Read Sie Luk 10 Bible Online

Luk 10 - Sie bible

Luk 10

¹Penūri imosū iyi Novsūromon yemtampolora seventi, memtomūlora dūrūgo worōbūm iran ra sĭti sū, ĭm nūrūsū iyi yemokū ampewi.

²Miyi yemenūwi punora, memokū, Novūan tamas, kō, oveteme woralekon, tawi sikat; wosenigi Novsūromon, isen novūan, mōkū iyi ontelielora ovun torugat ra denūok isen.

³Uve; ūrĭgi; ya umentamūlōkūm sugkū ovun lam ra ovun wūlf.

⁴Utūriuki woretatevote, kū vēyū, kū woravan; mūtūam punora ūselat.

⁵Ra sī nimo kwonĭn-torĭmpewi, ūnūwi mampūm, mōkū, Eti nĭnparata irami;

⁶ĭm nagkū ninparata ūnōwanda, nĭnparata soremi antendōwi iranda ĭm nagkū tawi, ōmontorĭleki pugkūm.

⁷Utendōwi ra nimo mori, woni, mūmoneki imosū wampugkūm; popōwo aremi worovugi neteme torugat nipmi isen. Utūavan ra nimosū.

⁸Im nimote sī kū sī kwonĭntorĭmpewi ūnisog, nagkū wontōrokūm, woni imo wantipe ra nokorami.

⁹Umkoroĭgives ōvun namarat ūnisog mori, mūnūwi punora, mōkū, Lō isen Nōbū okovelum potipot pugkūm.

¹⁰Im nimote sī kū sī kwonĭntorĭmpewi ūnisog, mirora ūtūontōrokūm, pol sugkū kwampe ilat ra ūntemne, ūnūwi, memōkū,

¹¹Navivon ra nimote soremi mori umamplesi kam, ka kemlenesemperi irami; kō, ukili imo, Lō isen Nōbū okovelum potipot.

¹²Kō, ya umanūwi pugkūm, memagkū, Anti ĭtemelepon ra Sodom, ra imo dan, mōmū ra nimōte mori.

¹³Owi iram, Korasĭn! Owi iram, Betsĭda! popōwo ōvun numpūrah horog umnumpi irami, nagkū pūpmūmnumpi sugkū ra Tīrus ĭm Sīdon, irora pūvīeves nowanda ĭtetūī, ĭm pivarugi némas nyielugelug, ĭm pitesep ra mugkebū.

¹⁴Kō, anti mōmū vilik iran Tīrus ĭm Sīdon ra nūrian, ĭm mōmū tamas irami.

¹⁵Im kĭk Kapernaum, yemetipesah mefeli ra pokōp, ontalepasisep ra neswate.

¹⁶Iyi sī umandĭgi kimi, umandĭgi yaū; miyi sī umagesĭndi kĭmi, umagesĭndi yaū; miyi sī umagesĭndi yaū, umagesĭndi iyi mori yemtamūli yaū.

¹⁷Mirora seventi dūmūtorĭleki ugi navos, mūmūnūwi, mūmōkū, Novsūromon, ovun naviatindi, irora sugkū, ra mumpon kam, ra nin sorum.

¹⁸Miyi yemenūwi punora, memokū, Ya okesi Sētan umol sugkū turepis marugi pokōp.

¹⁹Urĭgi, ya umampugkūm nempasiwugi worōwī iranda ovun neskil, mōvun skorpion, miran horog omwisū isen Novsen nakan; ĭm tawi sī se sī antipe nesorū irami.

²⁰Kō, ūtūavos ugi imo, popōwo ōvun naviatindi ra mumpon kĭmi; wavosavos popōwo yemetīyi nin soremi ūnpokōp.

²¹Ra nempugon mori Iesū yemevootoat ra naviat, memenūwi, memokū, Kompalugi, Nate, Novsūromon pokōp mūnemap ma kemetiumpeni iinosū marokonda ovun Somūl, mōvun nōĭntanwi, memsesisū punora ōvalalaū; oo, Nate, popowo kemokū aremi sugkū ūnĭmtum.

²²Itemen sorūg yemovoyaū siemesū; ĭm tawi sī umagkili Netni, Itemen wokon; kū Itemen, Netni wokon, ĭm sī kū sī mori Netni asepen agkū woresesi pugi.

²³Miyi yemelagkaū memokesora ōvun nūrie isen, memenūwi punora, irorago, memokū, Nevīeves niminda mori ūmagesi imosū kūmagesi;

²⁴ĭt ya umanūwi pugkūm, memagkū, Ovun profet sikat, mōvum natemonok ra nūsian dūmakīugi worokesi imosū kūmagesi mirora dūtōkesi, memorĭgi imosū kūmandĭgi mūtūrĭgi.

²⁵Im sī neteme Somūl yemtūok, memokū ontampi iyi, memtagkeli, memokū, Tavsogi, Ya onumpi sie worevi nomūrep ūbrūni?

²⁶Miyi yemtagkeli, memokū, Yemetīyi sie ra ōvun selnivi nam? Kĭk emasepi, memagkū sie?

²⁷Miyi Yemtamsi memenūwi, memokū, Konelintugi Novsūromon Nōbū sorum, ugi pōwam omwisū, mugi naviat sorum omwisū, mugi horog omwisū sorum, mugi tarūsū sorum omwisū; ĭm numpūnaram sugkū kĭk pe kĭk.

²⁸Miyi yōmenūwi pugi, memokū, konūwi ves; umpi sugkū ĭm kĭk amūrep.

²⁹Miyi yemokū asepen numpi iyi tanepo, mōĭmtagkeli Iesū, memokū, Im mē numpūnarag.

³⁰Iēsū, yōĭmtamsi memenūwi, memokū, Sī neteme yemne ra Yerūsalem miyep ra Yeriko, memumol ra ovun nokolag, mirora dūmūvī parugi omwisū, mūmūtipe toris iran, mūmūve, mūwi worumti nesumsah.

³¹Im sī neteme sakrefis yemyep yūi, memtanepugon iyi, memelani.

³²Im sī neteme Livĭ sugkū, yivelum, memokesi, memelani.

³³Im sī neteme Samēria yemavango memtanepugon, memosentogesoveli iyi, mempe pugi,

³⁴memēeti nokolisiran mori yorovag memavūi ugi dumpon im win, memuriuki, memetipe ran tan nūrah isen, memtōri ra simanlō, memtapmet, iran.

³⁵Im rat mran pol sugkū yemokū ampe, iyi yivi dūrū peni, memovugi neteme isen simanlō, memenūwi pugi, memokū, Tapmet iran, ĭm nagkū kampugi momū, pol sugkū ya umampelum ya ōmampunok.

³⁶Kemagkūo? Mē iyi ra irora desel numpūnaran isen neteme mori yumol ra ovun nokolag?

³⁷Miyi yemenūwi, memokū, Iyi mori yemtogesoveli iran. Im Iesū yōmenūwi pugi, memokū, kĭk, eve, mumpi sugkū.

³⁸Mirora dūmūve, miyi yĭntorimpe ra sī nimote, ĭm sī nasiven, nin isen Marta, yemtori iyi ūnisog nimo isen;

³⁹avensi isen, Mēri, miyi yemesepen netesep ra noan isen Iesū, mempendugugi nam isen.

⁴⁰Kō, Marta yemetovatarūgi sieme sikat; miyi yemetūrū potipot iyi, memtagkeli, memokū; Novsūromon, kotōkesi kū? avugsi owi yaū ko sī worotorugat. Enūwi pugi, mokū iyi onesitū irag.

⁴¹Im Iesū yemtamsi memenūwi pugi, memokū, Marta, Marta, kementarūtarū memesepen sokomulepwi ugi sieme sikat;

⁴²kō, siteven aremi, ĭm Mēri yemtampoli imo mori aremi otūampī marugi,