsūromon.

¹⁸Im Sakarīas yemtagkeli nagelō memokū, Ya agkili imo nokowo? It yaū numpūmetūo, Im retĭg, nevisū sikat iran.

¹⁹Miyi nagelō yemtamsi memenūwi pugi memokū, Yaū Kabriel, ya umantūrū potipot ūnĭpmi isen Nōbū, Im okotamūli yaū worenūwi pugkĭk, mesesi pugkĭk imo nam navosavos.

²⁰Im kĭk anti nowampat, im tawi faneteme woram, afeli dan wonokompelisū imosū, popowo kotūtavnirĭgi nam sorūg mori wonampesogsū ra sī dan.

²¹Mov netevokontū dūmūtevetūi Sakarīas, mūmavlugi ma iyi yemetendōwi nempugon tantop ūnisog silebō-keves tumpora.

²²Im pol sugkū iyi yōmetūratumpeni ilat iyi tawi faneteme woram punora; mirora dūmūkili ma iyi yemokesi sī nilasĭvrovora ūnisog silebōkeves tumpora.

²³Miyi yemalevi niminda mematepū. Im pol sugkū iyi yemekompeli dansū isen woretorugat, iyi yive ra nimo isen.

²⁴Penūri dan sū mori, Elĭsabet retepon isen isar, memesepen nelesakapūn itīs sĭklĭm, memenūwi memokū,

²⁵Iyi Novsūromon yemokesives irag, memokū ampĭpelah narumprum sorūg ūnimĭnda oveteme.

²⁶Itīs sĭklĭm mesikĭugi Iehōva yemtamūli Kabriel ra sī sĭti ra Kalĭli, nin Nasaret, pugi sī ĭtnumpōkon mori yeteventerugi sī neteme, nin isen Yosef,

²⁷iyi yemne ra Dēvĭd; nin ĭtnumpōkon, Mēri.

²⁸Miyi nagelō yivelum pugi ūnisog memenūwi memokū, Kĭk e paū; kĭk nevĭeves, Novsūromon nandū kĭk; kĭk nevĭeves ūniminda ōvasiven.

²⁹Miyi yemokesi memēōmpelĭgi nam isen, memtarūgi, sugkū sie nam paū mori.

³⁰Miyi nagelō yōmeūwi pugi, memokū, Mēri, etūmtetugi, Nōbū okesokves.

³¹Orĭgi, Kĭk ampi ūnetnĭn sorum mamprokomol sī netni ĭtnataman, Im konatov nin isen magkū, IESU.

³²Iyi anti ra nūsian, wanūwi ugi magkū, NETNI ISEN TANTEVAKEPE.

³³Im Iehōva Nōbū ampugi potnūmputūo isen Dēvĭd, itemen isen; miyi onarisah iranda mori dūmne ra Yakob, ra palsisū; Im lō isen ūtūamwi.

³⁴Mēri yemtagkeli nagelō, meruokū, Imo anti nokowo, it ya otūkili nataman?

³⁵Miyi nagelō yemtamsi memenūwi pugi memokū, Naviat Tumpora ampelum iram, im horog isen Tantevakepe onamolen iram, im popowo anti sugkū, wanūwi magkū ugi imo tumpora kĭkanti, NETNI ISEN NOBU.

³⁶Origi, Elĭsabet, apmisī okotandiokumpōh ugi sī netni ĭtnataman ra numpūmetūō isen, im imo itĭs mesikīugi iran iyi dūmūnūwi mūmōkū ūmlat;

³⁷ĭt iyi Nōbū ra nūsian go sū onakompelisū nam isen.

³⁸Im Mēri yōmenūwi memokū, Yaū nasiven, torugat isen Novsūromon, etinumpi irag sugkūū nam sorum. Miyi nagelō yive marugi.

³⁹Ra dansū mori Mēri yemtūok mevugovag ra sī nūrū tampūntap, ra sī sĭti ra Yūda,

⁴⁰mempe ūnisog nimo isen Sakarīas, mempasiwugi Elĭsabet.

⁴¹Im pol sugkū Elĭsabet yemorigi nam paū isen Mēri, nalaū yemwīok ūnetnĭn isen,

⁴²ĭm Elĭsabet yemovuarugi Naviat Tumpora, memenūwi ugi naviansah memokū, Kĭk nevīeves ūnimĭnda ōvasiven, ĭm nevĭeves nalaū ūnetnĭn sorum.

⁴³Im nokowo imo irag ma dineme isen Novsūromon sorūg okevelum po yaū?

⁴⁴It nempugon pol sugkū naviam oketĭ telugūg, nalaū okowĭok ūnetnĭg ugi navos.

⁴⁵Im nevīeves iyi mori otavnirĭgi popōwo wonokompelisū imosū Novsūromon onūwi pugi.

⁴⁶Im Mēri yenienūwi memokū; Ya ūmampietivesep Novsūromon ūnōwag,

⁴⁷Im naviat sorūg umnavosavos ugi Nōbū Nēōwara sorūg,

⁴⁸It iyi yemokesi narumkor sorūg, nasiven torugat isen; Marugi nempugon marima palsi sū wampīeves yaū;

⁴⁹It iyi mori ra nūsian umpi aremi tamas nĭsekog: Nin isen tumpora.

⁵⁰Im togesoveli isen iranda-sū mori ūmamtetugi iyi, Marugi palsi ra palsi,

⁵¹Iyi umpi ōv numpūrah tamas ugi nĭlepon nokoven isen; Iyi aseviokonda ovun niaūiaū ra netevotarusū ūnōwanda.

⁵²Iyi oketalepasisep ovun horogisah marugi ovun potnumpūtūo isenda, Memetipesah ovun noramel;

⁵³Memtalira ovun temas ugi siamesū aremī, Memtamūlora ovun noete wokon.

⁵⁴Iyi avori Isrēel lĭvsaū isen, Memokū onentemi togesoveli isen;

⁵⁵Mori iyi yemenūwi punora ritemendeme soret, Ebraham, movun netnĭndeme isen ra palsi sū.

⁵⁶Im Mēri yemetendōwi nandū iyi itĭs endesel, memtorĭleki isenwi.

⁵⁷Isūma dansū isen Elĭsabet worevi netni, miyi yivi netni ĭtnataman.

⁵⁸Movun numpūranda ĭm raveneme dūmūrĭgi nam, Novsūromon yemumpi ōv numpelēves tamas nisekon; mirora dūmavoswi dal iyi.

⁵⁹Im ra dan sĭklem deselugi irora dūmūvelum mūmōkū wonumpi namon iran nalaū, mūmatovnin isen mūmōkū ugi itemen, Sakarīas.

⁶⁰Im deneme isen yemtamsi memenūwi memokū, Tawi; Kwonatovnin isen magkū, Yōane.

⁶¹Mirora dūomūnūwi pugi mūmokū, Tawi sī ra irora rapmime dūpmatovnin isenda mūmōkū sugkū.

⁶²Mirora dūmalevi nipmi itemen isen, mūmōkū wagkili iyi onatovnin isen magkū mē.

⁶³Miyi yemtagkeli selēt metīyi nam memokū, Yōane nin isen. Mirora sū dūmavlugi.

⁶⁴Marimago itĭpelah naveran, memsūli sĭlūamen, miyi yemenūwi memumpalugi ves iran Nōbū.

⁶⁵Im omwisū mori dūmūtendōwi nagkaū wokonda dūmamtetugi; im ra nūrūsū tampūntap ra Yūda, dūmūsepen enūri mūmōkū ugi imosū.

⁶⁶Im omwisū mori dūmūrĭgi dūmentemi, mūmūsepen tagkelora, mūmōkū, Mē imo nalaū? Im nokoven isen Novsūromon nandū iyi.

⁶⁷Im Sakarīas, itemen isen yemovūarugi Naviat Tumpora, memenūwi memokū;

⁶⁸Nevĭeves Novsūromon, Nōbū isen Isrēel, It iyi otopotnemora mokū amkorēōwara netevokontū isen,

⁶⁹Metipesah sī nĭmpati nēōwara nĭsekont Ra nimo isen Dēvĭd lĭvsaū isen;

⁷⁰Sugkū nam mori iyi yemenūwi ugi naveranda ovun profet tumpora isen marugi ra nōbūm,

⁷¹Memokū, amkosēōwara marokonda ovun novsen nakan soret, ĭm nokovenda omwisū umnakan pug kos;

⁷²Monokompelisū togesoveli nisekonda ritemendeme soret; Monentemi nam ūnam tumpora isen;

⁷³Nam ūnam mori iyi yepmievūos pugi Ebraham ĭtemen soret,

⁷⁴Memokū iyi amkosēōwara marugi nokovenda ōven novsen nakan soret, Mōmampugkos nĭnparata, ma sugkū kos kelentorugat iran ugi sentevives ūnōwant,

⁷⁵Im tanepo ūnĭpmi isen dansū omwisū soret.

⁷⁶Im kĭk, nalaū, wanūwi magkū, kĭk Profet isen Tantevakepe; It kĭk opmampūm ūnĭpmi isen Novsūromon, magkū ontĭ ovun selat isen,

⁷⁷Montavsokonda netevokontū isen nēōwara Ugi nefielentugi sat sū isenda,

⁷⁸Ugi nōsen togesoveli isen Nōbū soret; Potnilara marugi pokūp otopotnemekos ugi imosū,

⁷⁹Mokū ampunora nilara, mori ūmantesep ra nelebokevat ĭm namolĭn nēmas, Montōrokos ra selat ninparata.

⁸⁰Miyi nalaū yemalam, memtorugat ra naviat isen, memetendōwi ra ovun nūrū wokon mefeli dan iyi yōmetūratumpeni ūnimĭnda lō Isrēel.